Elkartasun keinua Leioan: taberna batek sobratutako pintxoak eskainiko ditu beharra duenarentzat
Facebook sare sozialaren bidez zabaldu du ekimenaren berri Leioako taberna batek. “Sobratu zaizkidan pintxoak utziko ditut leihoan egunero, gaueko 11etatik aurrera. Momentu txarra pasatzen ari den norbait ezagutzen baduzue, duda barik har ditzala. Graziosoak eta bihurriak: ez itzazue hartu, zinez behar duen jendea dago-eta”.
Gutxien dutenak pobretu, eta gehien duena aberasten ari den mundu mailako krisia pairatzen ari dira herritarrak. Krisi ekonomikoaren aitzakiapean, prekarietatea eta pobrezia handitzen ari da herritarren artean, datuek ziurtatu dutenez.
Leioan eta Argentinan, beharra nonahi dago
Leioakoa ez da adibide bakarra. Argentinako San Miguel de Tucumán herrian ere elkartasun ekimena jarri dute abian: izozki-saltzaile soziala. Proiektuaren bultzatzaileak taberna bateko langileak ziren, eta sobratutako janari gehiena zakarretara botatzen zuten. Gau batean, tabernako jabeek gizon bat ikusi zuten bere semea kontainerrera sartzen janari bila.
Orduan jarri zuten martxan izozki-saltzaile soziala; ez dituzte, ordea, izozkiak oparitzen, beraien tabernan prestatutako janaria baizik. “Ez dugu inolaz ere txarra egon daitekeen janaririk jartzen. Guk prestatutako janaria da, akats bategatik, edota bezeroen gustura prestatuta ez daudelako, aprobetxatu ez dena”.
Seguru asko berri hau irakurtzen dutenek pozgarritzat joko dituzte horrelako ekimenak, eta zoriondu egingo dituzte horrelako ekimenak abian jarri dituztenak, eredu direla nabarmenduz. Krisiaren erdian ere badela argi-izpirik pentsatuko dute, herritarren arteko elkartasuna beharrezkoa dela momentu zail horietan. Herritar horiek, ordea, beraien etxean afalduko dute goxo-goxo, eta soberan geratu dena zakarretara botako dute ziur asko. Zergatik ez jarraitu eredu hauek gure etxeetan ere?
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.