ELAk eta LABek bost eguneko greba deitu dute Lanbiden

  • Eusko Jaurlaritzak “erakunde honetan egindako kudeaketa negargarria salatzeko” egingo dituzte lanuzteak. Langileen lan baldintzak errespetatzeko exijitu dute.

Jon Ander De la Hoz Arregi @delarregi
2016ko irailaren 14a
Lanbideko bulegoetako langileek greba egingo dute datozen asteetan.

Lanbiden lanuzteak iragarri dituzte datozen irailaren 21 eta 22rako, eta urriaren 3, 4 eta 5erako. ELAk eta LABek deitu dute greba, eta Eusko Jaurlaritzak Enpleguaren Euskal Zerbitzuan egindako “kudeaketa negargarria” salatzea dute helburu.

Sindikatuek adierazi dute Jaurlaritzak duela bost urte sortu zuela Lanbide, “eta ordutik zerbitzuko langileok eta herritarrok administrazioak hartutako erabaki oker eta kaltegarrien ondorioak pairatzen” ari dela gizartea. Zenbait adibide jarri dituzte zerbitzua taxuz emateko zailtasuna adierazteko. Besteak beste, esleitu zaizkion zerbitzu guztiak behar bezala eskaintzeko hornidura falta, bulegoen antolakuntza irizpiderik eza, eta langile kopuru urria.

ELAk eta LABek uste dute gobernuak “zerbitzua esternalizatzeko joera kezkagarria” erakutsi duela, eta oroitarazi dute “herritarrentzako arreta egokia langileen inplikazioaren bidez soilik ateratzen dela aurrera”. Horregatik, haien lan baldintzak errespetatzeko eta kalitatezko zerbitzu egonkorra ziurtatzeko erabakiak hartzeko eskatu dute.

Salatu dute azken urteetan 190 orientatzaile kaleratu dituztela, hots, bost urteko ibilbidean orientazioan aritu den talde ia osoa. Sindikatuen arabera, “Eusko Jaurlaritzak egoera zein den jakin arren ez du erantzunik eman, eta horrek aukera bakarra utzi die langileei: mobilizazioetara jotzea”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Zerbitzu publikoak  |  Sindikalgintza  |  ELA  |  LAB

Zerbitzu publikoak kanaletik interesatuko zaizu...
2018-05-08 | Leire Txakartegi
Bizkaiko erresidentzien greba: Begirada berriak

Ez dakit jakingo duzuen baina Bizkaiko erresidentzietako emakumeak gonbidapen ugari jasotzen ari dira estatuko txoko ezberdinetatik beraien gatazkaren berri emateko. Madrilen, Bartzelonan, Logroñon... egon dira jada.


2018-04-01 | Igor Agirre
Pentsio duina: denon lanak, denon eskubidea

Euskal Herriko pentsionistak kalera irten dira pentsio duinak aldarrikatzera. Bosgarren urtez jarraian, Hego Euskal Herriko erretirodun eta alargunek %0,25eko igoera jasoko dute beren ordainsarietan. Gutxieneko pentsioa 1.080 euroan jartzearen beharra azpimarratu dute, pentsiodun askok –nagusiki 65 urtetik gorako emakumeek– bizi duten pobrezia egoera salatuz.


2018-03-22 | ARGIA
Garraio eta funtzionarioen greba Ipar Euskal Herrian: lur, itsaso eta aire

Sektoreko zazpi sindikatu nagusik greba deitu dute Frantziako Estatu osoan administrazio publikoko langileen artean ostegunerako. “Ostegun Beltza” deituriko honek hainbat protesta batuko ditu Emmanuel Macron-en exekutiboa hartzen ari den neurriei kontra egiteko: funtzionarioak, garraio publikoko langileak eta pentsionistak.


LKSek Arrasateko udalari gomendatu dio kale garbiketa ez munizipalizatzea

Orain Cespa konpainiarekin daukan kontratua balio gabe geratuta, Arrasateko udala aztertzen ari da zer egin kale garbiketa zerbitzuarekin. Berriro lehiaketa publikora atera dezake; iazkoan Cespa eta Zerbitzu aurkeztu ziren. Edo zerbitzua munizipalizatu. Udal gobernu taldeak (EAJ-PSE) bideragarritasun txostena eskaturik, LKS kooperatibak gomendatu dio ez hartzeko bere gain zerbitzu hori, dirua galduko lukeelako. Eztabaida dago Arrasaten.


Hernani Town Council takes on Cleaning itself

Over recent years the FCC company has been in charge of keeping the streets of Hernani (Gipuzkoa) clean, just as in many other Basque towns. But from May onwards Hernani's own Garbitania public service will be doing that. Votes from EH Bildu and Orain Hernani (Podemos) passed switching the service from the private sector back to the public sector.


2018-03-15 | ARGIA
Zahar etxeetako langileen greba Ipar Euskal Herrian, nahikoa baliabide ez dutela salatzeko

LAB, CFDT eta UNSA sindikatuek grebara deitu dituzte gaur Ipar Euskal Herriko zahar etxeetako langileak, euren lana behar bezala egiteko nahikoa baliabide ez dutela salatzeko. 11:00etan elkarretaratzea egingo dute Baionako suprefetura aurrean.


Hernaniko Udalak maiatzean munizipalizatuko du kale garbiketa

Azken urteotan FCCk –euskal udal asko eta askotan bezala– kudeatu duen kale garbiketa zerbitzua maiatzetik aurrera hiru udalen enpresa publikoa den Garbitaniak hartuko du bere gain Hernanin. Martxoaren 7ko udal plenoan EHBildu eta Orain Hernani (Ahal Dugu-Podemos) taldeen botoekin eman zaio argi berdea aspaldi pribatizatutako zerbitzu publikoen munizipalizazioari.


2018-02-19 | Laborari
Maite Barberarena, erizainen grebaz: "Ez gara makina batekin ari, jendeak dira!"

Maite Barberarena erizain laguntzaile ari da Isturitzeko Pausa Leku zahar etxean. Menpekotasun egoeran diren zaharren zaintzan ari diren profesionalek urtarrilean greba handia egin zuten Frantziako Estatu osoan, beren eskuetan dauzkaten zaharrak hobeki zaintzeko lan baldintza egokiak eskatzeko.


2018-02-11 | Igor Agirre
Gipuzkoako autobus zerbitzu publikoa
Zuk diozu aldaketa, nik diot murrizketa

Gipuzkoako zati handi bati autobus garraio publikoa eskaintzen dion Lurraldebus zerbitzuan lineak eta maiztasunak birmoldatzen ari da Gipuzkoako Foru Aldundia. Debagoieneko, Buruntzaldeko eta Tolosaldeko herrietan kezka handia sortu du Diputazioaren egitasmoak, murrizketak dakartzalako haien esanetan.


EAEko 251 udaletako eta foru aldundietako langileek lanuzteak egingo dituzte

Otsailaren 28an 30.000 langile inguru lau orduko lanuztera deitu dituzte ELA eta LAB sindikatuek.


Azkenak
EGILEA
Eguneraketa berriak daude