EAEko Auzitegi Nagusiak baliogabetu egin du funtzionarioen 35 orduko lan astea
Auzitegiak Eusko Jaurlaritza derrigortu du Espainiako Estatuan indarrean dagoen Legea ezartzera. Funtzionarioen lanaldia astean 37,30 ordukoa izatea zehazten du horrek. Urkulluren gobernuak kasazio errekurtsoa aurkeztu ahal izango du Auzitegi Gorenean.
Euskal Autonomia Erkidegoko Justizia Auzitegi Nagusiak ezeztatu egin du funtzionarioen lanaldia astean 35 ordukoa izatea ahalbidetzen zuen dekretua. Magistratuek azaldu dutenez, Espainiako Estatuan 37,30 orduko lanaldia ezartzea arautzen duen dekretua indarrean dagoen bitartean, ezinezkoa izango da EAEko funtzionarioen lan orduak murriztea. Horretarako, beharrezkoa litzateke balio bereko arau bat, hau da, Estatu mailako legea.
Ebazpena sinatu duten epaileen arabera, “erabat definituta” dago nori dagokion lan orduak zehazteko ahalmena. Beraien iritziz, “35 orduko lanaldiak gastu publikoa areagotzea dakar”, eta eragina du aurrekontu-egonkortasunean.
Eusko Jaurlaritzak asteartean baloratuko du ebazpena, eta aukera izango du kasazio errekurtsoa aurkezteko Auzitegi Gorenean. Izan ere, 2016ko otsailean ezarri zuen 35 orduko lanaldia. Dagoeneko ezarrita daude ordu horiek funtzionarioen lan egutegian, Espainiako Estatuko abokatutzak ez zuelako kautelazko etendurarik eskatu. Eta abendua amaitzear dagoenean, ez dago tarterik euren lan baldintzak aldatzeko.
Espainiako Estatuko beste hainbat erkidegok ere lan orduak murrizteko saiakerak egin dituzte, baina Estatuko abokatutzak baliogabetu egin ditu denak.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.