Bozkatzera deitutakoen %24,83k eman du botoa estatus politikoari buruzko galdeketetan

  • 124.274 pertsona deituak zituen Gure Esku Dagok igande honetako herri galdeketara, eta horien %24,83k bozkatu dute: 30.862k. Tolosaldean, Oarsoaldean, Astigarragan, Hernanin eta Larrabetzun antolatu dituzte galdeketak, 35 herritan denera.

Lukas Barandiaran San Roman  |  Asier Iturralde Sarasola @aldatsa
2017ko martxoaren 20a
Igandeko galdeketaren irudi bat. (Arg.: Gure Esku Dago)

Parte-hartzea askoa aldatu da herri txikietatik handietara. Orexan bozkatzera deitutakoen %82,11k bozkatu dute, eta Errenterian, atzo galdeketa egin zen herrietatik handiena, %13,54k.

Jasotako bozen %95,84k baiezkoaren alde egin dute, eta %2,63k, berriz, kontra egin dute.

2014an Etxarri-Aranatz eta Arrankudiaga-Zollo izan ziren aitzindariak galdeketak egiten. Joan den urtean beste 36 herrik eduki zuten galdeketa egiteko aukera. Atzokoarekin, jada 70.000 pertsona inguruk eman dute bozka herri galdeketetan.

Berria-k Zelai Nikolas Gure Esku Dagoko kidearen hitzak jaso ditu. Esan du ez dela kontuan hartu behar zenbat jendek parte hartzen duen soilik, baizik eta eztabaida zein testuingurutan egiten den. Eztabaidak anitza izan behar duela azpimarratu, eta hori lortzen ari direla erantsi du.

Herritarrek Euskal Herri independente batean bizi nahi duten ala ez galdetu dute galdeketetan. Galderaren muina bera bazen ere, galderaren formulazioa ez zen berdina leku guztietan:

Tolosaldea: 'Nahi al duzu euskal estatu burujabe bateko herritarra izan?'

Oarsoaldean:

Lezo: 'Nahi al duzu euskal estatu libre bateko herritarra izan?'

Oiartzun: 'Nahi al duzu euskal estatu bateko herritarra izan?'

Pasaia: 'Nahi al duzu Euskal Herri burujabe bateko herritarra izan?'

Errenteria: 1) 'Ados zaude euskal errepublika burujabe bat eratzearekin?' 2) 'Aurreko erantzuna baiezkoa bada, ados zaude independentea izatearekin?'

Astigarraga eta Hernani: 'Nahi al duzu Euskal Herria errepublika burujabea eta independentea izatea?'

Larrabetzu: 'Euskal estatu burujabe bateko herritar izan gura dozu?'

Hemen dituzue orain arte egin diren galdeketa guztien mapa interaktiboak, grafikoak eta herriz herriko emaitzak:

Kanal honetan artxibatua: Erabakitzeko eskubidea

Erabakitzeko eskubidea kanaletik interesatuko zaizu...
2017-12-01 | Uztarria
Gure Esku Dagori Azpeitiko Udalak emandako diru laguntzaren aurka egin du Espainiako gobernu ordezkariak

Urriaren 31n zuten epaiketa, baina Estatuko Abokatuari ez zioten jakinarazi hitzordua, eta bertan behera gelditu zen. Besteak beste, "kriseluen gauerako" 2.900 euro eman zion udalak elkarteari.


2017-11-27 | Andoni Mikelarena
Herritarron ituna eta herri galdeketak, GEDen plangintzaren ardatzak 2018rako

Ikasturte honetarako plangintza onartu zuen larunbatean Gure Esku Dagok Agurainen (Araba) egin zuten ez ohiko batzar orokorrean. “EtorkiZUna” izango da ikasturte honetarako leloa.


2017-11-24 | Andoni Mikelarena
Donostian 2018ko udazkenean egingo dute galdeketa estatus politikoaz

Ostegunean aurkeztu dute herri galdeketa antolatuko duen taldea, Donostiako udaletxean. Donostia Galdeketa izeneko talde sustatzaileak, sinadura bilketa du hurrengo erronka.


2017-11-21 | Hala Bedi
2018an Gasteizen herri galdeketarik ez egitea erabaki du Gure Esku Dagok asanblada irekian

Aurkezpen labur bat egin ostean, 2018. urtean Gasteizen herri kontsulta egitearen gaia jorratu dute Judimendiko Gizarte-Etxean egin duten asanblada irekian. “Herri dinamika bat izanda, herriak erabaki behar du galdeketa egin edo ez”, adierazi zioten Gure Esku Dago Gasteizko kideek Hala Bediri. Guztira, 50 lagun inguruk hartu dute parte.


2017-11-14 | Unai O˝ederra
Barkamen eske, #155ariEZ manifestazioaren arrakastagatik

Zapore mingotsa utzi dit azaroaren 4ko Bilboko manifestazioaren biharamunak. 155. artikulua salatzeko manifestazio arrakastatsua egin, eta zertaz hitz egin zen astelehenean? Euskal Herria ez da Katalunia.


2017-11-12 | Miren Osa Galdona
21.000 pertsonak parte hartu dute igandeko herri kontsultetan

21.027 herritarrek bozkatu dute Gure Esku Dago plataformak hamahiru herritan antolatutako galdeketetan, batez beste eskubidea zutenen %13k. Aurreko galdeketekin alderatuz, parte hartzeak behera egin du.


2017-11-06 | Miren Osa Galdona
21.000 pertsonak parte hartu dute igandeko herri kontsultetan

21.027 herritarrek bozkatu dute Gure Esku Dago plataformak hamahiru herritan antolatutako galdeketetan, batez beste eskubidea zutenen %13k. Aurreko galdeketekin alderatuz, parte hartzeak behera egin du. Hala ere, Zelai Nikolas bozeramaileak emaitzen gainetik, “mesfidantzak uxatu eta konplizitateak josten jarraitzea” azpimarratu du.


2017-11-03 | Miren Osa Galdona
Erreferendum adostua egiteko akordio politikoa lortu dute Frantziako Gobernuak eta Kaledonia Berriak

Edouard Philippe Kaledonia Berriko lehen ministroak jakinarazi du adostasuna lortu dutela Frantziako Gobernuarekin autodeterminazio erreferenduma egiteko.


2017-11-02 | Unai Brea
"Herri honen etorkizunagatik egon behar dugu larunbateko manifestazioan"

Katalunian 155. artikulua ezarri izanaren aurka eta erabakitzeko eskubidearen alde manifestaziora deitu dute, larunbaterako, Gure Esku Dagok, EH Bilduk eta gehiengo sindikalak. Mobilizazio deialdi horren karietara hitz egin dugu EH Bilduko legebiltzarkide Maddalen Iriarterekin. “Espero dugu manifestazio hau ere aurrekoak bezain arrakastatsuak izatea, asko dago-eta jokoan”, esan digu.


2017-10-31 | Hiruka .eus
"Kataluniari egin diezaiokegun mesederik handiena da azaroaren 5ean botoa ematea"

Erabakitzeko eskubidearen aldeko herri-galdeketak egingo ditu azaroaren 5ean Getxon, Erandion, Leioan eta Berangon Gure Esku Dagok (GED). GEDren bozeramailea den Zelai Nikolas barrikoztarrak udalerri horietako bizilagunak botoa ematera deitu ditu, "lanaren eta ilusioaren bidez, gaur ezinezkoa dirudiena bihar posible izan daitekeelako".


Eguneraketa berriak daude