Bizkaira gurutzontzietan iaz baino %10 turista gehiago heltzea aurreikusten du Aldundiak

  • 58 gurutzontzi eta 94.000 bidaiari iristea espero du Bizkaiko Aldundiak aurten herrialdera, hau da, 2016an baino %14 ontzi eta %10 bisitari gehiago. Datuok ostegunean eman zituen Ekonomi eta Lurralde Garapena Sustatzeko Diputatu Imanol Pradalesek Getxon gurutzontzientzat egin duten portu berriaren irekieran, Bilbao Bizkaia Forum Cruises ekitaldian.


2017ko uztailaren 04an - 10:48
Gurutzontziz Bizkaira iritsiko diren turista kopurua %10 igotzea aurreikusten du Aldundiak.

Bilbao Bizkaia Forum Cruises antolatu dute Bizkaiko Foru Aldundiak, Bilboko Portuko Agintaritzak eta Bilbo eta Getxoko udalek. Turismoaren sustapenarekin loturiko eragileak bildu dituzte eta EiTBn irakur daitekeenez, gurutzontzien trafikoak sor ditzakeen negozio aukerei eta horiek sustatzeko egin daitezkeen ekintzei buruz aritu ziren.

Pradalesek adierazi zuen "goraldi konstantean dagoen irismen globaleko aktibitatea" dela turismoa, eta Bizkaiak ardatz Atlantikoan gurutzontzien ibilbideetan "erreferente" izatea bilatuko duela. "Europako sarrerako atea" izan nahi du Bizkaiak Pradalesen hitzetan.

Ezkerretik eskuinera: MSC Cruceros-eko zuzendari orokor Emiliano González, Bilboko Portuko zuzendari Asier Atutxa, Bizkaiko Ekonomi eta Lurralde Garapena Sustatzeko Diputatu Imanol Pradales, Bilbao Ekintzako zuzendari orokor Nora Sarasola, Pullmantur Cruises-eko Ibilaldi plangintzako zuzendari Javier Marín eta Getxoko alkate Imanol Landa.

Lotura honetan ikus daiteke jardunaldietako egitaraua zein izan zen gaztelaniaz eta ingelesez, eta beste lotura honetan turismoaren sektoreko kideak bildu zituen ekitaldiko argazkiak.

 


Kanal honetatik interesatuko zaizu: Turismo masiboa
25 lagunetara murriztuko dute turista taldeetako gehieneko pertsona kopurua Donostian

Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.


Lau donostiarretatik hiruk uste dute turismoak kalte “handia” egiten diela

Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.


Pisu turistikoak debekatu ditzakete bizilagunek, Espainiako Auzitegi Gorenak ebatzi duenez

Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.


Tasa turistikoa aplikatzeko lehen urratsak ematen ari da Jaurlaritza

Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.


Turistifikazioaren aurkako manifestazio jendetsua egin dute Donostian

Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.


Eguneraketa berriak daude