Bizkaiko zahar etxeen gatazka, konponbidetik urrun
Bizkaiko zahar etxeetako langileek, aurten 32 egun greban egin eta gero, beste lanuzte bat hasi dute, oraingoan hiru astekoa. Patronalekin akordiorik lortu ez eta ELAk urteko laugarren lanuztera deitu ditu langileak.
Urriaren 24an eman zioten hasiera lanuzteari Bilbon eginiko manifestazioarekin. 35 orduko lan astea, taxuzko soldata igoera eta lan-karga egokiak dituzte langileek helburu.
Emaitzarik ez duen negoziazioa
Martxoan eta ekainean hemezortzi greba egun egin ostean akordiorik ez zen iritsi. Irailean, ELA sindikatuak, berriz ere, grebara deitu zituen Bizkaiko egoitzetako langileak, patronal eta Bizkaiko Foru Aldundiaren jarrerarekin kritiko. Irailaren 21etik urriaren 5era iraun zuen.
Hirugarren lanuzte horren azken egunetan negoziazio mahaian eseri ziren bi aldeak. Langileen eskaeren aurrean patronalek (GESCA, LARES eta ENBE) eginiko proposamena, ordea, “arduragabekeriatzat” jo zuen ELAk. Bi urtean sei euroko soldata igoera eta bi orduko lanaldi murrizketa izan ziren eskainirikoa.
ELAren ustez patronalek ez dute egungo lan kargak hobetzeko pausorik eman. Gai horretan “ezetz borobila” jaso dutela adierazi du sindikatuak. Lan baldintzak eta zerbitzuaren kalitatea beherantz doazen bitartean, irabaziak gora egin dutela salatzen dute langileek. Bizkaiko Foru Aldundiari ahalik eta eskaintza onena egin eta jasotako diru-laguntzak dituzte helburu bakar ELAren ustez.
Pribatizaturiko zerbitzu publikoa
Bizkaiko Foru Aldundiaren jarrerarekin ere ez daude gustura. Urriaren 19an bildu ziren langileak Aldundiko Gizarte Ekintza saileko arduradunekin. Urtebete inguru bileraren zain egon ostean, Aldundiak proposamenik edo aurrerapausorik ez ematea ez dute ulertzen.
Egoitzak zerbitzu publiko pribatizatuak dira eta Aldundiak %70 finantzatzen du. Emaniko diru-laguntzak nahikoak diren askotan zalantzan jarri da, ez langileen aldetik bakarrik, baita “patronalaren aldetik ere” ELAren esanetan.
Konponbiderik aurkitu ezean langileek greban jarraituko dutela adierazi dute, “lan baldintza duin eta zerbitzuaren kalitate egokiaren alde”.
Ia bi urtez 68 greba egun egin dituzte Bizkaiko zahar egoitzetako gerokultoreek. ELA eta UGT sindikatuek hitzarmena sinatu dute. 2025ean 1.800 euroko soldata jaso ahal izango dute langileek. Gerokultoreena sektore feminizatu eta prekarizatua da. Bizkaiko langileek 2016 eta 2018... [+]
Bizkaiko erresidentzietako ELAko langileek salatu dute patronalak eta Bizkaiko Foru Aldundiak "bere horretan" jarraitzen dutela. "Zaintzarekin negozioa" egiten ari direla salatu du sindikatuak.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]
LAB eta ELAk greba deialdia egin dute abenduaren 14rako eta Bizkaiko zahar egoitzetako 5.000 langile deitu dituzte. Ez dute hitzarmenik adostu urtebete luzeko negoziazio mahaietan.
Sektoreko lan hitzarmena berritzeko garaia da. ELA sindikatuak dio patronalak hitzarmenean murrizketak aurreikusi dituela eta kaleratzeak izango direla mehatxu egin duela. Bizkaiko zahar egoitzetako langileek badakite zer den hitzarmen duin baten alde borroka egitea. Azkenekoan,... [+]
“Berdea da more berria. Bizkaiko egoitzetako grebalarien testigantzak” liburua Euskal Herriko hainbat herritan aurkeztu dugu 2019ko otsailean Bilbon aurkeztu genuenetik. Martxoaren 14an Altzon aurkeztuko dute liburua Onintza Irureta Azkune egileak eta Aitziber... [+]
Eusko Jaurlaritzak aurkeztu zuen dekretu berriak egoitzetan lanean ari diren pertsonentzat egoera okertu duela salatu du Txomin Lasa ELAko arduradunak. Sindikatuek patronalekin hitzartutako planak instituzioek zaildu dituztela dio.
Bizitza da lehena; jar dezagun bizitza erdigunean... Denon ahotan dabiltzan leloak dira hauek, baina bizitzari lehentasuna eman nahi badiogu, ezinbestean zaintza duina bermatu beharra dago, ez baitago bizitzarik zaintzarik gabe. Egin ditzagun ikusgai bizitza posible egiten duten... [+]
Apirilaren 29an, arratsaldeko 18:30ean, Donostiako Kaxilda liburu-dendan, hiru grebari buruzko azalpenak emango dituzte orain greba betean dauden bi emakume langilek eta “Berdea da more berria. Bizkaiko egoitzetako grebalarien testigantzak” liburuaren egile Onintza... [+]