Bilboko Udal taldeek Aste Nagusian izandako eraso sexistak salatu dituzte
Bilboko Udalean ordezkaritza duten taldeek jaietan jazotako gutxienez hiru eraso sexisten kontrako ohar bateratu bat kaleratu dute.
Aste Nagusian hiru emakumek salatutako erasoen kontra batasuna erakutsi dute Udal taldeek. Ukitu matxistak izan dira salatutakoak, eta taldeen arabera emakumeek egunero pairatzen duten indarkeriaren erakusle besterik ez dira. Eraso guztiak salatu eta biktimei elkartasuna adierazi diete, eta herritarrei deia egin diete berdina egin dezaten.
Hain zuzen, biktimen esku jarri dute Udalaren Genero Indarkeriaren Arreta eta Prebentzio Programa, behar izatekotan.
Ertzaintzak pasa den larunbatean 22 urteko gizonezko bat atxilotu zuen Indautxun hainbat emakumeri ukituak egiteagatik eta beste bat portaleraino jarraitzeagatik.
Nafarroako Auzitegiak jakinarazi du ostegunean egingo dutela publiko 2016ko sanfermin jaietan, Iruñean, bost gizonen artean bortxatu zuten emakumearen kasuko epaia.
Pasa den astean bina emakumek jasandako erasoak salatu ditu Santurtziko Mari Matraka talde feministak. “Eraso sexistarik ez” lelopean, elkartasuna adierazi diete herritarrek.
Putzuzulok elkartasuna adierazi die erasoa jasan duten emakumeei. Amurrion ere beste eraso bat salatu dute eta urruntze agindua ezarri diote salatutako gizonari.
2016ko ekainean emakume bat bortxatu izanaz akusatu (eta absolbitu) dituzten Ulster Rugby taldeko bi jokalarien auziak hautsak harrotu ditu Irlandan. Egunkariek tarte handia eskaini diote kasuari, ez soilik kronika edota iritzi sailetan, baita iragarkientzat gordetako orrialdeetan ere. Horrek eman digu atentzioa bereziki.
Astelehen goizaldean gertatu zen sexu erasoa San Telmo festetan. Erasoa jasan duen emakumeak salaketa jarri zuen eta unean bertan atxilotu zuten Ertzainek salatutako gizona. Astearte goizean deklaratu du Azpeitiko Guardiako Epaitegiko epailearen aurrean.
Ostiralean hasiko dira San Telmo jaiak Zumaian, zalantzarik gabe herriak dituen jai garrantzitsuenak. Festa giroa eta alaitasuna nagusituko dira beste behin ere. Hori hala izanda ere, eraso sexisten arriskuak hor jarraitzen duela salatu zuten atzo Amaiako plazan bildutako emakumeek. Irakurketa bat egin zuten eta baita eraso sexisten aurkako protokoloaren berri eman ere.
Baldintzapean aske gelditu da Jose Diego Yllanes. 2008ko sanferminetan Nagore Laffage hil ondoren 2009an hamabi urte eta erdiko zigorra ezarri zion epaileak homizidioa egotzita. Bederatzi urte espetxean eman ondoren kalean da Yllanes. 2020. urtetik aurrera psikiatria lanean aritzeko aukera ere izanen du, kondena osoa betea izanen duelako hemendik bi urtera.
Espetxearen abolizionista gisa definitzen du bere burua Paz Frances Lekunberri legelariak (Iruñea, 1983). Zigor sistemaren eta patriarkatuaren arteko lotura aztertu zuen 2016an, eta lehena bigarrenaren “irudi eta antzera” sortua dagoela ondorioztatu zuen. Kezkagarritzat jo du gizartean, azkenaldian, delitugileentzako espetxealdi luzeak eskatzeko dagoen joera, eta zenbait alternatiba proposatu ditu.
2017ko uztailean ezker abertzaletik kanporatu zuten militante bat Euskal Herriko emakume askori eraso egiteagatik. Eraso horretatik abiatuta militantzia esparruetan gertatzen diren eraso sexistak azaleratu dituzte hainbat emakumek.
Maria Gonzalez Gorosarri ikerlariak ustezkokeria zer den azaldu digu, eta hedabideek bortxaketaren kultura indartzeko zein garrantzia duten salatu du. Emakumeak subjektu aktibo izan daitezen aldarrikatu du azkenik.
