Behin-behineko langileen kaleratzea ez da merkeagoa izango

  • EAEko Auzitegi Nagusiak bat egin du Europako justiziak emandako irizpideekin, eta atea ireki du kaleratutako behin-behineko langileek ere 20 eguneko kalte-ordaina jaso dezaten.

Urko Apaolaza Avila @urkoapaolaza
2016ko urriaren 19a
Langileak Galdakaoko ospitaleko laborategi batean. EAEko Auzitegi Nagusiak BIOEF fundazioko ikerlari baten salaketa aintzat hartu du.

Galdakaoko ospitalean hiru urtez ikertzaile aritu zen emakume baten kasuan EAEko Auzitegi Gorenak ebatzi du 20 eguneko kalte-ordaina dagokiola lan egin zuen urte bakoitzeko. Hala, Europako Justizia Auzitegiak irailaren 14an agindutakoarekin bat egin du eta langile finkoekin alderatuta behin-behinekoek jasaten zuten diskriminazioa –12 euro baino ez zuten kobratzen– amaitzeko bidea ireki du.

ELAk ohar bidez azaldu du epaimahaiak “langile-klasearentzako aukerarik hoberena” hartu duela. Sindikatuak eraman du  BIOEF fundazioko langile honen kasua eta nabarmendu du sententziak ez duela bereizketarik egiten behin-behineko kontratu motaren artean, bitartekoa  izan edo lan jakin baterako izan.

Garbiñe Biurrun: “12 euroko kalte-ordaineko kontratu hori amaitu da”

Euskadi Irratian Garbiñe Biurrun erabakia hartu duen epaimahaiko presidenteak hitz egin du. Magistratuak ziurtatu du orain arte kalte-ordainik jasotzen ez zuten bitarteko langileek ere erreklamazioak egin ahal izango dituztela.

Biurrunek azaldu duenez, salaketa eta eskaera ugari etor daitezke orain eta beraiek epai berdina emango dute kasu guztietan: “Gure ustez 12 euroko kalte-ordaineko kontratu hori amaitu da”. Baina epailearen aburuz ez da baztertu behar beste auzitegietan Estrasburgoko agindua bestela interpretatzeko aukera.

EAEko Auzitegi Nagusiaren ebazpenari helegitea jarri diezaiokete Auzitegi Gorenean eta honek urtebeteren buruan erabakiko luke. Nolanahi ere, bitartean ebazpena bete egin beharko dute enpresek eta ezin izango dituzte kaleratze merkeagoak egin.

Kanal hauetan artxibatua: Prekarietatea  |  ELA  |  Langile borroka

Prekarietatea kanaletik interesatuko zaizu...
Gipuzkoako eraikuntzako greba mehatxuak patronala estutu du beste proposamen bat egitera

Asteazkenean bildu dira Adegi Gipuzkoako enpresarien elkartea eta LAB eta ELA sindikatuak Gipuzkoako eraikuntza sektoreko hitzarmenaz hitz egiteko. Ez dira adostasunera iritsi, sindikatuek ez baitute nahikoa urrats ikusi patronalaren proposamenean. Hala, greba egiteko aukerak aurrera jarraitzen du; maiatzaren 22an izango da hurrengo bilera.


2018-05-08 | Leire Txakartegi
Bizkaiko erresidentzien greba: Begirada berriak

Ez dakit jakingo duzuen baina Bizkaiko erresidentzietako emakumeak gonbidapen ugari jasotzen ari dira estatuko txoko ezberdinetatik beraien gatazkaren berri emateko. Madrilen, Bartzelonan, Logroñon... egon dira jada.


2018-05-08 | Topatu.eus
Prekarietatearen festa Iru˝eko Decathlonen
MULTIMEDIA - bideo herrikoia

'Prekarietatearen festa' egin zuten maiatzaren 1ean Akatu prekarietatea plataformako zenbait kidek, "modu ironiko batean". Iruñeko Decathlonek prekaritatea sustatzen duela salatu zuten, langileen baldintza okerrak dituztelako. Horren aurrean, mobilizatzeko dei egin dute.


2018-05-03 | Lander Arbelaitz
Prekarietatearen aurkako konga

Dantzatuz salatu dute Donostiako Gogoko Goxuak kafetegian bertako hainbat langileri ez zaiela ordaintzen. Dozena bat lagun sartu ziren maiatzaren 1aren bezperan kafetegian, bafle batetik “Ojalá que llueva café” doinua jarrita, konga dantzatzen, kafe aleak botaz eta bertan ordura arte lasai ederrean zeuden bezeroei eskuorriak banatuz. Bi minutu eta erdiko ekimena, eta kalera.


2018-05-02 | Topatu.eus
Dantzatuz salatu dute Gogoko Goxuak-en prekarietatea

Donostiako Langileen Babes Sareko kideek konga dantzatuz, kafe aleak botaz eta eskuorriak banatuz salatu dute Donostiako Gogoko Goxuak kafetegiak bultzatzen duen prekarietatea. Zor duena ordaindu dezala eskatu dute.


2018-04-26 | Hala Bedi
Agurainen larri zauritu zen langilearen enpresan lanuztea egin dute, segurtasuna berma dadila eskatzeko

Hala Bedik aurreratu zuenez, Agurain herrian dagoen Wind Energy Casting II enpresan, WEC taldekoa, istripu larria egon zen apirilaren 13an.


2018-04-24 | Topatu.eus
Gazteria, lana eta prekarietatea oinarri dituen txostena aurkeztu dute LABek eta Ernaik

Euskal Herriko gazteen prekarietate egoera aztertzea da txosten honen helburua, lan merkatuaren egoera aztertu eta honek gazteengan duen eraginean zentratuz. Langile kontraboterea oinarri, borrokarako tresna izateko nahia ere badute LAB eta Ernaiko kideek.


2018-04-20 | Uriola.eus
"Glovo enpresan autoesklabo bihurtzen duzu zeure burua"

Glovo enpresako langile ohi bat elkarrizketatu du Bilboko gazte prekarioen asanbladak. Langileak, beraien egoeraz gain, Glovo bezalako enpresek nola aritzen diren azaldu du: "Autonomo faltsuak gara eta azkenean gure lanaren esklabo bihurtzen gara".


2018-04-01 | Igor Agirre
Pentsio duina: denon lanak, denon eskubidea

Euskal Herriko pentsionistak kalera irten dira pentsio duinak aldarrikatzera. Bosgarren urtez jarraian, Hego Euskal Herriko erretirodun eta alargunek %0,25eko igoera jasoko dute beren ordainsarietan. Gutxieneko pentsioa 1.080 euroan jartzearen beharra azpimarratu dute, pentsiodun askok –nagusiki 65 urtetik gorako emakumeek– bizi duten pobrezia egoera salatuz.


2018-03-27 | ARGIA
Guggenheim Bilbao Fundazioa zigortu dute grebarako eskubidea urratzeagatik

2016an greba egin zuen eta ondoren kaleratua izan zen langile bati 6.251 euroko kalteordaina ematera eta hura berriz ere kontratatzera zigortu dute Guggenheim Bilbao Fundazioa, grebarako eskubidea urratu duelako.


Eguneraketa berriak daude