Errentan hartutako furgoneta batekin Toronton hamar oinezko hil eta 14 zauritu baino lehenago, erasoa egin zuen Alek Minassianen Facebookean mezu labur bat argitaratu zen, The Guardianek azaldu duenez. “’Incel’ matxinada hasi da. Paretik kenduko ditugu ‘Chad’ eta ‘Stacy’ guztiak”. Mezuak Elliot Rodger-i egin zion erreferentzia, zeinak tiroz 10 pertsona hil eta 14 zauritu baitzituen 2014an Californiako Isla Vistan. Sareetan errotzen ari den “incel” mugimenduak misoginian oinarritutako azpikultura bat ezkutatzen du.
Involuntary celibate —nahi gabeko zelibatua— hitzetatik sortutako kontzeptua da “incel”, eta kontzeptua bere egiten duten gehienak gizonezkoak dira. “Sexu harremanak nahi arren izan ezin dituztenek” sortzen dute kolektiboa, eta frustrazio sexual horrek azpikultura misogino bat sortu du sarean, incels.me bezalako atariekin.
Kultura misoginoarekin bat egiten dutenek “Chad” eta “Stacy”-en kontra egiten dute: Chad-ak “sexualki aktiboak” diren gizonezkoak lirateke, eta Stacy-ak, “emakume erakargarriak”.
Hedabide ugarik berehala aipatu dute Torontoko erasoak ez duela zerikusirik terrorismoarekin. Beste kasu batzuetan, aitzitik, erasotzaileen joera ideologikoak aipatzen dira, baina oraingoan gutxik aipatu dute Minassianen misoginia.
Eraso yihadistak aise identifikatu dituzte hedabideek. Furgonetekin egindako erasoei begiratuz, New York, Bartzelona, Londres, Niza, Paris, Berlin eta Stockholm-ekoaren antza izan dezake Torontokoak, baina besteak ez bezala, hau ez dute terrorismoarekin lotu, eta Kanadako Poliziak ez du erasotzailearen arrazoien berri eman.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.