Madrilgo Aluche kaleko CIE Atzerritarrak Barneratzeko Zentroan berrogei lagun inguruk gaua teilatuan igaro dute “askatasuna eta duintasuna” eskatzeko. Berrogeita hamar inguru altxa ziren eta horietatik 39k lortu zuten teilatura iristea.
Hamabi ordu inguruko negoziazioa eta euria beharrezkoak izan dira teilatuan zegoen taldea jaisteko. Ez dutela zigorrik jasoko eta Argeliako kontsularekin hitz egingo dutela adostu dute.
Ahora Madrid eta Podemos alderdiko kide ugari gerturatu dira gauean zehar bitarteko lanak egiteko asmotan. Azaldu dutenez poliziak ez die horretarako baimenik eman.
Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.
Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]