Sarean asko zabaldu da Bilboko parke batean gertatutako eraso arrazistaren bideoa. Gertaera horren aurkako mezuak jarri dituzte erasoa gertatu zen parkean.
Martxoaren 31n Bilboko Prim kaleko parke batean ume batek jasandako eraso arrazistaren berri eman zuen Desirée Bela-Lobeddek Twitter bidez. Salaketarekin batera zabaldutako bideoan ikusten zenez, zenbait umek ez zioten utzi haur beltz bati parkeko txirristan igotzen; haren ama gerturatu zen, haurrari pasatzen utz ziezaioten, baina beste umeek ez zioten utzi eta gainera iletik tira eta jo egin zioten haur beltzari.
Parte 1: pic.twitter.com/8e1ey5Yft4
— Desirée Bela-Lobedde (@desiree_bela) 2018(e)ko martxoak 31
Parte 2: pic.twitter.com/N2KFxrCnYV
— Desirée Bela-Lobedde (@desiree_bela) 2018(e)ko martxoak 31
Kontua ez zen hor bukatu: haurraren amak beste norabait eraman zuen bere umea, baina bi neskak atzetik jarraitu zioten eta buruan jo. Bitartean, ume jazarleen gurasoek ez zuten ezer egin.
Gertaera tamalgarri horri aurre egiteko, “Zurekin jolastu nahi dugu” eta “STOP arrazakeria” mezuak jarri dituzte Santutxu auzoan dagoen parkean, Ecuador Etxeak informatu duenez.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.