ARGIA Donbassetik: Hiru gerra-preso ukrainarren entrega

  • Guda gogortu egin da Donbaseko eskualdean. Ukrainar ejertzitoak soldaduak batzen ari da ukraina ekialdean, eta Donetsk eta Luhanskeko Herri Errepublikak defentsarako prestatzen ari dira negu gogorrean iragarrita dagoen ofentsibarako. Frontean, dena den, egunero daude borrokak, eta bonba eta tiro hotsak bizitzaren parte bilakatu dira Kieveko Batzarrak "Terrorismoaren Aurkako Operazioa" hasi zuenetik. Testuinguru honetan, Luhanskeko herri milizietako ordezkariak, aldebakartasunez Aidar batailoi ultranazionalista ukrainarraren hiru preso askatzea erabaki zuen. Urriaren 15ean hartu zituzten preso hiru soldaduak osasun egoera txarrean. Ospitalean sendatu ondoren anbulantzia batean Luhansketik Ukrainako lurretara bidali dituzte, OSCE eta Gurutze Gorria presente zirela. ARGIA bertan egon zen presoekin hitz egin eta entregaren testigu izateko.

2014ko azaroaren 13an - 00:00
Azken eguneraketa: 2015-02-26 13:37:33

 

 

“Ukrainako gobernuak engainatuta sentitzen naz, Donbassen egiten ari den sarraskia justifikaezina da”
Luhanskeko ospitalean preso nazionalista ukrainarrekin izandako solasaldiaren laburpena.

“Ivan” enboskada baten atzeman zuten. Ospitaleko zazpigarren plantan ingresatuta dago. Hanka bat galdu du eta bere gorputza zauriz beteta dago, “Aidar eta Azov batailoien autobus gidaria nintzen, baita Guardia Nazionaleko kolaboratzailea” dio Ivanek “boluntario gisa batu nintzen armadara Kieveko komunikabideetan milizianoek umeak eta agureak akabatzen zituztela entzun nuenean. Ostera gezurra dela konturatu naiz, Kiev Donbassen burutzen ari den operazio antiterrorista berezia justifikaezina iruditzen zait. Gobernuak engainatuta sentitzen naiz eta agian beraien aurka elkarrekin altxatzeko ordua heldua da”. Ivan hunkituta azaldu da, “eskerrak eman nahi dizkiet ospitalean zaindu nauten guztiei, beraiengatik izan ez balitz ez nintzateke bizirik egongo. Atxiloketan milizianoek emandako tratua ere ona izan da, ez dut inolako tratu txarrik jasan”. Aurrerantzean bizitza normala egiten saiatuko dela adierazi digu jada ukrainar preso ohia dena ARGIAko taldea agurtu baino lehen “Ondo segi, eskerrik asko bisitagatik”

Ospitaleko bostgarren plantan beste preso batek egin digu harrera: “Maxim deitzen naiz eta Aidar batailoiko kidea naiz, ukrainar nazionalista naiz eta hala izaten jarraitu nahi dut. Ez dut Ukraina zatituta ikusi nahi”. Aldi berean Maximek politikarientzat ere badu mezu bat: “Radari nahiz ukrainar komandanteei negoziazioa konponbide gisa baliatzeko eskatu nahiko nieke. Zenbat jende gehiagok galdu beharko du bere bizitza gatazka honetan?”.  Aidar batailoian kanpotik etorritako mertzenarioak dauden galdetu diogu: “Ez, ez daude. Nik ez ditut sekula ikusi”. Aidar batailoia aski ezaguna da Ukrainan burututako ustezko gerra krimenak eta praktika ilegalak direla eta, baina Maximek  zera dio: “Ez dut inolako praktika ilegalik ikusi, ez dakit beste batailoiek zer egin duten edo zer ez duten egin, baina Aidarren ez dira lapurketak, bortxaketak, sarraskiak edo antzerakoak sekula izan. Honelako praktikak burutzen dituztenak fusilatu egin beharko genituzke”.

"Maxim" Aidar batailoiko gerra-presoa ospitalean
"Maxim" Aidar batailoiko gerra-presoa ospitalean
Ivan
Ivan

 


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Donbass gerran
2022-09-21 | ARGIA
Errusian sartzea galdeginez erreferendumak egingo dituzte Donbass, Kherson eta Zaporizhiak

Irailaren 23tik 27ra egingo dituzte erreferendumak, herritarrei galdetzeko ea sartuko liratekeen Errusiako Federazioan. Ukrainak Errusiaren xantaiatzat jo du ekimena. Putinek erreferendumak babestuko dituela adierazi du, eta horrekin batera, asteazkenean 300.000 militar ohi... [+]


Errusiako Armadak su-etena iragarri du Mariupolen

Korridore humanitarioetatik barrena zibilak ateratzeko hartu du erabakia Moskuk. Hala ere, Ukrainako ordezkariak mesfidati agertu dira, ez diote sinesgarritasun osoa bideratu Errusiak plazaraturiko erabakiari.


2022-03-01 | ARGIA
Errusiaren eta Ukrainaren arteko guda, geroz eta gordinago

Ukrainako gerra egunetik egunera aldatzen doa. 2014an independentzia aldarrikatu baina linboan geratu ziren Donetsk eta Luhanskeko herri errepubliken independentziak onartu eta guda hasi zuen Errusiak. Mendebaldeak zigor ekonomikoen bidez erantzun du Ukraina ekialdeko... [+]


Eguneraketa berriak daude