Enpresak langile batzordeari jakinarazi dionaren arabera, itxiera mugagabea izango da. Salmenten jaitsiera eta kostuei aurre egiteko zailtasunak izango lirateke itxieraren arrazoi nagusiak, EiTB-k jaso duenez. Urriaren 1ean itxiko lituzke ateak lantegiak.

Eraikuntzako enkofratuan erabiltzen den barila luzea ekoizten da bertan, batez ere.

Multinazionalak, 264 milioi euroko galerak

264 miloi euro galdu ditu multinazionalak urteko lehen hiruhilekoan, Berria egunkariak nabarmendu bezala.

Aspaldian dago berregituraketa gogor batean sartua Arcelor, eta iaz iragarri zuen Liejan (Belgika) duen lantegia itxi eta ehundaka behargin kaleratuko zituela. Euskal Herrian 2.900 langile inguru ditu multinazionalak.