Alemaniako 500dik gora haurrek jasandako erasoek Vatikanoa ere zipriztindu dute

  • Elizak aginduta 2015ean martxan jarritako ikerketa argitaratu dute asteartean Alemanian. 1945 eta 1990 bitartean 547 umek tratu txar fisikoak jasan zituztela adierazten du, eta horietatik 67k sexu erasoak, bortxaketak tarteko, El País hedabidean irakur daitekeenez.

Itsaso Zubiria Etxeberria @itsasozubiria
2017ko uztailaren 19a
Orduan Aita Santu zen Benedicto XVI.a bere anaia Georg Ratzingerri eskua ematen Ratisbonako koruaren aurrean, 2009an (arg.: Osserbatore Romano).

Eliza Katolikoa berriz ere zipriztindu dute abusu eta pederastia kasuek. Oraingoan Alemaniako Ratisbona hiriko katedraleko abesbatza ezagunean jarri dira fokuak. 2010ean atera zen eskandalua, Franz Wittenbrink zuzendari eta konposatzaile alemaniarrak publikoki salatu zuenean ‘Ratisbonako katedraleko txolarreak’ tratu txar fisikoen eta sexu abusuen biktima zirela: “Kantatzera ateratzean izarrak ginen, baina barnetegira itzultzean Erdi Aroko mundu beldurgarri batean sartzen ginen”.

Ulrich Weber abokatua izan da ikerketa argitaratu duena. Georg Ratzinger Benedicto XVI. Aita Santua izandakoaren anaia ere jo puntuan jarri du txostenak, bera izan baitzen erasoak gertatutako tarte luze batean (1964-1994) koruko zuzendaria. Eskandalua lehertu zenean Georg Ratzingerrek berak onartu zuen diziplinarik ez zuten haurrei zaplaztekoak eman izana, baita barnetegiko zuzendariak zigor fisiko gogorrak jartzen zituela ere. Horrekin batera, azaldu zuen haur batzuk kantatzera ateratzen ziren garaietan kontatu ziotela tratu txarrak jasaten zituztela, eta Weber abokatuak adierazi duenez “katedraleko abesbatzako zuzendariak, jakinaren gainean egonda ere, nahiago izan zuen beste aldera begiratu”. Horrekin batera azaldu du zuzendariak ez zuela sexu abusuen berri.

Benedicto XVI, Vatikanoa eta kargu aldaketak

Alemanian albistea zabaldu zenean Ratisbonako apezpiku zen Gerhard-Ludwig Müller ahalegindu zen eskandaluak benetan zuen tamaina txikitzen, eta adierazi zuen ordezkari baten bidez, lauzpabost haur izan zirela tratu txarrak jasan zituztenak. 2012an, baina, Benedicto XVI.ak Vatikanoan prefektu kargua eman zion, iragan uztailean Francisco Aita Santuak kargutik kendu zuen arte. Ulrich Weber abokatuak salatu du apezpiku ohiak trabak jarri izana ikerketa sakona egiteko.

Rudolf Voderholzer Ratisbonako egungo apezpikuak eskatu zion Weberri ikerketa martxan jartzeko, 2015ean. Ordutik erasoen ustezko 49 egile identifikatu ditu, baina gehienak ezin izango dira epaitu delituak preskribituta daudelako. Dena dela, Ratisbonako apezpikutzak 20.000 euroko laguntza ekonomikoak bideratu ditu biktimentzako.

Kanal hauetan artxibatua: Eliza Katolikoa  |  Alemania  |  Vatikano Hiria  |  Sexu abusuak

Eliza Katolikoa kanaletik interesatuko zaizu...
Juana Rivas, Sara Majarenas eta XXI. mendeko miserikordia etxeez

Michel Foucault eta enparauak irakurriz beti pentsatu izan dut Frantziako Iraultzaren ostean kontrola gorputzaren barneraino sartzeko mekanismo gisa antolatu zutela kartzela egitura osoa. Aurretik, zigor publikoa jasotzen zuten araua betetzen ez zuten horiek: urkamendia, eskua moztu lapurrei, borreroak plaza erdian… herritar guztiek zuten aukera espektakulua ikusteko, eta bide batez, agintariek ohartarazi egiten zieten herritar matxinatuei gizalegezko hiritar ez baziren ondorio horiek... [+]


Larreina go home!
MULTIMEDIA - Maritxu, nora goaz!?

Bilboko Hontzak konpartsaren txosnaren zentsura kasuari begira 9. saioan.


2017-08-25 | Uriola.eus
Hontzak Konpartsak Bilboko txosna ikusgarrienaren Kanpaia saria irabazi du

Bosgarren urtez irabazi du konpartsa anarkistak txosnen dekorazio dotorenaren saria. Eulia saria Sinkuartelentzat izan da, txosna guztien artean apainketa eskasena izateagatik.


2017-08-22 | Xalba Ramirez
Umorez erantzun dio Hontzak konpartsak "zentsura eklesiastikoari"

Umorez erantzun dute Hontzak konpartsako kideek astelehenean beren txosnako dekorazioa kendu izana. Agindu judizial baten ondorioz erretiratu du Ertzaintzak txosnan zeukaten “Vatikanoko Harategiak” instalazioa, “sentimendu erlijiosoak mintzen” dituelakoan.


2017-08-21 | Xalba Ramirez
Ertzaintzak Bilboko Hontzak konpartsaren "Vatikanoko harategiak" dekorazioa kendu du

Bilboko Hontzak konpartsaren txosnatik "Vatikanoko harategiak" izeneko dekorazioa kendu du astelehen goizean Ertzaintzak.


Espainiako Estatuak hiru milioi euro gastatu ditu Indar Armatuen apaiz eta elizetan

Espainiako Estatuak militarrei asistentzia erlijiosoa ematen die eta diru publikoarekin ordaintzen du. 2016an 2,7 milioi euro gastatu zituzten apaizen soldatetan eta 231.000 euro elizen mantentze-lanetan, eldiario.es-ek jaso duenez.


Eliza katolikoaren ostiekin "Pederastia" idaztea ez dela delitu ebatzi du epaileak

"Pederastia" hitza ostiekin idaztea erlijio sentimenduen aurkako eraso gisa epaitua izan bada ere, Abel Azkona artistaren aurkako auzian deliturik ez dela esan du epaileak eta behin betiko itxi du kasua.


2017-03-27 | Anuntxi Arana
Pelikulak

Martxoaren 25ean, azken larunbatean, Baionan euskal presoen muturreko egoera larria salatzeko manifa bat izan zen, eta lehentxeago beste bat.


Elizan, kanpaia...

Kontu zaila da –gaitza– gai abstraktuei eta erakunde inpertsonalei buruz baino, hezur-haragizko pertsonei buruz hitz egitea. Batez ere, gaiak tabu-itxura hartu baldin badu inoiz.

Gazteek sufritzen dituzten eraso sexualen heren-laurden bat gertatzen dira Elizako profesionalen esku: adin nagusikoak atsegindurik eta adin txikikoak mindurik. Neurriak aspaldi hartuak behar zituen Elizak, hainbat norbanakoren mina eta horrenbesteko morbo mediatikoa saihesteko.

Zein da arrazoia umeen... [+]


Apaiz pederasten zigorra murriztu du Aita Santuak, publiko egin gabe

Sexu gehiegikeriak egiten dituzten apaizekin "zero tolerantzia" agindu izan du Aita Santuak, baina publiko egin gabe hainbat elizgizon pederasten zigorra apaldu du, Fedearen Doktrinarako Kongregazioaren gomendioei entzungor.


Eguneraketa berriak daude