Euskal Memoria Fundazioak iragarri du beste 635 tortura kasu egiaztatu dituela, eta ondorioz, jada 5.657 dira egiaztatutako kasuak. 2016ko abenduaren 31n amaitutako txostenekoak dira datuok, baina torturaren kontrako egunaren inguruan argitaratu ditu, otsailaren 13an. Fundazioak adierazi du zifrek torturaren “erabilpen sistematikoa” berresten dutela.
Euskal Memoria Fundazioak 7.582 kasu ikertu ditu orain arte, eta horietan 5.657 tortura kasu egiaztatu ditu. Hau da, torturarik gabeko atxiloketak 1.925 dira, ikertutakoaren %25. Zerrendan agertzen diren kasuetatik 4.755 gizonezkoei dagokie eta 902, berriz, emakumezkoei. Tortura horietatik 2.677 (%47) Espainiako Poliziak egin ditu, 2.348 (%41) Guardia Zibilak, eta 407 (%7) Ertzaintzak.
Fundazioak dio “isiltasunaren eta iluntasunaren garaia amaitu” dela. “Arduradunak zigorgabetasunaren ezkutalekutik atera, gizartearen arbuioa jaso eta justiziaren esku geratzeko” berme onena ikerketa eta ezagutaraztea direla dio; hala, aitortza, erreparazioa eta errepikapen eza eman daitezen.
Orain arte ez dira modu sistematizatu batean bildu azken hamarkadetan Euskal Herrian izandako tortura kasuak, eta lan horretan jarraitzeko asmoa adierazi du Fundazioak. Beraz, ez da bukatutzat eman daitekeen lan bat, eta zifra horiek behin-behinekoak dira.
Torturaren kontrako egunaren bezperan, tortura salatzeko kontzentrazioak egin ditu Sortuk Donostia, Gasteiz, Bilbo eta Iruñean. Donostian egindako protestan Ertzaintzaren ardura salatu dute. Sortuko bozeramaile Arkaitz Rodriguezek adierazi du “estatuek erabili duten praktika sistematikoa” izan dela tortura, eta instituzio publikoei biktimen erreparazioa eta aitortza eskatu die.
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]