Akusazioa erretiratu diete hamabi gazte auzipeturi
Izaskun Goñi, Egoi Irisarri, Endika Perez, Imanol Beristain, Ikoitz Arrese, Irati Tobar, Saioa Zibiaur, Ainara Ladron, Aitziber Plazaola, Beñat Lizeaga, Jazint Ramirez eta Xalbador Ramirez auzipetutako gazte independentisten kontrako akusazioak erretiratu ditu fiskalak.
Irailaren 22an hasi zen Espainiako Auzitegi Nazionalean 28 gazte independentisten aurkako auzia, eta Naizek jaso duenez, asteazken honetan amaitu daiteke ahozko saioa.
Tortura salaketek berebiziko pisua izan dute auzian, Espainiako poliziek atxilotu zituzten auzipetu denek salatu baitituzte atxilotze aldian jasandako tratu txarrak.
Istambul Protokoloaren arabera egindako azterketa aurkeztuko dute astelehenetik aurrera defentsaren peritu-psikologoek.
TATeko (Torturaren Aurkako Taldea) eta CPDTko (Coordinadora para la Prevención y Denuncia de la Tortura) kideak behatzaile gisa izango dira epaitegian.
Naizen arabera, asteazkenean defentsaren ondorioen aurkezpena egitea espero dute, eta Espainiako Kongresuko diputatuak jardungo dira behatzaile lanetan.
Egun horretan, 28 gazteei babesa adierazteko, Euskal Herritik Madrilera joateko deia egin dute.
Kontzertuak eta mobilizazioak ere egingo dituzte auzipetuen herrietan: Iruñean ‘Kantuz Libre’ ekimena, esaterako, hilaren 26an; Gasteizen martxa herritarra dago antolatuta datorren larunbatean 18:30ean, ‘Konpromisoak batuz epaiketak gelditu!’ lemapean.
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]