Willis Drummond, Atom Rhumba eta Guadalupe Plata taldeen kontzertuekin ospatuko du Hondarribiko Psilocybe musikal elkarteak 20. urteurrena, datorren larunbatean. 21:00tan hasiko da doakoa izango den emanaldia. Elkartearen inguruko erreportajea argitaratu du Juan Gonzalez Andrések Noticias de Gipuzkoan.
20 urteko ibilbide luzean, proiektua urtez urte indartzea lortu du Psilocybe elkarteak. 1993an entseatzeko eta kontzertuak eskaintzeko toki aproposik ez zegoela eta, irtenbide bila hasi ziren herriko zenbait musika taldeak. Sainduako gaztetxean kontzertu bat emateko udalaren baimena lortzea izan zen lehenengo lorpena: Dut, Live in the Attic eta Beti Mugan taldeek jo zuten lehen aldi hartan.
Kontzertuaren arrakasta ikusita, hilabetean “pare bat” antolatzeko aukera eman zien udalak, eta beranduago, baita ikastola zenaren alde bat utzi ere, entsegu lokalak presta zitzaten. 2008az geroztik, Psilocybenea izenpeko eraikina osorik kudeatzen du elkarteak. 21 taldek doitzen dituzte haien abesti eta kontzertuak bertan, baina horrez gain, 200 lagun bil ditzakeen aretoa, irrati bat eta 20 lan argitaratu dituen Psilocibina Records diskografika ere badira Psilocybenearen parte.
Bolondres lana
Elkarteko kideek bolondres modura egiten dute lan, eta ez du inork soldatarik jasotzen. Kontzertuekin lortzen duten diruaren zati handiena taldeentzat da, eta Hondarribiako festetan txosnetan irabazten dutenarekin ordaintzen dituzte gastu nagusiak.
Willis Drummonden agur besta
Non: Intxaurrondoko kultur etxean, Donostian
Noiz: Urtarrilaren 5ean
Gonbidatuak: Zetkin, Elvis Caino DJ, Indezen DJ eta Zumitrenko DJ.
------------------------------------------------
... esango dugu noizbait. Joan ikustera, baina... [+]