Gorputza bistan, zauria oholtzan
aurre egingo dieten hedabide independenteak
Eire
NOIZ: abuztuaren 31n.
NON: Erandioko Irailaren 23a plazan.
------------------------------------------------
Larunbat iluntzea, Erandioko jaiek eta ekaitzak agurtu dute abuztua. Eire talde zumaiarraren kontzertua 22:00etan dago iragarrita. Bolo-bolo dabil taldea azken aldian. Iazko azaroan kaleratu zuten lehen EP luzea, eta aurtengo talde berri onenaren Gaztea Saria jaso zuten otsailean.
Oholtza handia da Erandiokoa, eta hasiera batean bi Eire ziren arren, hiru kide ditu orain taldeak. Hiru neska gazte agertu dira oholtzan; Eire Maia kantuan, Eire Salegi gitarrarekin eta sintetizadorearekin (eta tarteka kantuan), eta Nerea Urteaga bateria jotzen.
Patxadaz hartu dute 45 bat minutu iraun duen zuzenekoa; eta, iragarri dutenez, gaurkoa dute deskantsuaren aurreko azkenaurreko kontzertua. Artean emango dute azken kontzertua, eta ondoren sorkuntza lanetan emango dute denboralditxo bat.
Besteak beste, Nahi gabe berriro edo Bihar Nola kantu propioekin gozatu dute musikariek. Bertsio sorta kuriosoa osatu dute, argi utziz gustuko dutena egiten dutela, etiketa eta estilo sailkapenetan galdu gabe: entzun dugu Lana del Reyren Summertime-n bertsioa, EH Sukarra taldearen Aspaldiko loreak eta, bestetik, DAKITI kantu famatuaren bertsioa.
Emanaldian nabari da hiru kideen arteko konplizitatea, bereziki bi Eire-en artekoa. Diskoko kantuak, datorrenaren aurrerapen kantu bat eta zenbait bertsio tartekatu dituzte. Gozatu dute oholtzan, eta elkarren arteko begirada, besarkada eta xamurtasun keinuek josi dute zuzenekoa.
Zauriren bat bistan diskoak dioenez, pairatutako minez josi dituzte kantuak, eta nabaria da mimoz eta intimitatea askatuz ari direla. Batzuetan, agian, hain justu horregatik ematen du lotsatuta bezala ari dela kantatzen Eire Maia, nahiz eta ondo dakien Eire Salegi uneoro duela konplize eta bidelagun. Irudipena dut oraindik askatzen ari direla, azkar etorri dela dena; agian, azkarregi. Kontatu dute txiki-txikitatik ezagutzen dutela elkar biek, eta musikarekin harreman estua izan dutela beti.
Iragarri dute kontzertuaren amaiera; eta, bukatu aurretik, nola ez, Amaitu baino lehen kantu dantzagarriari tokia egin diote. Goxo agurtu dute Erandio; betiere, gorputz eta arima, zauri eta sentipenak agerian: “Seguru nago baina gero ez. Bihozkada batek dio baietz, patuaren biktima beste behin, zoria ez da halabeharrez”. Aldarrikatu dute zalantza, ezinegona, kezka; eta, batez ere, hori kantatuz kontatzearen nolabaiteko poza. Mina bistan jarri dute, beraien gorputz eta ahotsetan.
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]
IDOIA ASURMENDI
Non: Bilboko Kafe Antzokian.
Noiz: maiatzaren 29an.
AZETangana! eta Mark Duti
Non: Tira IV jaialdia, Gasteizko Korda espazioan eta Gaztetxean.
Noiz: maiatzaren 10ean.
BRN + Auzoko eta Sain mendi + Odei + Monsieur le crepe eta Muxker
Zer: Uzta jaia.
Noiz: maiatzaren 2an.
Non: Bilborock aretoan.
---------------------------------------------------------
Ereindako haziek ura, argia eta denbora behar dute ernaltzeko. Naturak berezko ditu... [+]
Bi festibaletara joateko bonuak 150 euro balio ditu eta maiatzaren 6tik 19ra eskuratu daiteke. EHZ jaialdia ekainaren 27tik 29ra ospatuko dute Aberatzen eta azken Hatortxu Rocka Lakuntzan izango da, uztailaren 24tik 27ra.
Aramu + AimarZ
Noiz: apirilaren 26an.
Non: Zumarragako Zelai-Arizti frontoi irekian.
---------------------------------------------------------
Udalaren webguneak dio: "Bide Bizia marka turistikoa eta izen bereko jaialdia Zumarragaren arima munduari erakusteko,... [+]
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.
Izaki Gardenak
Noiz: apirilaren 20an.
Non: Iruñeko Gazteluko Plazan.
-----------------------------------------------
Ordu erdia baino ez da falta Iruñeko Gazteluko Plazan kontzertua hasteko; baina erdi hutsik da oraindik, euria ari baitu. Porlanezkoa nahiz ez den,... [+]