Garoña behar baino lehen ixteagatik 18,4 milioiko zigorra Iberdrola eta Endesari
Garoñako zentral nuklearra baimenik gabe eta behar baino lehenago ixtea “arau-hauste oso larritzat” jo du Espainiako Merkatu eta Konpetentziaren Batzorde Nazionalak. Horregatik, Iberdrolak eta Endesak kontrolatutako Nuclenor elkarteak 18,4 milioi euroko isuna ordaindu beharko du.
Nuclenor zentral nuklearraren kudeaketaren arduraduna da eta zentrala 2012ko abenduaren 16an geldiarazi zuen, nahiz eta Espainiako Gobernuak emandako data 2013ko uztailaren 6a izan.
2013ko urtarrilaren 1ean energia-fiskalitatean aldaketak sartu ziren indarrean Espainiako Estatuan. Horien ondorioz, Nuclenorrek zergen bidez 153 milioi euro ordaindu beharko lituzke, baina zentralaren ardura duen enpresak argudiatu zuen horiek ordaintzeak elkartearen porrot ekonomikoa eragingo lukeela. Horregatik erabaki zuten zentrala ixtea aldaketa horiek indarrean sartu baino lehen.
Isunaren aurrean Nuclenorrek helegitea aurkeztuko du, beraien esanetan fiskalitatean aldaketak sartzea “aurretik sumatu ezin daitekeen” kausa delako eta hori hala izanik, Garoñaren geldialdia erabakitzea bere konpetentzien barruan sartzen zela arrazoituz.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]