ARGIA.eus

2021eko ekainaren 24a

Ekonomia > Zerbitzuak

2021-04-15 | ARGIA

AEHN Nafarroako Ostalaritza eta Turismorako Elkarteak eta Anapeh Nafarroako Ostalaritza Enpresa Txikien Elkarteak jakinarazi dute Nafarroako Auzitegi Nagusian helegitea jarriko dutela, Chiviteren exekutiboak harturiko neurriak "funtsik gabeak" direla iritzita.

2020-12-11 | Erran .eus
Ostatu eta jatetxeak 22:00 arte zabaltzea eta barrenean edukiera %30ekoa izatea proposatu du Nafarroako Gobernuak

Nafarroako Gobernuko ordezkariekin bildu dira ostegunean Nafarroako ostalariak eta abenduaren 17tik aitzinera ostatuak zabaltzeko ordutegia 22:00 arte luzatzea eta ostatu barreneko edukiera %30ekoa izatea proposatu die gobernuak. Horrekin batera, lokala aireztatzeko baldintza egokiak eskatu dizkie ostalariei.


2020-12-11 | Uriola.eus
Ihintza Torres
"Itxura mantentzeko utziko digute taberna irekitzen, baina guztiz helduta gaituzte"

Bizkaiko Tabernariak eta SOS Ostalaritza plataformetako kidea da Ihintza Torres García. Larunbatean indarrean sartuko diren neurri berrien atarian, Bilboko eta inguruko ostalarien egoeraz hitz egin dugu berarekin. Haserre eta etsituta mintzatu da ostalaritzaren inguruan lan egiten duten familien izenean, eta laguntzak haien errealitatearekin doitzeko eskatu du.


Josema Azpeitia, gastronomia kazetaria
"Baliteke Donostiako Parte Zaharreko tabernen erdiak atea ixtea"

Josema Azpeitia (Legazpi, Gipuzkoa, 1969) gastronomia kazetariak inork baino hobeto ezagutzen du ostalaritzaren mundua, bereziki Donostiako ostalaritzarena. ‘Ondojan’ hilabetekariko zuzendaria da, gastronomiari buruzko hainbat liburu idatzi ditu eta Basque Culinary Center eskolan irakasle ere bada. Ostalaritzaren etorkizuna kinka larrian dagoen honetan, Donostiako tabernen etorkizuna aztertu dugu berarekin.


2020-11-27 | Jone Markuleta
Terrazak irekitzen hasi dira Nafarroako tabernariak

Nafarroako tabernariek terrazak irekitzen hasi dira. Nafarroako Gobernuaren dekretuak gaueko 21:00 arte irekita izateko aukera ematen du, neurri eta babes bereziekin. Lokalen barrualdea irekitzeko ordea, abenduaren 17ra arte itxaron behar izango dute.


2020-11-24 | ARGIA
Nafarroako ostalaritzako terrazak ostegunean zabalduko dituzte

Bizikideak ez diren bezeroen artean 1,5 metroko distantzia gorde beharko da eta mahaien artean 2 metroko distantzia. Hori bermatzen duten terrazek aforoaren %100 erabili ahalko dute azaroaren 26tik aurrera. Mahai bakoitzean gehienez lau pertsona eseri ahalko dira.


Ostalaritza estutzen: Nola heldu gara egoera honetara?

Ostalaritza itxita dago Euskal Herri osoan, COVID-19aren aurka hartutako neurriak direla eta. Horrek ezinegona sortarazi du sektorean, zeina martxotik baitago pandemiak gogor kolpatuta. Dirulaguntzak jaso ezean, negozio asko itxiko direla salatu da. Baina, nola heldu gara egoera honetara?


2020-11-18 | Jone Markuleta
Ostalaritza sektoreari diru-laguntzak emateko, 30 milioi euroko aurrekontu berezia iragarri du Jaurlaritzak

COVID-19ak ostalaritzan eragindako ondorioei aurre egiteko, Eusko Jaurlaritzak 30 milioi euro zuzenduko ditu sektorera. Azaroaren 7an egindako protesten ostean, Javier Hurtado Eusko Jaurlaritzako Turismo, Merkataritza eta Kontsumo sailburuak eman du laguntza-programaren berri.


2020-11-17 | ARGIA
Nafarroako Gobernuak 20 milioi euro bideratuko ditu ostalaritzako diru-laguntzetara

Baldintzak betetzen dituztenek 25.000 eurora bitarteko laguntzak eskuratu ahalko dituzte, gehienez. Azaroaren 26tik aurrera terrazen irekiera abiatzeko asmoa duela iragarri du Osasun Departamentuak.


2020-11-16 | Jone Markuleta
Ostalariek laguntzak eskatu dituzte Iruñean eta Bilbon egindako mobilizazioetan

Ostalariak mobilizatu dira berriro, oraingoan Iruñean eta Bilbon, pandemiari aurre egiteko neurrien ostean euren sektoreak bizi duen egoera salatzeko eta administrazioei erreskatea eta laguntzak eskatzeko.


Nafarroako ostalariek sektorearen erreskatea eskatu eta manifestaziora deitu dute iganderako

Nafarroako ostalariek sektoreko kideak animatu dituzte "indarrak batzera", "entzun” diezaieten. Iruñean protesta egingo dute igandean, 12.00etan, Sarasate pasealekutik abiatuta.