ARGIA.eus

2022ko abuztuaren 17a

Getariako tabernak ikertzen ari da Leiharen Euskal Agintaritza, ustez prezioak igotzea adostean eginiko irregulartasunengatik

  • Leiharen Euskal Agintaritza Getariako taberna eta jatetxeak ikertzen ari da, pandemiatik irtetean prezioak igotzea adostean konpetentziaren erregimena urratu zutelakoan. 18 hilabete ditu elkartea zigortu ala ez erabakitzeko. El Diarioko Belén Ferrerasek eman du isilpeko txostenaren berri.

Sos herritarrak prezioen igoeragatik boikota egiten. Argazkia: Sos herritarrak.
2022ko abuztuaren 02a

Getariako ostalarien elkarte Getabat ikertzen ari da Leiharen Euskal Agintaritza  2021eko urte amaierako prezio igoera adostua izan zelakoan. Txostena maiatzean ireki zuten, taberna guztiek batera igo zituztelako produktuen prezioak.

Leiharen Euskal Agintaritzaren webgunearen arabera, erakundeak ofizioz hasi du ikerketa. El Diariok jakinarazi duenez ordea, getariar batek jarritako salaketa anonimo bat egon da, ohiko bezeroei kalte egin dielako.

ARGIAn, Nortzuek helduko diote estatxari, getariarrek ala turistek? erreportajean jorratu zuen Leire Artolak gaia. Bertan irakurri daitekeenez, herriko gazteek protestak egin zituzten prezioen igoeraren aurrean. Boikota egin zieten tabernei, prezioak jaitsi arte bertan ez zutela kontsumituko ziurtatuz. Horren aurrean Gebatek adierazi zuen boikotak egoera “desatsegina” eragin zuela: "Bakoitza libre da norbere aldarrikapenak egiteko, baina kasu batzuetan aldarrikapenak egiteko formak harritu gaitu".

El Diariok informatu duenez, prezioen igoera ez da beste herri batzuetan tabernek eginikoa baino handiagoa, baina arazoa litzateke herriko ostatuek –gehienek, batzuek kanpoan geratu baitziren– batera egitea adostea, horrela konpetentzia urratuz, eta horixe litzateke frogatu badaiteke Leiharen Euskal Agintaritzak zigortzeko irregulartasuna.

Kanal hauetan artxibatua: Getaria  |  Ostalaritza

Getaria kanaletik interesatuko zaizu...
Jaurlaritzak 15.000 euroko diru-laguntza zuzena eman dio Elkano Fundazioari kongresu bat antolatzeko

Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.


2022-03-27 | Leire Artola Arin
Tabernei boikota
Nortzuek helduko diote estatxari, getariarrek ala turistek?

Txikia bezain bizia da Getaria, Gipuzkoako kostako herria, baina abendutik hona aldaketa batzuk izan dira Parte Zaharrean: ostalariek prezioak igo dituzte, eta gazteek eratutako Sos herritarrak ekimenak boikota egin die. Ia lau hilabete daramatzate tabernetan zentimo bat gastatu... [+]


Balentziaga, titulu ofizialik gabeko goi-joskintza

Xàbia (Alacant), 1972ko martxoaren 24a. Cristobal Balentziaga Eizagirre jostun eta moda diseinatzaile getariarra hil zen 77 urte zituela. Erretiroa lau urte lehenago hartua zuen, 50 urtez lanean aritu ondoren eta goi-joskintzaren gainbehera betean.


2020-09-21 | Mikel Eizagirre
Getariako alkate ohiak Balenciaga museoko epaia errekurrituko du

Museoko piezen artean zeuden hainbat gauza oparitu zizkien bere lagunei. “Ez nion garrantzirik eman”, adierazi du Mariano Camio alkate ohiak.


Irakurrienak
Argia buletina
Egunaren laburpena
zure e-postan
Eguneraketa berriak daude