“Pentsatzen dut, beraz, banaiz? Edo, sentitzen dut, beraz, banaiz? Zerk egiten gaitu? Eduardo Galeanok bihotz-pentsalariak garela esaten zuen… Beraz, nola baldintzatzen du gure aldarteak gure arrazoitzeko era? Zein sentimendu piztuko dira zugan gaurko saioa entzutean? Poza, jakin-mina, haserrea, urduritasuna, lasaitasuna? Horiek guztiak sentimenduak al dira maila berean? Engainatzen ez duen sentimendu zintzo bakarrra dagoela esaten du Jacques Lacan psikoanalistak: larritasuna, angustia. Gaur sentimenduez arituko gara Gari Moya filosofia irakaslearekin. 

Haur filosofiari buruzko podcasta da Galdera Basatiak. Iñigo Martinez Peña filosofoak aurkeztuta, astero gonbidatu batekin tertulian aritzen da, bizitza zeharkatzen digun gai bat hartu eta hura aletzen. Podcastaren irudiko ilustrazioa Onintza Etxebesterena da.