2021eko urriaren 27a
Ekainaren 23an Turkiako drone batek Kobaneko eskualdean bonbardaketa egin eta hiru emakume kurdu hil zituen: Hebun Mele Xelil, Zehra Berkel eta Emine Veysi. Kobane Herriarekin elkartasuna lantzen duen Durangoko Suargi elkarteak atsekabea adierazi du. Izan ere, hildakoetako bat, Kobaneko alkate izandako 33 urteko Zehra Berkel, Suargiko kideekin izan zen 2018an.
Eduki hauek interesatzen zaizkizu? Kanal honen RSS jariora harpidetu zaitezke.
Kobaneren erresistentzia
Zine Kurduaren II. zikloa datorren astelehenean hasiko da Bilbon. Kurdistan begiratuz izenarekin, hiru film ikusteko aukera egongo da.
Martxoaren 25ean Durango eta Kurdistango Kobane hiria senidetzea ospatuko dute, Plateruenean egingo den jaialdi bategaz. Izan ere, egun bat lehenago, barikuan, egingo dute senidetzeko ekitaldi ofiziala udaletxean. Kobanez gainera, Bartzelona ere senide lez hartuko du Durangok; hirurak bonbardatutako hiriak dira. Kurdistango ordezkari bat eta Jaume Asens Bartzelonako alkateordea etorriko dira.
The Silent Revolution (Iraultza isila) Sirian bizi diren 3 milioi kurduak aurrera eramaten ari diren borrokari buruzko dokumentala da. Siriako kurduek beren aitorpen politiko eta kulturalaren alde borroka egiteko baliatu dute Siriako guda, eta horrela, orain 50 urtetik bizi izan duten zapalkuntzari amaiera jartzen saiatzen ari dira. Estatua sortzeko pausoak ematen ari dira ziztu-bizian.
Oharra: Azpitituluak ikusteko sakatu Vimeoko CC botoia eta aukeratu euskara.
Kobane hiriarekiko nazioarteko elkartasun eguna ospatu da azaroaren 1ean. Elkartasuna adierazteko manifestaldiak izan dira munduko hainbat hiritan, besteak beste: Frankfurt, Bartzelona, Buenos Aires, Madril, Helsinki eta Iruñean.
Michel Allison Kurdistango kongresuko emakumeen ordezkariari harrera egin diote Durangoko udaletxean, eta Kobane hiri kurdua Durangogaz senidetzeko lehen pausoa izan da. Duela pare bat hilabete, Durangaldeko zazpi lagun Kurdistanen egon ziren, eta hortik dator ekimena. Emakume kurduen borrokagaz lotuta, herri ahizpak izango dira anaiak beharrean. Bonbardatuak ere badiren Elorrio, Otxandio eta Gernikako herriek babesa erakutsi diote ekimenari.
Kobanetik Estatu Islamikoa bota ostean, sarean ikusgai daude kurduen poza agerian uzten duten bideoak. Irudi hauek ikusteko gune aproposa da YPG Emakumeen Defentsarako Unitatearen Facebook orria.
Kurduek Estatu Islamiarra kanporatu dute Kobanêtik (Rojava), 132 eguneko erresistentziaren ostean. Borrokan 1.607 pertsona hil dira, gehienak ISISeko kideak, Públicok argitaratu duenez.
Borrokalari kurduek Kobanêko Mistenur muinoa askatu zuten joan den astean, eta astelehenean garaipena lortzeko “lau kale bakarrik” geratzen zitzaizkiela esan zuen Emakumeen Babeserako Unitateko (YPJ) komandanteak.
Kobanên (Kurdistan) Estatu Islamiarraren aurkako erresistentzia emakumeek gidatzen dute. YPJ Kobanêko komandanteetako batek, Gülistan Kobanêk, elkarrizketa bat eskaini dio Firatnewsi.
Euskal Herrian dago berriro Karlos Zurutuza kazetari freelance-a, Afganistanen, Sirian eta Kurdistanen ibili ostean. Info7 irratian hitz egin du kurduen egungo egoeraz eta Estatu Islamiarraren aurkako borrokaz.
Kobane hiri kurduaren aldeko manifestazioak egin dituzte mundu osoan. Kobane siriaren menpeko Kurdistanen dago, hiru aldetatik Estatu Islamikoak inguratuta dauka eta laugarrenean, Turkiarekin muga egiten du. Bilbon ere manifestazioa egin dute, Herrikolorek egin duen bideoan ikus daitekeenez.
