2010-09-25 18:44:59 | Gorka Bereziartua
XVI. mendeko anabaptisten lema aintzat hartu du epaimahaiak: dena denentzat. Eztabaida luze eta aspergarria izan genezake hartutako erabakiaz, baina demokratikoa izan denik ezin uka. Hainbeste, ia inor ez dela geratu saririk gabe.
2010-09-25 17:34:42 | Mikel Garcia
Eta horregatik ez du ulertu/baloratu nire obra handia. Kultur ezjakintasun orokorraren aitzakia hartuta justifikatu ohi du hainbat zuzendarik bere filma ikusleen gustuko ez izatea. Ados, jaialdietako zinema desberdina izaten da, ez hain komertziala eta mastekatua, eta arreta eta ahalegina eskatzen dizkio ikusleari, baina zabarkeria franko ere egin da esperimentazioaren izenean. Horregatik, zein ona den kritikak eta publikoak bat egiten dutenean, kalitaterik gabeko obrak ez baitu historian luzaro iraungo, baina ikuslerik ez duena ere ez da urrun iritsiko.
Romeo eta Julietaren amodio jubilatua
2010-09-24 17:55:10 | Gorka Bereziartua
Kasualitatez-edo, Liu Haok Sail Ofizialean aurkeztu duen pelikularen titulua, ingelesera itzulita, Robert Palmerren kanta baten bera da: Addicted to love. Baina pelikula ikusi ondoren “addicted” hori gehiegizkoa iruditu zait. Ez baikaude pasio kontrolaezinen eremuan. Lakoniko samarra da filmaren tonua.
2010-09-24 17:36:39 | Mikel Garcia
Bizizalea, adulteroa eta alkoholikoa da Barney’s Version filmeko protagonista. Baina zaila da berarekin ez maitemintzea, edo gutxienez kariñoa ez hartzea. Meritua Paul Giamatti aktorearena da guztiz: bere egiten du pelikula, harrapatu egiten du ikuslea, eta plazera da horrelako antzezpenaz gozatu ahal izatea.
2010-09-23 19:24:51 | Mikel Garcia
Ukitu kafkianoa, zenbaitetan surrealista eta sarri umoretsua eman dio Wang Quan An zuzendariak Tuan yuan filmari, eta kontatzeko modu berezi horrek maisutasunez harilkatzen du oinarrian dagoen istorio samina. Bizimodu austeroa, armoniotsua eta lasaia daramate Lu eta Qiao senar-emazte adinekoek. Harik eta ezusteko bisita batek dena hankaz gora jartzen duen arte.
2010-09-23 18:05:10 | Gorka Bereziartua
Audentes fortuna iuvat: fortunak ausartei egiten die irribarre. Ez dakit Jose Maria de Orberekin hori gertatuko den... Tira, ez dut uste, ikusle batzuek Aita filma bukatuta egin dituzten txistuak entzunda. Baina ausartu ez denik behintzat, ezingo dute esan.
Bi kate, biak ebaki beharrekoak
2010-09-22 19:01:41 | Gorka Bereziartua
Zilbor-heste bat ebakitzen dute Genpin dokumental japoniarraren hasieran. Jaioberriak eta oraindik jaio gabeak dira Naomi Kawaseren filmaren erdigune; haien amak, protagonista. Yoshimura Tadashiren klinikan erditzera doaz, garai bateko eran.
Testigantza gordina, mingarria... eta kementsua
2010-09-22 13:09:16 | Mikel Garcia
Ondo eginiko dokumentalei nekez gailenduko zaie fikzioa: errealitateak erakusten digu irudimena baino boteretsuagoa dela askotan. Gerra Zibilean eta frankismoan Saturrarango kartzelan izan ziren emakumeek bizitakoa horietako kasu bat da: historia gogorra da, garratza, min ematen duen horietakoa, baina dramatismorik gabe kontatu du Debekatuta dago oroitzea dokumentalak, negarrik eta imintzio handirik gabe. Eta horrek are boteretsuago bilakatzen du dokumentua.
Inozentzia zirtziltzen duten sekretuak
2010-09-22 09:59:12 | Gorka Bereziartua
Hamaika pelikula egin dira 36ko gerraz eta beste hainbeste gerraosteaz. Liburuak zer esanik ez. Eta zaila da, honezkero, garai horretan kokatutako film batekin ezer berririk esatea. Agusti Villarongaren Pa negrek asmatu du ordea. Beharbada, 1940ko hamarkadan kokatu arren, ez delako film historiko edo politikoa. Osagai horiek beste zerbaiterako erabiltzen ditu.
Bin Ladenen bizkartzain ohiak badu zer kontatua
2010-09-21 19:15:38 | Mikel Garcia
Dokumental soila da The Oath, klasikoa, informatiboa, efektu eta estilo azpimarragarririk gabe. Baina ez du gehiago behar, materiala harribitxia baita: Osama Bin Ladenen bizkartzain ohia. Kazetaritza lan handi honetan, yihadismoaren muinetara gerturatuko gaitu zuzendariak, Bin Ladenen zerbitzura lan egin zuen yihadista eta preso-ohiaren eskutik.
Don Vito eta lagunak, argentinar erara
2010-09-20 19:18:14 | Mikel Garcia
Ez dago espagetirik, ez zaldi bururik ohean, ez behatz mozturik. Baina istorio mafiosoen esentzia mantentzen du Carancho filmak. Sopranotarren eta Al Caponeren mundua baztertu eta egungo Buenos Airesen kokatzen gaitu pelikulak, estilo propioa garatuz, baina zinema beltzaren keinu onenak kontserbatuz.
Meskita, ideologiaren objektu sublimea
2010-09-20 18:12:26 | Gorka Bereziartua
Mohak bere lurra alokatu die zinegile batzuei, pelikula bateko dekoratuak han eraiki ditzaten. Eta dekoratuetako bat meskita baten erreprodukzioa da. Baina filma bukatuta, herritarrak han otoitz egiten hasiko dira, eta Mohak lurra galduko du. Daoud Aoulad-Syad zuzendari marokoarrak botere-harremanei buruz zer pentsatua ematen duen lana erakutsi du gaur Sail Ofizialean: A Jamaâ (Meskita).
XIX. mendeko telenobela nekagarria
2010-09-20 02:30:11 | Gorka Bereziartua
Gauza asko esan daitezke Raul Ruizen Misterios de Lisboari buruz. Luze hitz egin genezake, baina, filmaren kontrara, saia gaitezen labur izaten.
Ez egin negarrik guregatik. Gogoratu gaitzazue
2010-09-20 02:04:18 | Mikel Garcia
Horixe du helburu Izarren argia pelikulak, gertaturikoa ez ahaztea, Gerra Zibilean emakumeak preso zituzten Saturrarango kartzelan jazotako ankerkeriak azaleratu eta salatzea. Historia handia xume eta txukun kontatu du Mikel Rueda zuzendariak, bere lehenengo film luzean.
Malaletxe gehixeagorekin agian...
2010-09-18 15:37:09 | Mikel Garcia
Kutsu woodyallenianoa antzematen zaio izenburu bitxiko pelikula honi. Komedia urbanoa da, giza-harremanen gazi-gozoetan, komunikazio zailtasunetan, maitasun gorabeheretan oinarritua, eta New York itzela du eszenatoki. Gustura ikusten da… baina ez da Woody Allen.
Donostiako Nazioarteko Zinemaldiaren 58. edizioaren jarraipena egingo dugu gune honetan. Irailaren 17tik 25ra, egunero zine kritikak, gomendioak, jaialdiko programa, pelikulen trailerrak, diaporamak, bitxikeriak, lotura interesgarriak... izango dira ikusgai.
© 2008-2010 ARGIA.eus - Komunikazio Biziagoa
Industrialdea, 15 · 20160 Lasarte-Oria (Gipuzkoa)
Tlf: 943 371 545 - 943 373 403