Igeldotarrak Donostiaren parte izatera behartu nahi dituztela salatu dute

  • “DSS2016, ongi etorri elkarbizitzaren hiriburura” idatzitako pankarta baten aurrean, hainbat igeldotarrek ekimena egin dute larunbatean Donostiako Maria Cristina zubian.


2016ko otsailaren 01an - 11:12
Igeldotarrek beren nahiaren aurka Donostiako parte izatea inposatzen zaiela salatu dute. (Arg: Itsa Aurre)

“2016ko Europako Kultur Hiriburuaren inaugurazioan behin eta berriz errepikatu ziren elkarbizitza, elkarrizketa, errespetua, erabakitzeko eskubidea eta abar, igeldotarrentzat hitz hutsak besterik ez dira”, diote. EAJri eta PSEri adierazi diete “igeldotarrekin auzi bat dutela”.

"Ernesto Gasco eta Eneko Goiari zuzentzen gatzaizkie: borondate politikoa eduki dezatela Igeldoko herriari irtenbide bat emateko", diote.

EAEko Auzitegi Nagusiak Igeldo herri bihurtzeko dekretua atzera bota du urtarrilaren 27an, Donostiako Udalak jarritako helegitea onartuta. Haserrea eragin du igeldotarren artean. Epaileek adierazi dute ez dela nahikoa biztanle herria sortzeko eta galdeketako emaitzak ez direla aski.

Donostia 2016ren “elkarbizitzarako kultura” esloganari keinu eginez, “elkarbizitza ez da posible, herritar talde bati Donostian mantentzea inposatzen badigute”, adierazi du Igeldoko Itsas Aurre elkarteko bozeramaileak Irutxuloko Hitzak grabatu duen bideo honetan.

 

Desanexio prozesua 1995ean jarri zuen martxan Itsas Aurre elkarteak. 2013ko azaroan herri galdeketa egin zuten. %72ko parte hartzea izan zuen eta Gipuzkoako 89. udalerria osatzearen alde %63 agertu zen, %37 aurka.

 


Kanal honetatik interesatuko zaizu: Igeldo
Igeldo Toki-erakunde txikia izango da 2024ko martxotik aurrera

Datorren urteko martxoan aurreikusten da lortuko dutela auzoari dagozkion gaiak kudeatzea. Proiektua Siadeco enpresaren laguntza teknikoarekin egin da, eta Igeldoko Udaleko eta Herri Kontseiluko ordezkarien arteko urtebeteko bileren ondoren adostu.


2018-06-15 | ARGIA
Igeldon galdeketa egingo dute igandean, euskal estatus politikoaz

"Igeldoar gisa, nahi al duzu Euskal Estatu burujabe bateko herritarra izan?", galderari erantzungo diote igandean igeldoarrek.


2014-11-23 | Unai Brea
Desanexioak
Erabakitzeko eskubidea udal mailakoa ere bada

Azaroaren 23an erreferendumera deituta daude Usansoloko herritarrak. Oraingoz Galdakaoko auzoa dena udal bihurtzea gura duten esan beharko dute. Emaitza ez da juridikoki loteslea izango, baina bai politikoki esanguratsua. 2012tik udal berrien sorrera galarazten duen araua... [+]


2014-02-12 | ARGIA
Igeldo herri izateko dekretua bertan behera utzi du EAEko Auzitegiak

EAEko Justizia Auzitegi Nagusiak bertan behera utzi du behin-behinean Igeldo herri izendatzeko dekretua, epaia irmoa izan bitartean.


2013-12-18 | ARGIA
Igeldoren desanexioa ofiziala da, Gipuzkoako Aldizkari Ofizialak argitaratu du

Gipuzkoako Aldizkari Ofizialak gaur argitaratu du Igeldo herrigunea Donostiatik bereizi eta udalerri banandu berri bat era­tzea onar­tzen duen dekretua (pdf).


Eguneraketa berriak daude