Xabi Alonsoren Igeldoko txaleta eraiki zuen enpresaren eta Donostiako Udalaren aurkako salaketa jarri dute talde ekologistek
Haritzalde eta Ekologistak Martxan Gipuzkoa elkarte ekologistek salaketa aurkeztu dute Gipuzkoako Fiskaltzan. "Prebarikazioa" eta "Ondasun publikoen usurpazioa" leporatzen dizkiete txaleta eraiki zuen Tavaro XXI enpresari eta Donostiako Udalari, etxearen sarrerarako bidearen erabilera dela eta.
aurre egingo dieten hedabide independenteak
Talde ekologistek ohar bidez azaldu dutenez, besteak beste Realeko futbol jokalari izan zen eta egun Real Madrid taldearen entrenatzaile den Alonsoren txaleta eraiki den lurzatiak ez du sarbiderik, "eta, hala eta guztiz ere, lizentzia eman zitzaion". Salatu dutenez, "bidegabekeria" hori konpontzeko udalak "baimen berezia" luzatu zion Tavaro XXI enpresari, "Txalingo ur-biltegira doan zerbitzu publikoko bidea erabiltzeko". Baina "legez kanpoko" erabakia litzateke, legez "zerbitzu publikoarekin lotutako erabiltzaileei bakarrik" ematen zaizkielako aipatu baimen bereziak. Horrez gain, salatu dute ere baimen berezia martxoaren 21ean iraungi zela eta luzaezina dela, "Ondareari buruzko Legearen 92. artikuluak hala baitio".
Ekologistek azaldu dute martxoan udalari ohartarazi ziotela Tavaro XXI enpresari emandako baimena laster amaituko zela, "hori 'ahaztu' nahi zutela pentsatuta". Bidearen jabetza "berreskuratzeko betebeharra" duela eta "Tavora XXI SLk ezin zuela hura erabiltzen jarraitu" adierazi zioten udalari. "Aurreikus zitekeen bezala, udalak ez du ezer egin horri buruz, eta Tavorak bere txaleterako sarbide gisa erabiltzen jarraitzen du [bidea], legez kanpo".
Hori guztia aintzat hartuta, "txaletaren ilegaltasuna estaltzeko" helburuarekin udala "borondatezko pasibotasunez" jokatu duela iritzi diote Haritzaldek eta Ekologistak Martxanek, eta fiskaltzara jotzea erabaki dute.
"Gertatutako bi delitu posible" salatu dituzte ekologistek Gipuzkoako Fiskaltzan. Batetik, prebarikazioa, Hiri Mantentze eta Zerbitzuetako zinegotziak burutua, bidea erabiltzeko baimena emateagatik "bidearen jabetza osoa berreskuratzeko arduraduna" izanik. Bestetik, ondasun publikoen usurpazioa "Zigor Kodearen 245.2 artikuluaren arabera", Tavaro XXI enpresak burutua, bidea erabiltzeagatik "horretarako titulurik ez izan arren".
Prebarikazio berri baten arriskua
"Egoera irregular hori denbora askoz luzeagoan mantendu ezin denez", udala eta Tavaro XXI "negoziatzen" ari direla ziurtatu dute eragile ekologistek. "Ur-biltegira sartzeko bidea zerbitzu publikoko bide gisa deskalifikatzea eta bide publiko bihurtzea negoziatzen ari dira, herritarrak erabili dezaten, Tavaro XXI enpresa barne".
Hori egitea berriz ere prebarikatzea litzatekeela salatu dute, "justifikazioa ez baita zerbitzu publikoa hobetzea, helburua da legez kontrako egintza estaltzea, lursail pribatu bati txaleta eraikitzeko lizentzia emateko".
Igeldok eskumen propioak bereganatuko ditu. "Pixkanaka, hurrengo lau urteetan hainbat bloketan antolatuta", azaldu du Gipuzkoako Foru Aldundiak.
Igeldoko bizilagunek igandean egin dute bozketa. Erdiak eman dute botoa, eta eman dutenen %85 inguruk egin dute entitate txiki bihurtzearen alde.
Datorren urteko martxoan aurreikusten da lortuko dutela auzoari dagozkion gaiak kudeatzea. Proiektua Siadeco enpresaren laguntza teknikoarekin egin da, eta Igeldoko Udaleko eta Herri Kontseiluko ordezkarien arteko urtebeteko bileren ondoren adostu.
"Igeldoar gisa, nahi al duzu Euskal Estatu burujabe bateko herritarra izan?", galderari erantzungo diote igandean igeldoarrek.
“DSS2016, ongi etorri elkarbizitzaren hiriburura” idatzitako pankarta baten aurrean, hainbat igeldotarrek ekimena egin dute larunbatean Donostiako Maria Cristina zubian.
Azaroaren 23an erreferendumera deituta daude Usansoloko herritarrak. Oraingoz Galdakaoko auzoa dena udal bihurtzea gura duten esan beharko dute. Emaitza ez da juridikoki loteslea izango, baina bai politikoki esanguratsua. 2012tik udal berrien sorrera galarazten duen araua... [+]
EAEko Justizia Auzitegi Nagusiak bertan behera utzi du behin-behinean Igeldo herri izendatzeko dekretua, epaia irmoa izan bitartean.
Gipuzkoako Aldizkari Ofizialak gaur argitaratu du Igeldo herrigunea Donostiatik bereizi eta udalerri banandu berri bat eratzea onartzen duen dekretua (pdf).
Igeldo Donostiatik bereizi eta herri bihurtzea onartu du Foru Aldundiak. Gipuzkoako 89. herria izango da bihartik aurrera.
Galdeketara deituak zeuden 883 lagunetatik 637k bozkatu dute: 391 (%61,38) desanexioaren alde azaldu dira, eta 234 (%36,76) kontra. Hamar lagunek zuri bozkatu dute, eta bi bozka baliogabe izan dira.
Gipuzkoako Foru Aldundiak berretsi du Igeldoko herri galdeketa legezkoa dela eta igandean (azaroak 10) egingo dela. Espainiako Estatuaren abokatuak EAEko Auzitegi Nagusiari eskatu dio galdeketa debekatzeko, epaitegiz aldatu eta gero.
Espainiako Gobernuak Gipuzkoan duen ordezkaritzak beharrezko ikusten du Igeldo Donostiatik banatzeko kontsultaren nondik norakoak Madrili galdetzea, loteslea izan dadin. Horren berri eman du Donostiako PPko ordezkari Ramon Gomezek. Gaiaren inguruan txosten juridikoa egin... [+]
Igeldoarrek 2013ko urte amaieran izango dute aukera herri izaera hartu nahi duten edo ez esateko. Herri galdeketa egingo dute. Gipuzkoako Foru Aldundiak jarri du martxan igeldoarren iritzia jakiteko prozesua.