Igeldo Toki-erakunde txikia izango da 2024ko martxotik aurrera

  • Datorren urteko martxoan aurreikusten da lortuko dutela auzoari dagozkion gaiak kudeatzea. Proiektua Siadeco enpresaren laguntza teknikoarekin egin da, eta Igeldoko Udaleko eta Herri Kontseiluko ordezkarien arteko urtebeteko bileren ondoren adostu.


2023ko urriaren 10an - 11:26
Argazkia: Paulo Etxeberria (CC BY-NC-SA 2.0)

Gobernu batzordeak oniritzia emango dio gaur, hilak 10, Igeldoko erakundea sortzeko proiektuari eta urrats garrantzitsua izango da “deszentralizazio prozesuan”. Jendaurrean aurkezteko epe bat egongo da, eta proiektua udalbatzan eztabaidatu eta auzoan loteslea ez den kontsulta bat egin ondoren, Foru Aldundiari helaraziko zaio. Azken urratsa litzateke Eusko Jaurlaritzaren erregistroan inskribatzea. Proiektua Siadeco enpresaren laguntzarekin egin da eta Igeldoko Udaleko eta Herri Kontseiluko ordezkariek ere eduki dute parte-hartze aktiboa.

Mariaje Idoetak -Ekintza Komunitarioko eta Auzoetako zinegotziak- eta Edorta Azpiazuk -Udaleko Zeharkako Zerbitzuen koordinatzaileak- azaldu dutenez, orotara, lau urte inguruko “transferentzia-prozesu konplexua” izango da, modu mailakatuan jorratuko dena. Datorren urteko martxoan aurreikusten da lortuko dutela auzoari dagozkion gaiak kudeatzea.

Hainbat eskumen nabarmentzen dira proiektuan. Oinarrizkoenak izango dira berehala transferituko direnak: bide garbiketa, diru-laguntzak, kultura programazioa edota inguru berdeen mantentzea. Eskualdatzen azkenak izango dira, berriz, udaltzaingoari, egoitza elektronikoari edo erregistroari buruzko eskumenak.

Igeldok Toki-erakunde txiki gisa duen aurrekontuaren zehaztapenak dagoeneko ezarrita daude. “Eskumen bakoitzak balio ekonomiko bat du lotuta”, ziurtatu du Azpiazuk. Inbertsioei dagokienez ere, adierazi du Igeldoko mila biztanleak donostiarren %0,7 direla, baina hain lurralde zabala denez, esleipenaren %1 jasoko duela. Hartzen duen lur-eremuaren tamainaren arabera egokituko baita.

Funtzionamendua

Aldundiak behin akordioa balioetsita, bost kidez osatutako talde kudeatzailea eratu beharko dute 2027ko udal hauteskundeetara arte Igeldoren buruzagitza eramateko. Hauteskunde horietan, Igeldon erroldatutako hautesleek erabakiko dute auzo-alkatea nor izango den. Kudeaketa batzordeko gainerako kideak, berriz, Donostiako Udalean ordezkaritza lortzen duten alderdi politikoek aukeratuko dituzte, lortutako botoen ehunekoetan oinarrituta.

 


Kanal honetatik interesatuko zaizu: Igeldo
2024-04-15 | ARGIA
Donostiako entitate txiki izango da Igeldo

Igeldoko bizilagunek igandean egin dute bozketa. Erdiak eman dute botoa, eta eman dutenen %85 inguruk egin dute entitate txiki bihurtzearen alde.


2018-06-15 | ARGIA
Igeldon galdeketa egingo dute igandean, euskal estatus politikoaz

"Igeldoar gisa, nahi al duzu Euskal Estatu burujabe bateko herritarra izan?", galderari erantzungo diote igandean igeldoarrek.


Igeldotarrak Donostiaren parte izatera behartu nahi dituztela salatu dute

“DSS2016, ongi etorri elkarbizitzaren hiriburura” idatzitako pankarta baten aurrean, hainbat igeldotarrek ekimena egin dute larunbatean Donostiako Maria Cristina zubian.


2014-11-19 | Unai Brea
Desanexioak
Erabakitzeko eskubidea udal mailakoa ere bada

Azaroaren 23an erreferendumera deituta daude Usansoloko herritarrak. Oraingoz Galdakaoko auzoa dena udal bihurtzea gura duten esan beharko dute. Emaitza ez da juridikoki loteslea izango, baina bai politikoki esanguratsua. 2012tik udal berrien sorrera galarazten duen araua... [+]


2014-02-12 | ARGIA
Igeldo herri izateko dekretua bertan behera utzi du EAEko Auzitegiak

EAEko Justizia Auzitegi Nagusiak bertan behera utzi du behin-behinean Igeldo herri izendatzeko dekretua, epaia irmoa izan bitartean.


Eguneraketa berriak daude