Arratiako Taldearekin alkarrizketan Oiharzunak

1975eko urtarrilaren 12an

"Ohiartzunak" musika taldekoei elkarrizketa
Arratiako Taldearekin alkarrizketan Oiharzunak
Azken bolada honetan behintzat, han-hemenka gehien bat azaltzen diharduen kanta taldea Arratiako "Oibartzunak" izenekoa da.
Hoitako saio baten alkarrekin berba egiteko aukera izan dogu, denbora laburrez eta sakontasun eskasez behar bada, erabateko azterketarik egin asmoz baino, informazio apur bat eskaini gurarik batez be.
Galderak egin ahala, taldekoek erantzuten dabe, txandaka, jakinao ordena barik, lagunarteko alkarrizketa bat balitz bezala.
-Gauza nabarmena da gero eta ugariago direla zuen saioak. Zergatik uste dezue dala zuek horrenbeste agertzea.
-Behar bada talde guti dagoalako edo...
-Euskal Herrian betidanik egon izan da, ba, kanta talde tradizioa...
-Koru talde handiena bai, baina dozena erdi inguruko talde txikiena ze, ostera.
-Hala ta guztiz be, "Lantzale", "Ortzadar", "Oskorri", "Oskarbi". "Urretxindorrak" eta... besteren bat edo beste be izan da eta bada.
-Bai, baina, "Oskarbi" edo izan ezik, ez dau beste inork jarraipenik izan.
-Zuen saiorik gehienak Gipuzkoan hiharduzue emoten. Gipuzkoan harrera edo erreztasun gehiago etc?
-Gehien bat. Bizkaian baino erraztasun gehiago dogulako, duda barik.
-Kanta gaiak atsegingarriak izan behar dabela, dino zenbaitek, euskaldunok be behar dogula horrelakorik, Beste zenbaiten ahotan, ostera, iraultza hitza aitatzen da sarritan. Zer irizten jatzue zuei?
(Barre egiten dabe).
-Gu be horretan konforme gagoz.
-Zertan baina konforme?
-Ba, biak behar ditugula, gai atsegingarriak eta gai kezkatiak... gu batez be kezka bidetik goaz.
-Zergatik?
-Zergatik?
-Bai, zergatik?
-Ba, holan, goi-goitik, gure helburua da, gure kanten helburua, gure Herria, herria danez, herritasun horren apur bat galduta dau, eta Herri horri herritasun bat agertzea, gure kanten bitartez. Alaitasun barruan, hutsean, bakar bakairik, ezin geinke gure Herriaz, gure egoeraz, herritasun hori azaldu.
-Aukeratu dozuen jokabide horretan, kantak zuek asmatutakoak dira?
-Gehienetan herri kantak hartu eta letra barriak ipini detuseguz. Inoiz bertso zaharrak be datozenean laga, eta ahapaldi barriak ezarri.
-Eta doinuak?
-Doinuak be herri doinuak dira. Geuk armonizatuak, euskal usainezko musika behintzat...
-Folk?
-Ez, euskal musika folk ez, euskal musikak bere moduloak dekoz, hau da, bere forma berezi bat. Modu horretaz euskal musika modernu bat azaldu leike, eta euskal modulokaz azaldu be. Hauxe da behintzat gure asmoa, musika barria bai, baina euskal musika izan daitela.
-Zuek lan bati ekin deutsazue eta kementsu ekin be. Hala ta guztiz be, zenbaterainoko eragina izan leike herriarengan kanta jaialdi batek? Ba ote dau nahiko indarrik?
-Nahiko, ezta antzik be. Apur-apur, txiki-txiki bat.
-Eta merezi ete dau txiki txiki horrek?
-Bai, bai, merezi dau, guk uste... joe, ez da asko baina merezi dau!
-Kantariak zarien aldetik, lantzean behin kantatzeaz gainera, beste biderik ez ete dezue sumatzen. Hau da, bestelako adiarazpenik ez ete dozue pentsatu. Zuen helbururik bakar edo behinena astean behin edo ahal danean halako kanta batzuk agertzea da, ala...?
-Ez, ikusi dogu ez dala hori nahiko. Ezta hurrik emon be, ez genduke gura rutina baten sartuta ibili. Horregatik, hain zuzen, zeozer prestatzen dihardugu, espektakulo antzera zarbait egiteko.
-Eta zein era edo modutan moldatu gura zendukie zuen programa hori?
-Espektakulo hori?,
-Bai, bai, berori...
-Hain gatxa da esatea eze... edozenbat batzar egiten dihardugu eta zeozerrek urtengo dau. Zer egin geinkean burutzen gagoz, zelan egin pentsatzen.
-Zuen lan hori zortzi lagunen lana da, ala gehiagorena?
-Ez, gehiago be batu gara. Beste kantari batzuk be bai.
-Arratiakoak danak?
-Ez, "Xeberri", Gontzal Mendibil, Miren Aranburu... bizkaitarrak, hori bai.
-Bizkaira mugatze hori arrazoi konkretu bategatik ote?
-Arrazoi geografikoagatik bakar bakarrik. Alkartzeko eta danerako alkarren urrago, jakina.
-"Ez dok amairu" Gipuzkoan, "Zazpiribai" Lapurdin... zuek prestatzen diharduzuen hori lehenengoa da Bizkaian?
-Bai, halakorik ez da sekula egin Bizkaian.
-Zuek nahiko kantari barriak zarie. Hala ta guztiz be, orain dala hama-hamabost urte sortutako kantariak nagusi jarraitzen dabe oraindik be. Gaurkoek ez ote dauke lehengoek hainako saiapenik?
-Bueno... kantari baten ekintza hiltzeko, apurtzeko, hamabost urte ez da... ez da urte asko. Orain dala hamabost urteko kantariak gaur segitzea, batez be gure Herrian, gure egoera eta urritasuna ikusiz, ez da beste munduko gauza.
-Honek zer esan gura dau, orduan, gure kanta ez dala hain kanta barria? Ez dala "novedade" kanta hutsa?
-Ez, ez, euskal kanta barriak, izanda be, bere sustraiak ditu herriarengan.
-Zuek be sustrai horreetan jarraitzeko asmoa daukazue, jakina.
-Sustraiak bai, behar bada adar batzuk barriak ipinita... baina sustraiak horraetxek.
Koldo Olazabal
6

Gaiez\Kultura\Musika\Musika mode\Taldeak\OIHARTZUNAK
Egileez\OLAZABAL1\Kultura

Irakurrienak

Matomo erabiliz

Umeak, poliziak, mikrobihotzekoak

Genozidioa gelditzeko eskatu du Gasteizko hezkuntza komunitateak Palestinaren aldeko ekimen jendetsuan

Zigor Olabarria Oleaga

Ekialdeko Afrikan, oztopoak oztopo, eurite aldaketei egokitzeko ekimenak martxan

Nicolas Goñi

Negu gorri, hondamendia iragarri

Gorka Peñagarikano Goikoetxea

"Portuak zabortegiak dira"

Elhuyar | Ana Galarraga

"Zenbat dugun kontatzeko!" Euskal Herriko mapa sortu dute

Euskal Irratiak

Azkenak

2024-05-13 | Gorka Peñagarikano Goikoetxea

Analisia

Negu gorri, hondamendia iragarri

Apirilaren 30ean, Espainiako patronala den CEOEk argazki horixe zintzilikatu zuen sareetan: ezkerrean dago Antonio Garamendi, CEOEko presidente den Getxoko semea; eta eskuinean Alfonso Santiago bilbotarra, musika festibalen munduan dabilen Last Tour promotorako burua, Eusko... [+]

2024-05-13 | Cira Crespo

Ukelele baten atzean Hawaii aurkitu nuen

2024-05-13

ANALISIA |

Umeak, poliziak, mikrobihotzekoak

2024-05-13 | Zigor Olabarria Oleaga

Genozidioa gelditzeko eskatu du Gasteizko hezkuntza komunitateak Palestinaren aldeko ekimen jendetsuan

Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

Eguneraketa berriak daude