“Gu atxilotzen ari dira martxarekin fokua Palestinan jartzen ari zelako”
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako genozidioan jartzea eskatu du Revillak.
ARGIAk Euskal Herriko antolakuntzako eta Kairon diren militanteen eskutik jakin ahal izan duenez, 13:00etarako bi euskal herritar behintzat askatu dituzte, eta Kairora bidali, eta beste bat behintzat deportatu.
aurre egingo dieten hedabide independenteak
Revilla asteazken gaueko 22:00ak aldera heldu zen Kairoko aireportura hegaldian, martxako beste hainbat parte hartzailerekin batera. Kontrola pasa zuen kide batekin, eta beste batzuen zain geratu ziren. “Baina itxaron eta itxaron, eta ez ziren agertzen, Polizia gu identifikatzen hasi zen eta ohartu ginen zer edo zer txarra gertatzen ari zela. 01:00a arte egon ginen esperoan eta orduan hotelera alde egin genuen”. Hotelera heltzean, lehenik abokatuekin jarri ziren harremanetan euskal militanteak, eta ondoren aurreko egunetan helduak ziren beste bi euskal herritarren gelara joan ziren. Baina Polizia topatu zuten bertan.
Deportatu nahian
“Haietako batekin hitz egin ahal izan genuen, saiatu ziren bertan eusten, beharrezko paper eta baimen guztiak dituztela aldarrikatuta, baina azkenean aireportura eraman dituzte”. Egoera nahasia da eta Polizia asko dute inguruan, “edozein momentutan atxilotu gaitzakete”, adierazi dio Revillak hoteletik ARGIAri.
Solasaldiaren unean (goizeko 10:00ak Euskal Herrian) eta duten informazioaren arabera, dozenaka militante dituzte aireportuko gela batean atxilotuta, horien artean bost euskal herritar: Begoña Oleaga, Agus Gorbea, Gurutze Morado, Reem Dandan eta Eider Aierdi. “Hainbat herrialdetako 70 pertsona baino gehiago gaude atxilo Kairoko aireportuko kalabozoan”, idatzi du martxako kide batek goizean sare sozialetan. Euskal Herritik 30 pertsona inguru joan dira Egiptora nazioarteko martxan parte hartzeko, mundu osoko 82 estatutatik 3.000 inguru.
Aireportuko kalabozoetan dagoen euskal herritarretako batekin labur hitz egitea lortu dute antolakuntzako Euskal Herriko kideek goizeko 11:00ak aldera. Salatu dutenez, hasiera batean tratua txarra izan da, ez diete urik eman edo zutik egotera behartu dituzte, eta pasaportea kendu diete. Egiptoko Gobernuak bueltako hegazkin txartela erosteko esan die martxako kideei, eta mehatxu egin die egin ezean aireportuan bertan emango dituztela bueltatu arteko egun guztiak –martxa amaitu osterako dituzte erosita txartelak, gutxienez ekainaren 16tik aurrera–. Abokatu talde bat ari da ekintzaileak babesten. Martxako kideek uste dute Egiptoko agintariak atxilotuak lehenbailehen deportatzen saiatuko direla. Gobernuak argudiatu du atxilotuek ez dituztela herrialdean egoteko beharrezko baimenak, baina Revillak ukatu egin du hori. “Legalki gaude hemen, bertan jarraitzeko borrokatuko gara”.
ARGIAk eskuratutako azken informazioen arabera, 13:00ak aldera bi euskal herritar behintzat askatu dituzte, eta Kairora bueltatzeko baimena eman. Beste euskal herritar bat gutxienez deportatu egin dute, 11:00ak aldera. Askatu dituzten bi euskal herritar horiekin hitz egin du ARGIAk, Poliziaren bortizkeria salatu dute, adierazi dute beraiek ez dituztela kolpatu baina atxilotu batzuen aurkako "jipoi handiak" ikusi dituztela, eta tratua txarra izan dela. Beste herrialdeetako militanteekin neurri ezberdinak hartu dituzte, batzuk, esaterako, Turkiara kanporatu dituzte, dozenaka dira deportatutakoak: aljeriarrak, marokiarrak, alemaniarrak, belgiarrak, norvegiarrak...
Fokua Palestinan
“Gu zatitzen eta atxilotzen ari dira martxa ekiditeko”, dio Revillak. Azken egunotan martxak ikusgarritasuna lortu duela iritzi dio. “Martxak aldarrikatzen ditu blokeoaren amaiera, Israelekin harremanak etetea eta genozidioarekin amaitzea, arreta gehiegi ari ginen lortzen, eta hori moztu nahi dute”.
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
109 elkartek adierazi berri dute, tartean Munduko Osasun Erakundeak edo Mugarik Gabeko Medikuek, Gazan gosete masiboa sufritzen ari direla, Israelgo Gobernuak hala erabakita. Bi milioi lagunen kontra gosea arma gisa erabiltzen ari dira, etekin politikoak lortu asmoz. 2025ean,... [+]
Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]
The Lancet aldizkari ezagunak iazko uztailean eginiko "aurreikuspen zuhurraren" ondoren, zuzenean eta zeharka Gazan hilda egon daitezkeen palestinarren kopurua eguneratu du Steven Donziger abokatu entzutetsu estatubatuarrak, The Lancet-en formula... [+]
Nire gorputza erortzen ari da. Ama kolapsatzen ari da nekeak jota. Nire lehengusuak egunero jokatzen du bizitza laguntza pixka baten truke. Gazako haurrak gure begien aurrean hiltzen ari dira eta ezin diegu lagundu.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
"Pausa taktiko" gisa definitu ditu Israelek. Igandean hasi da eta 35 kamioi sartu dira Gazako zerrendara.
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]
Abu Youssef Al-Najjar Ospitaleko zuzendari Marwan Al-Hams kanpainako ospitaleen arduraduna da eta Gazako Osasun Ministerioko bozeramailea. Uztailaren 21eko arratsaldean atxilotu dute Israelgo Indar Armatuek.
"Oinarrizko premiak bilatzen dituzten bitartean zibilak, haurrak barne, anker hiltzea" salatu dute. Gazan hamabost pertsona hil dira gosez azken 24 orduetan, eta AFP albiste agentziako kazetariek ohartarazi dute euren lankideak gosez hiltzen ari direla zerrendan,... [+]
Bai, eremu horren historia odoltsua da. Pena izan zen hainbeste jende hiltzea eta herri hori modu horretan kanporatua izatea, baina hainbestetan gertatu dira halakoak...! Gizakiok ez dugu erremediorik eta Historiak ez du atzera bueltarik. Egiten ari zirena gehiegizkoa zela... [+]
Gazako Osasun Ministerioaren arabera, Israelek 2023ko urrian zerrendaren aurkako oldarraldia gogortu zuenetik 86 palestinar hil dira gosez, horietatik 76 haurrak. Manifestazioak egin dituzte hainbat herrialde arabiarretan, Gazarako su-etena aldarrikatzeko eta palestinarrek... [+]