Palestinaren aldeko Askatasunaren Ontzidia bonbardatu dute Maltatik gertu
Ostegunetik ostiralerako gauean dronekin egin diote eraso Gazako blokeoa apurtu eta genozidioa salatu nahi duen nazioarteko ekimenaren itsasontziari, Maltatik hamahiru miliara, nazioarteko uretan. Aktibisten artean Mikel Zuluaga Mikelon euskal herritarra dago. “Hemen hau egiten badute, zer ez dute egingo Palestinan” adierazi dio Maltatik ARGIAri.
“Conscience (kontzientzia) itsasontzia gaur 00:23an dronekin bonbardatu dute, nazioarteko uretan Maltatik gertu. Palestinako herria jasaten ari den setioa eta genozidioa salatzeko xedez, mundu osoko berrogeita hamar bat aktibista Gazarako bidean itsasoratu behar zirenean, laguntza humanitarioa itsasoz sartzeko, itsasontziaren branka bi aldiz jo dute. Sua eta kroskoan haustura eragin dituzte”. Hori da Askatasunaren Ontzidia ekimenetik jakinarazi dutena.
Maltan dagoen ekintzaileetako bat da Mikel Zuluaga Mikelon euskal herritarra. ARGIAri Maltatik telefono elkarrizketan azaldu dionez, erasoaren unean tripulazioa zegoen soilik ontzian, aktibistak lurrean zeuden ontziratu zain. Munduko 21 herrialdetako 50 militante inguru ziren ontziratzekoak. Ez dakite zenbat dronek hartu duten parte erasoan, baina bat baino gehiago izan dela ziurtatu du. “Ontziaren sorgailua apurtu dute, eta kroskoan zuloa egin”. Elkarrizketaren unean (ostiraleko 11:10) ekintzaileek ez zekiten ziur zein zen ontziaren eta tripulazioaren egoera kontaktu zuzena galduta zutelako, baina uste dute ez dagoela zauriturik eta ontzia urperatzeko arriskuan dagoela.
Zuluagak fokua Palestinako egoeran jartzea eskatu du, eta ez ontzian edo ekintzaileengan. Hirugarren aldia da Zuluagak ontzidiaren sabotajea pairatzen duena, baina harrituta eta haserre azaldu da halere. “Israelen inpunitatea ez sinestekoa da. Aurretik egin dituzte abordatzeak, oraingoan 2024koan bezala uste genuen arazo teknikoak planteatuko zituztela itsasoratzea ekiditeko... baina bonbardatu egin dute ontzia, bonbardatu. Hemen hau egiten badute, zer ez dute egingo Palestinan. Basakeria hutsa da”. Askatasunaren Ontziditik Zuluagaren adierazpen bat zabaldu dute, sakatu hemen irakurtzeko.
EBko diplomaziaburuari gutuna bidali diote lau talde parlamentarioko hainbat legebiltzarkidek, tartean EH Bildukoak. Oraindik nazioarteko uretan segitzen du Askasunaren Ontzidiak.
Nazioarteko ekimenak igandean argitaratutako prentsa ohar batean jakitera eman duenez, Maltako Gobernuak bonbardatutako itsasontzia konpontzeko asmoa erakutsi du. Askatasunaren Ontzidiak eskatu die Maltako agintariei itsasontzia herrialdeko uretan sar dadila. Israelen erasoak... [+]
Deshumanizazioa barru-barruraino sartu da Mendebaldeko botereetan, eta axolagabekeriaz begiratzen diote Gaza pairatzen ari den holokaustoari; Gazan, bonbek hiltzen ez bazaituzte, goseak hilko zaitu.
Gure itsasontzia bonbardatu duten honetan inpotentzia erabatekoa da, gu ondo... [+]
Hiru militante euskaldun ari dira parte hartzen Askatasunaren Ontzidian, Turkiatik Gazara laguntza humanitarioko 5.500 tona material eraman nahi dituen nazioarteko ekimena: Pili Revilla, Agus Gorbea eta Mikel Zuloaga ‘Mikelon’. Apirilaren 18an hartu dute Bilbotik... [+]
Gazara doan Adkeniz itsasontziaren irteera eragozteko Israelen ahaleginek beste traba bat jarri dute. Gazako itsas-blokeoa hautsi nahi duen misioaren paturako behin betikoa izan liteke.
Istanbul. Apirilak 25, osteguna.
Zazpigarren eguna Istanbulen. Arazoak bata bestearen atzetik jaso ditugu egun hauetan, eta esan behar dugu ostiralean ezingo dela abiatu Askatasunaren Ontzidia. Irtengo gara, baina ez orain. Presio izugarriak jasaten ari gara. AEBetatik,... [+]
Astelehen gauean iragarri zuen antolakuntzak ontzidia apirilaren 24an, asteazkenez, itsasoratuko zela, baina gutxienez ostiralera arte atzeratu dute irteera.
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
