Datu zenbait argitaratu, emaitza osoa ezkutatu
aurre egingo dieten hedabide independenteak
Hezkuntza Sailak ebaluazio diagnostikoen berri eman zuen otsailean: 2023ko etapa erdikoa eta 2024ko etapa amaierakoak izan zituen hizpide. Emaitza negargarriek egiturazko arazoa dugula erakutsiko luketenez, sailak erabaki zuen tramitea bete bai (ED 23 eta 24 txosten exekutiboak argitaratu), baina emaitzak ezkutatzea.
Horrela, beste behin ere, Hezkuntza Sailak jarraituko du egiturazko arazoari egiturazko erantzunik eman barik.
Har dezagun 2013ko etapa erdiko ebaluazio diagnostikoa, ordenagailuz egin zen lehena. Urte hartan, Lehen Hezkuntzako 4. mailako txosten exekutiboak 116 orrialde zituen, zeinetan emaitzak xehe-xehe aletzen ziren. Urte bereko DBH 2ko txosten exekutiboak 124 orrialde zeuzkan.
Har dezagun etapa amaierako ebaluazio diagnostikoaren lehenengo txosten exekutiboa, 2022koa. Horretan, 2018ko eta 2022ko emaitzak aurkeztu zituzten, bai LH 4koak, bai DBH 2koak: 173 orrialde behar izan zituzten.
Gatozen orain aurtengo txosten exekutibora: 2023ko ebaluazio diagnostikoa aurkeztu dute (LH 4 eta DBH 2), baita 2024ko etapa amaierakoa ere (LH 6 eta DBH 4). Ebaluazio diagnostiko desberdin biren lau mailatako datuak aurkezteko, 26 orrialdeko txosten exekutiboa.
240 orrialde 2013an; 173, 2022an; 26, 2024an. Kuantitatiboa horraino. Goazen orain kualitatiboarekin.
Hezkuntza Sailak diosku DBH 4ko ikasleen %22k euskarazko hizkuntza-konpetentzia aurreratua dutela, baina ahozko konpetentzia neurtu barik
Hezkuntza Sailak kontzeptu engainagarriak erabiltzen ditu. Esaterako: DBH 4ko ikasleen %22k euskarazko hizkuntza-konpetentzia aurreratua dutela diosku, baina ahozko konpetentzia neurtu barik. Hau da, ez daki ikasle horiek ondo konpontzen ote diren euskaraz berbetan. Argi gera bedi: Hezkuntza Sailak erabaki egin du DBHko ikasleei ahozko konpetentzia ez neurtzea; 2018an 1.000 ikasleri neurtu zien, ez zituen emaitzak txosten exekutiboan argitaratu (ez beste inon, nik dakidala) eta harrezkero ez du berriro neurtu derrigorrezko hezkuntza amaitu duten ikasleen ahozkotasuna. Beraz, ezin da esan 16 urteko ikasleen %22k euskarazko maila aurreratua dutenik, ezta %54k erdiko maila dutenik ere.
Bestetik, ebaluazio diagnostikoetan A eta B ereduak batu eta, ikastetxearen kokapenaren arabera, D eredua bitan zatitzen dute: euskaldunak herritarren %50etik gorako eta beherako udalerria den. Baina argitaratutako emaitzetan ez da islatzen: ez dakigu B ereduko zenbat ikasle dagoen maila egokian edo aurreratuan (B1 onartzen zaie DBH amaitzean, A eredukoei ez bezala) eta ez dakigu D eredu bakoitzeko ikasleen emaitzak zein diren. Nahiz eta azken hori funtsezkoa den, konturatzeko euskara-gaitasunaren fokua ikastetxetik kanpora ere ipini behar dela.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Gaztetxo bati lehen mugikor adimentsuak eskaini beharko liokeena zer izan beharko litzatekeen hasi naiz pentsatzen. Nork daki, beharbada ordenagailuetarako Luberri edota Txikilinux sistema eragile libre euskaldunak sortu ziren bezala, mugikorretarako garatu liteke Linage... [+]
Inoiz Erdi Aroko etxe museifikaturen batean egon bazarete, etxeko altzarigintza egurrezkoa, berniz ilunekoa eta dekorazio landuarekin egina zela konturatuko zineten. Eta etxearen dekorazioari dagokionean, deigarriena da zeinen altzari gutxi zituzten edozein gela motan, baita... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Uda honetako erronka omen sare sozialetan: kaka egitea igerileku publikoetan. Ohikoak dira jokabide zikinak sare horietan, eta batzuek beren gorotz fisikoa libratzea, ororen begi-bistan eta eskura, honezkero gaina hartu digun zikinkeria digital erraldoia hezurmamitzea besterik... [+]
Liburuak hasi, utzi… begietatik garunera nagi doaz esaldiak, eta itzali ezin dudan tik-tak bat entzuten dut. Ikus-entzunezkoak pikatzen ari naiz.
Entzun dut burpee, eta Llados, eta body count, eta nahi duzulako zara pobrea, eta Milei, eta Thiel, eta unibertsitatea... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]