Zenbat dira 30 urte?
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren atalean sartu denaren krisi ezaguna izango da, kontixu. Nolanahi ere den, nire bizitzako lehen kronika honetan –beste batzuek motoak, etxeak eta abar erosten dituzte, kar-kar– galdera horri erantzutea dut xede.
Jimmyko kontzertu egunetako plan ohikoari jarraikiz, Murgian hasi eta Andagoya tabernan bukatu dugu poteotxoa. Azkena eskatu bitartean, boga-boga, itsasorantz zijoaz eta tabernako begi eta ezpain ertzetako zimurren zorion keinuak begi-belarrien gozagarri. Gazteenetakoak garela aipatu dit lagun batek, ia ahapeka. Zera pentsatu dut neure artean: full respect, baina ni ez naiz Deliriumengatik etorri.
Urteak pasa arren, gauza batzuk ez dira aldatzen: justu-justu iritsi gara ordurako. Haizea alde dugu gaur, ordea, eta tartea izan dugu jakentzako pausaleku egokia bilatu, lau euroko garagardoa eskatu eta kontzertua hasi arteko lasaitasunean inguruari erreparatzeko. Atentzioa eman digu Xabaten bateria laranja-garden kolorekoa lehen lerroan ikusteak, eta sekulako presentzia izango duela aipatzen ari ginela amets, amets egin... introak isilarazi gaitu.
Oholtzaratu da hirukote gaztea, mugadun hutsunetik bueltako hirugarren kontzertuan. Ez da berrikuntza bakarra: Beñatek (Mahl Kobat) joko du baxua aurrerantzean. Hori gutxi balitz bezala, nahiz eta oraindik kaleratu ez den, disko berria jo dute kontzertuaren lehen erdian, goitik behera. Gitarraren distortsioak eta oihu zakarrek, erritmo aldaketa bortitzek eta letra sakonek hor jarraituko dute hirugarren lan luzean.
Bestalde, nago, esentzia ez, baina inozentzia galdu dutela; kozkortu egin direla eta egiteko modu bat ari direla oholtzaratzen azken aldian. Taldeen intentzioak eta izaera ez baitira sarri musikan soilik antzematen. Eszena eta kultura ulertzeko moduaren adierazle, abesti artean bota dituzten honako hauek: palestinar erresistentziarekiko elkartasuna, bat; Aroztegiaren aurkako borroka eta manifestaziorako deia, bi; eta kontzertu aretoak denontzako espazio seguru izan behar dutelako aldarria, beste Beñatek oraindik lotsa puntu batekin ahoskatzen duen arren. Hiru.
Lehen biak duela 30 urte ere entzungo lirateke gizonek eskainiriko kontzertu batean. Hirugarrena ordea, zail egiten zait imajinatzen. Bigarren kontzertuan ez dut halakorik entzun. Hortxe duzu, irakurle, galderaren erantzuna. Zuk baloratu hori asko ala gutxi den.
Lohi Ensemble
Non: Montehermoso Kulturunean
Noiz: Irailaren 28an
-------------------------------
Igande arrats goibel eta hotz batez izan nuen, lehen aldiz, Lohi Ensembleren berri. Arabako musika eszena autogestionatuaz hitz egiteko Larraitzek jende jator pila bat... [+]
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
