Ea zer gertatzen den, edo zer gertatu da hemen?
aurre egingo dieten hedabide independenteak
Lohi Ensemble
Non: Montehermoso Kulturunean
Noiz: Irailaren 28an
-------------------------------
Igande arrats goibel eta hotz batez izan nuen, lehen aldiz, Lohi Ensembleren berri. Arabako musika eszena autogestionatuaz hitz egiteko Larraitzek jende jator pila bat eta ni Hala Bedi tabernan elkartu gintuen hartan. Ez dut gogoan zehazki noiz, baina kontakizunari fantasia apur bat gehitze aldera, esango dugu elkarrizketa grabatuaren ondoko hitz-aspertuan Aitor Gartxi-k lehen pertsonan kontatu zuela; Kutxi-n zabalik gelditzen zen azken tabernan, seguruenik.
Gasteiztik beste hiri bateko etxe batera piano zahar baten bila joan ziren bi laguni buruzkoa zen, zeintzuk handik pianoa zatituta bueltatu baitziren furgoneta handi batean, ez dakit zenbat ordu geroago. Izerdi pila bat isurita, sos bat bera ere ordaindu gabe, haatik. Ordura artekoaren bitxiaz jabetzen nintzen arren, estrainioena zera iruditu zitzaidan: artean ez zekitela zer egin nahi zuten piano harekin. Ez zuten pianoa jotzeko asmorik, hori bazekiten. Ez adiera ohikoenean, bederen.
"Ea zer gertatzen den" errepikatzen zuela gogoan dut. Horixe otu zait Montehermoso Kulturuneko atetik sartu eta ikusleontzako aipatu pianoaren pieza bana utzi digutela ikusi dudanean. Ezohiko fantasiaren oroigarri materiala, bateria-makilen baliokide postmoderno bat. Pianoaren gorputza –edo gorpua, agian– brankaz ageri da, klaustroaren erdian eta laranja kolorez argiztatua. Erdi biluzik. Barrenak bistan. Zain, zirujauak noiz iritsiko.
Esandako orduan agertu dira gizon beltzezkoak, eta nire begi ez-adituen arabera, hiru zatitan banatu dute emanaldia. Lehenengoan, pianoaren tripak hainbat tresnaren bidez ukitu, kolpatu, igurtzi dituzte musikariek. Interesgarria izan da pianoaren piezen eta espazioaren sonoritatearen arteko elkarrizketa.
Bigarren atalean ere soinuak zuzenean eta tripetatik sortu dituzte, baina soinuaren modalizazioa izan da jolasa. Pianoan sortu uhina analogikoki moldatzea, nahieran. Bigarren atal horren barruan kideek biak egin dituzte, txandaka: soinua sortu eta eraldatu. Txanda aldaketa ere ederra izan da. Ping-pong partida bat, pianoan barrena.
Azken atalean zurezko musika tresna soinu-uhinentzako bitarteko bihurtu dute. Hots, modulaturiko soinu-uhinak pianoaren bidez proiektatzen jostatu dira. Horretarako, bozgorailu parea esku banatan hartu eta distantziekin olgetan aritu dira, beste soinu batzuk sortzea helburu. Oihartzuna oraindik isildu gabe zen, txalo-zaparrada ederraren aurrean bi aldiz makurtu eta musikariak agertu diren leku beretik desagertu direnean.
Bitxia da, baina inor ez da mugitu teknikariak argi zuriak piztu dituen arte. Esango nuke inor ez zegoela ziur emanaldia bukatua ote zen. Hori, edo bestela, "zer gertatu da hemen?" Galderari erantzun bila ari ginen denok.
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]