Behin, sexu hezkuntzan aditu den bati entzun nion dena errealitatea dela. Beste batean, fisikari batek esan zidan pentsamendu batek kosmosean eraldaketak sortzen dituela. Zutabe hau teknologiaren inguruan ezagutzen ditudan berriez pentsatzeko tartea bilakatu da niretzat, beharbada, fisikariak zioen bezala, pentsatze hutsarekin zerbait eragiteko aukera. Pentsatze honetan, beti ez noa garaien erritmora, baina, aste honetan Soraren inguruan izan dugun berria hain izan da iradokitzailea, ezen horretan pentsatzen hasi naiz. Sora da testuak irudi bilakatu ditzakeen OpenIA enpresak sorturiko adimen artifiziala. Badirudi sortu ditzakeen sorkuntzak gizakiok sortu ditzakegunaren parekoak direla. Bere webgunean zenbait bideo ikus ditzakegu egin dituzten esperimentu batzuekin.
Teknologia horrekin eman daitezkeen zenbait aldaketa jada irudikatzeko gai gara: ikus-entzunezko zenbait sortzailek esplorazio aukera berriak aurkituko dituzte, zenbait pertsonek horrelako adimen artifizialek sortutako mundu murgiltzaileen besoetara bideratuko dute euren bizitza, ezagutza berenganatzeko aukera zabalduko da hainbatentzat... Ziur horrelako adimen artifizial bat izanda datorren errealitatea irudikatzeko ideiak ez direla faltako zenbaitentzat. Gauza da, horrelako sistemek oinarrian dituzten teknologiak eta dinamikak sortu dezaketen errealitateak muga handiak dituela: teknologia hauek gorputzak paralizatzeko joera dute, arreta errealitate digital horrek eskaini diezazukeen gailuan edo txertoan jartzen delako, eta gorputzen arteko harreman fisikoak eteten dira, harreman guztiak kognitiboak bilakatzen dira, naturarekiko harremana guztiz erauzlea bilakatzen da, natura eta errealitate berrien artean geruza gehiago sortuz, gure ekintzen ondorioetatik aldenduz.
Zorionez, errealitatea irudikatzea denon esku dago, horregatik bada oraindik filmak modu analogikoan sortzen dituenik, eskuz idazten duenik, haurrei ipuin bat taldean kontatzen dionik, lagunekin mahai-jokoan gozatzen duenik. Errealitate anitzak irudikatzeko gaitasuna ez dezagun galdu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Valle de Odieta enpresak eta bere filialak (HTN) urteak daramatzate instalazioak handitu nahian, administrazioa ezartzen ari den erregulazio guztien aurka. Epai judizial bati esker, abere kopurua gaur egun baimenduta dituzten hainbat adinetako 7.800 bururaino zabaltzea lortu... [+]
Sanchezi buruz ari gara, joan den ostiralean astindu gintuen kasuaz. Adierazpen askatasuna defendatzen dugu, baita gustuko ez ditugun adierazpenak egiten direnean ere. Askatasun horrek iritzi arrazoituetan eta kontrastatutako datuetan oinarritutako ideiak adierazteko... [+]
Aldarri eta kanpaina, lege, arau, plan eta aurrekontu, babes-mekanismo eta zigor-makinaria oro gorabehera, etenik gabe jarraitzen dute kasu gogorrek eta jokabide zitalek betetzen albistegiak, tantaka zein zaparradan, eta gizon-desmasiak salatzeko protesta-ekintzek,... [+]
Ikasi berri dugu Earl Tupper jaunak Floridako Orlandon, 1947an, sortu zuen mila koloretako ontzi enpresa peko errekara doala, desagertzeko zorian dela, preseski. Badirudi plastikoak konkurrente larriak dituela, adibidez, linean egiten diren salerosketena edo erabilpen bakarreko... [+]
Gisèle Pélicot-en kasuak bortxaketetatik haratago dagoen arazo bat erakusten du: gizonezkoon konplizitatea indarkeria matxistaren aurrean. Kezkagarria ez da soilik erasoa, baizik eta, gertatutakoa jakinda, egoera ez salatzea erabaki zuten gizonen isiltasuna... [+]
Gaur egun, gure munduan eraiki diren hierarkia guztiak mundu mailako kolonizazio prozesu baten emaitza dira. Menderatze-hierarkia global horiek elkarren artean txirikordaturiko beste hierarkia zehatzagoek osatzen dituzte, hau da, klasekoek, etnikoek, estetikoek, eta baita... [+]
Directa-ren ikerketa batetik abiatuta ezagutu dugu iruzurra. Bartzelonan egiten ari den belako Amerika Koparen antolatzaileek argitaratutako audientzia eta bisitari kopuruak faltsuak dira. Gaia garrantzi sozial eta politiko nabarmena izaten ari da, faltsututako datu horiek izan... [+]
Badira gaiak momentuan begiratu ezin ditudanak. Ez dakit gertatzen zaizuen. Eta ezin ditut begiratu iragan izan gabe, susmoa dudalako ezin altxatzeraino itoko nautela, eta gertaeraz gain, gertaerari buruzko letrek ere lehendik ahula zen norbait zapaltzen dutela. Eta uste dut ez... [+]