Huts egin daiteke bizitza osoan etengabe egiten dugun horretan. Amai dezakegu bizitza gutxieneko gaitasunik garatu gabe, trebatu eta trebatu ibili garen horretan. Ez da guztiz gure errua izango, birtuosoenak ere ez badu inoiz bizitzako alderdi guztietan iaioa izaterik lortzen. Komunikatzeaz ari naiz. Elkar ulertzeaz. Nola bizi hain garrantzitsuak izanik, bakoitzak geure modura ulertzen ditugun hitzen bidez? Zer da askatasuna, laguna, bikotea, jatorra, maite zaitut, konstituzionalista, Euskal Herria.
Batzuetan, gaixoak gu, hitzez ezkutatu nahi duguna oso modu obszenoan oihukatzen dugu. Begiradak salatzen du; edo kezka tonu bat irristatzen zaigu, malko bat, hotzikara bat; ezin diogu hutsalkeriak esateari utzi, edo ezin dugu ezer esan; hitz beste egiten dugu, edo oihu; barrez lehertzen gara, eta parean dugunak ezagutzen bagaitu bakarrik entzuten du negarra. Errepikapenen bidez ere komunikatzen gara, beraz; ondoan izan duzunak, agian, jakingo du zure maite zaitut guztiak deszifratzen.
Batzuetan ezkutatu nahi hori ez da hain beldurtia. Politikan, maiz entzun dugu, benetako arazoak ezkutatzeko, autokritika bakar “komunikazio arazoez” hizketan; “ez dugu ondo azaltzen jakin”. Komunikatzaileak esaten dugunean, ez dugu politikariengan pentsatzen, baina hori dira ia guztiz. Orain ere ari dira, komunikatzen, bidelagun bila dabiltzan honetan, botoak zenbatzen, elkar konbentzitzen. Zeren eta batzuetan, bizitzan ere, esaten dizute maite zaitut, eta esan nahi dute bizitzako etapa honetan, komeni zatzaizkit.
Arriskutsua da parekoa ezagutu gabe hitz batzuk erabiltzea. Zeren eta, batzuetan, esaten duzu maite zaitut, eta ulertzen dute behar zaitut. Zeren eta, batzuetan, esaten dute maite zaitut, eta ez zuten esan nahi. Zeren eta batzuetan, esaten dute maite zaitut, eta esan nahi dute tuntuntxo, ondo zaude hor, baietz, ohe azpian, zain. Zeren eta, batzuetan, esaten dute maite zaitut, eta ez dakite zer esaten ari diren.
Zorionez, gutxi batzuetan, ahoskatzen dugu maite zaitut, eta egiarekin zerikusia daukan zerbait ulertzen dugu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Euria ari du. Ekaitza. Egun beroegi baten ondorengo bustialdia. Eta tenperatura jaitsiera bedeinkatua. Ez dakit Galizia aldean euririk egin duen azken aldian, ez dakit suteak itzalita diren jada, eta etxetik irten behar izan zutenak itzuli ahal izan diren.
Komunikabideetan... [+]
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
Gizonezkoak ziren gehienak Sanferminetako entzierroetan; gizonezkoak ia denak Frantziako Tourrean; gizonek hartu dute udako musika jaialdietako oholtza eta backstage-a; gizonezkoak dira nagusi bertso-plazetan; gizonezkoak dira Donald Trump, Vladimir Putin eta Benjamin Netanyahu... [+]
Chocón, Kolonbiako hiri batean, beltzak, indigenak eta mestizoak elkar bizitzari eusten saiatzen dira. Beltzek txoloak deitzen diete embera indigenei, eta emberek beren hizkuntzan hitz egiten dutenean, kristauez hitz egiteko esaten diete bai mestizoek eta bai beltzek... [+]
Akordatzen naiz Blanca Llum Vidal poeta maitasunaz hizketan entzun nuen lehendabiziko aldiaz. Bere esperientziaz aritu zen, besteak beste. Esan zuen bere ordura arteko bizitzan maitasuna beti amaitzen zela, baina maitasunak ez lukeela amaitu beharko sentituz bizi dela. Ez dela... [+]
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Dena ongi doa. Nola izan liteke bestela opor garaian, gora eta behera, ase arte ibili ondoan? Zeregin zehatzik gabe alderrai ibili gara, gogoa ematen zigun leku eta jendeen artean. Gustukoa baizik ez dugu egin, ez-atsegina zena ahantzi eta baztertu, jainko tipiak bagina bezala,... [+]
Abuztuan 411.000 hektarea baso eta lursail erre dira León, Asturias, Ourense, Cáceres eta Zamoran. Bizkaiko eta Gipuzkoako azalera osoa beste. Irmotasunez esan dezakegu muturreko baldintza meteorologikoek sutu zituztela suteak, berotze global antropogenikoaren... [+]
Lanbidean urteak daramatzagun basozainok, gogoan ditugu 1989. urtean Euskal Herria bortizki kolpatu zuten mendiko sute handiak. Urtarriletik luze zetorren lehorte latza udazkenean lehertu zen haize bortitzen bultzadaz. Dozenaka sutek beltzez jantzi zuten lurraldea, bereziki... [+]
Donostia arpilatua, bortxatua eta propio erreta Espainiako independentziaren alde 1813ko abuztuaren 31n.
1808an Napoleon enperadoreak Baionan bildu zituen elkarren aurka borrokatzen ari ziren Espainiako errege aita-seme borboiak, Carlos IV.a eta Fernando VII.a, biek nahi... [+]
Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]
Euskararen (euskaldunon) aurkako oldarraldiak ertz ugari ditu; horietako bat fronte mediatikoa da, Voxento taldea buru eta PSOE-CCOO-UGTko kide ezagunak ekintzaile nagusi. Sarri eskaintzen digute idatziren bat, barnera dezagun Euskal Herriko hizkuntza ofizialetatik zein diren... [+]