Inteligentzia artifizialari buruz hasten garenetan, beldurra sumatzen dut inguruan, eta ez dut lortzen emozio hori sentitzerik. Sentitzen dut espazioaz hitz egiten didateneko txundidura, planetarioan Einsteinen erlatibitatearen teoria azaltzen dutenean sentitzen dudana. Katedralei ere geratzen zaie oraindik hortatik pixka bat, gu baino askoz handiagoa den zerbaiten sentsazioa. Baina beldurrik ez. Errepikatzen den esaldi batek sortu dit kezka. Proposatutako edozeri buruzko testuak sortzen dituenez, orrialde zuriaren sindromea arindu omen dezake.

Hortaz aparte, uste dut lehendik nahikoa izututa nagoela beldur berriei leku egin ahal izateko. Aurrean dudana benetan aurrean dudana den, pantailez ari garenean, ez zait hainbeste inporta, pantailaz kanpo bizitza geratzen bada. Presaka eta denborarik gabe hazten den bizitza, uragatik hozkaka ibili behar ez duen bizitza, arnasa har dezakeena, jatekoa duena, minik ez duena, seguru sentitzen dena. Bizitza horrek hamaika mehatxu ditu dagoeneko, oso optimistak iruditzen zaizkit inteligentzia artifizialak beldurtzen dituenak, nik baino iritzi hobea dute orain arteko munduaz hainbeste oker daitekeela susmatzen badute.

Kezkatzen nau ordea, sormenarekin lotuta, nahasmendu une hori ezabatzeak. Orrialde zuriak kikiltzen gaituenekoa: anabasa horretan sortzen da ideia ero hori, buruan duguna ordenatu ezin, baina irteteko borrokan ustekabeko modu horretan konbinatzen denekoa. Baina berehala pasa zait. Orain arte ere bagenituen orrialderatzeko testuak eskura, zarata lagungarria, baina ez gara inoiz konformatuko aurrean dugunarekin: garunak koska bat gehiago, korapilo bat gehiago, urrats bat harago… eman nahiko du beti. Mende asko dira ideia zoro zoragarriak edukitzen. Inteligentzia artifiziala, bere horretan, izan daiteke horietako bat.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


2024-03-31 | Tere Maldonado
Mezu subliminalak

Mezu subliminalak hartzailearen kontzientziarentzat hautemanezinak diren noranzko bakarreko komunikazioak dira, eragina izan dezaketenak haren nahimenean, portaeran edo pentsamendu kontzientean. Horregatik, mezu subliminal eraginkor bat izate hutsa manipulaziotzat har daiteke:... [+]


Eguneraketa berriak daude