Milaka lagunek ikasketak euskaraz egiteko eskubidea aldarrikatu dute
Hego Euskal Herriko lau hiriburuetan egin dituzte mobilizazioak ostegun eguerdian, "hezkuntza euskaraz izango da" lelopean. Euskal Herrian ikasketa prozesua euskaraz egiteko zailtasunak salatu eta ikas prozesua %100ean euskaraz izatea bermatu dadila eskatu dute.
Gazte Euskaltzaleen Sareak, Ikama ikasle mugimenduak eta unibertsitateetako hainbat euskara taldek deitu dituzte mobilizazioak. Beste eragile eta norbanako ugari batu dira deialdira eta lau eskakizun nagusi jarri dituzte mahai gainean: hezkuntza euskaraz %100ean bermatuko duen irakasleen kontratazioa, hezkuntza prozesuan zehar eduki guztiak euskaraz izatea, hezkuntza prozesua garatzeko espazioa %100 euskalduna izatea, eta hezkuntza prozesua Euskal Herriko errealitatera egokitzea.
Eguerdiko 12:00etan abiatu dira mobilizazioak: Iruñean Antonniuti plazan, Donostian Bulebarrean, Gasteizen Elurretan, eta Bilbon Jesusen Bihotzan. "Euskal Herrian hezkuntza euskalduna", "Euskararik gabe Euskal Herririk ez", "Hezkuntza honek ez du euskalduntzen" eta "Euskaraz ikasi nahi dugu" oihuak entzun dira lau hiriburuetan barrena.
Azpian, adibidez, Bilbon milaka gazte bildu direla erakusten duen bideoa.
Eta azpian, Iruñeko manifestazioaz Ahotsa.info-k egin duen bideo-erreportajea.
Manifestazioaren ondorengo ekitaldietan, "Euskal Herritik Euskal Herrirako hezkuntza sistema propio baten beharra" azpimarratu dute. Begoña Garaikoetxea Gazte Euskaltzaleen Sareko kideak Euskalerria irratian azaldu duenez, "ezin da euskararen normalizazioaz hitz egin ez baldin badago bermatua euskaraz bizi eta ikasi ahal izatea". Gaur hezkuntzaren esparrua jarri dute fokoa: "Uste dugu normalizaziora bidean ezagutzak jendarte guztiaren eskura egon behar duela ,eta gaur egun ez dago bermatua".
Irantzu Idoate, ikaslea: "Ohartu gara EHUn ere ez dugula gure ikas prozesua euskaraz bermatua eta oztopo anitz ditugula euskaraz ikasteko, Iparraldekoak izanik are gehiago"
Ugariak dira mobilizaziora deitu duten ahotsak. “Euskara azkenaldian jasaten ari den enegarren eraso eta jarrera oldarkorren aurrean” manifestatzeko beharra nabarmendu du Iker Plazaola EHUko ikasleak. “Pertsonen loratzean hezkuntza ezinbesteko ekosistema da eta Euskal Herrian pertsonak euskaraz loratu nahi ditugulako, etorkizuna euskaraz eraiki nahi dugulako, hezkuntza euskaraz izan behar da”, aldarrikatu du Estitxu Garai EHUko irakasleak.
Ipar Euskal Herrian eta Nafarroan egoera are zaurgarriagoa dela ere jarri dute mahai gainean. “Ipar Euskal Herrian maiz gure hizkuntza eskubideen alde borrokatu izan dugu eta EHUra etorri ginen gure ikasketak euskaraz segitzeko xedez, baina ohartu gara hemen ere ez dugula gure ikas prozesua euskaraz bermatua eta oztopo anitz ditugula euskaraz ikasteko, Iparraldekoak izanik are gehiago”, dio Irantzu Idoate ikasleak.
Unai Irigarai, ikaslea: "2023-24 ikasturterako NUPek 13 master eskaintzen ditu, horietatik euskaraz bakar bat ere ez. Lotsagarria da"
Nafarroako trabak mobilizazioen aurkezpenean zerrendatu zituzten: “Euskaldunon hizkuntza eskubideak zonaldeen arabera aldatuz, herri ezberdinetako familien hautuaren aurka arituz eta D eredua ez eskainiz, herri oso baten iritziaren gainetik zonalde mistora pasatzearen aurka eginez, NUPen euskaraz ikasteko eskubidea ez bermatuz, hizkuntza paisaiaren elebitasunaren beharra ez errespetatuz, euskarazko haur eskolen eskaintza murriztuz, euskara alemanera edo ingelesaren atzetik baloratuz...”.
Unai Irigarai NUPeko ikasleak adibide esanguratsua darabil: “2023-24 ikasturterako NUPek 13 master eskaintzen ditu, horietatik euskaraz bakar bat ere ez. Zero. Lotsagarria da NUPek euskararekiko duen jarrera eta hau aldatzeko ardura gurea ere badelako, ortzegunean Iruñeko karrikak beteko ditugu”.
Antolatzaileen hitzetan, mobilizazioez gain bestelako ekintzak ezinbestekoak dira, eta horregatik gizarte eragileei, eragile sindikalei, eta eragile politiko eta instituzionalei eskatu diete "erasoaren neurriko erantzuna" emateko urratsak egin ditzatela.
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]