Azora putre funtsak Donostiako eta Bilboko autobus-estazioak erosi ditu

  • Etxebizitza-eskubidea urratu eta espekulazioan aritzeagatik ezaguna da Azora putre funtsa, bereziki Donostian; bere aurkako plataforma sortua dago: Azoraren Maizterrak.

Bilboko Intermodal geltokia erosi du etxe kaleratze asko egiten dituen Azora putre funtsak. (Argazkia: Xabier / Wikipediatik hartua)

2023ko urtarrilaren 10an - 09:30
Azken eguneraketa: 10:58

Uztailean egin zuen Donostiako autobus-geltokiaren erosketa Azora putre funtsak –egunean 8.000 eta 10.000 erabiltzaile inguru ditu–, eta berriki ezagutu da Bilboko Intermodal zentroaren partaidetzaren %51 erosi diola Amenabar Taldeari. Donostian baino bi aldiz erabiltzaile gehiago ditu egunean Bilboko autobus-estazioak, lehen Termibus zenak, baina horrez gain, Renferen aldirietako trenak, Bilboko metroa eta tranbiarako sarbidea ere eskaintzen du Intermodal delakoak.

Etxe-kaleratze askoren egile

Bi hilabete baino ez dira atzera egin behar zeresana eman zuen Azoraren etxe kaleratze bat oroitzeko. Donostiako Gros auzoan, Ertzaintzak bizilagun batzuk bota zituztela salatu zuten funtsaren aurka antolatuta dagoen plataformak, Azoraren Maizterrak deiturikoak. Behin baino gehiagotan salatu dutenez, etxebizitza askoren jabe da Azora funtsa eta hilabeteak dira auzokideak beren etxeetatik botatzen ari dela. Azaroaren hasieran jazotako gertakari horietan, hainbat bizilagun gerturatu ziren familiari babesa adierazi eta kaleratzea salatzera; herritarrek jarrera baketsua izan zuten arren, Ertzaintzak borra kolpeka erantzun zuela informatu zuen orduan Irutxuloko Hitzak. Sareetan zeresana eman eta Donostiako Udalak ohartarazpena egin zion enpresari, oroitaraziz "ez duela eskumenik" bere jabetzako etxebizitzak "apartamentu turistiko bihurtzeko".

Aurrez, 2022ko otsailean, berriz, Azoraren Maizterrak, STOP Kaleratzeak eta Alokairu Benta Berri taldeek lortu zuten Azora putrearen desjabetze bat bertan behera uztea. Auzia lehendik dator, ordea: 2020an, prentsaurreko bidez jakinarazi zuten Azoraren Maizterrak mugimenduko kideek putre funtsa hilero-hilero jendea kaleratzen ari dela. Izan ere, salatu dutenez, alokairu-prezioak maiztasun oso handiz igotzen dituzte eta horren jakinarazpena burofax bidez soilik egiten dute.

 


Kanal honetatik interesatuko zaizu: Kaleratzeak
Hesiak jarri dituzte Gasteizko kontserbatorioko arkupeetan, etxegabeek ez dezaten bertan lo egin

Etxerik ez dutenentzat gero eta zerbitzu gehiago ixten ari diren bitartean, kalean lo egiteko espazioetatik ere botatzen dituztela salatu du Etxebizitza Sindikatuak. Gasteizko kontserbatorioko zuzendariak eskatuta, hesiak jarri dituzte eraikineko arkupeetan, “txiroak euren... [+]


2021-09-21 | ARGIA
70 urteko emakumearen etxe kaleratzea gelditzea lortu dute Donostian

70 urteko alargun donostiarrak 689 euroko pentsioa du eta alokairuko bost kuota zor dituelako etxetik kaleratzeko demanda jarria dio Coral Homes funts putreak. Salaketak eta gizarte mobilizazioak fruituak eman dituela azaldu dute aktibistek: “Funts putreak email bidez... [+]


2021-09-21 | ARGIA
Etxerik ez zuelako ebakuntza ukatu zioten gasteiztarra hil egin da

Koldo Arribillaga gasteiztarra etxetik kaleratu zuten 2019an. Bizileku duinik ez zuela eta ebakuntza-ostekoa pasatzeko baldintza egokiak ez zituela argudiatuta, bihotzeko balbula aldatzeko ebakuntza ukatu zion Osakidetzak, 2020an. Orain, 55 urterekin, bihotzekoak emanda hil da.


Tubacexeko langile guztiei ezarri nahi diete aldi baterako enplegu erregulazio espedientea

Laugarren erregulazio espedientea izango litzateke enpresarentzat, eta irailaren 11tik abenduaren 31ra arte ezarriko lukete. Kaleratutako 129 langileei ere aplikatuko litzaieke. Tubacexek mantendu egingo du beharginak berriro onartzera behartzen dituen epaiari ezarritako... [+]


89 urteko emakume baten etxe-kaleratzea gelditu dute Santurtzin

Coral Homes La Caixa bankuaren funts putreak Lidia Gil santurtziarra kaleratu nahi izan du bere Mamarigako etxetik. Epaileak bi aldeei eskatu die akordioa lortzeko. Emakumea 17 urtez bizi izan da pisu horretan, usufruktuan, Residencial Mamariga enpresak egindako iruzur baten... [+]


Eguneraketa berriak daude