Bultza kazetaritza independentea
Energiari buruz ematen ari den eztabaidaren harira, ohar hiperlaburbildu batzuk:
1.Energia ez da soilik merkantzia bat, aurrebaldintza ekononomiko bat ere bada.
2. Petrolioa ordezkaezina da eta izango da, ez dezagun gure burua engaina.
3. Gure eredu energetikoa erregai fosilen menpekoa da, eta honen kalteak externalizatzen ditugu.
4. EAE EBko CO2 isurketen batazbestekoaren gainetik dago.
5. Europan Luxenburgok bakarrik ekoizten du EAEk baino energia gutxiago.
6. Mundu mailako giro politiko ezegonkorra ekonomia berlokalizatzeko beste arrazoi bat da (energia barne).
7. Energiaz hitz egiterakoan, faltan botatzen ditut Petronor (EAEko CO2 isurien %12) edo Superportua (BPGaren %1.5) handitzeko asmoen aurkako aipamenak, Munstroa gau eta egun elikatzen duten azpiegiturak.
8. Ze etorkizun dira posible eskuragarri ditugun oinarri materialak kontuan hartuta? Ez da inolako kontraesanik gabeko trantsizio energetiko lineal eta jarraia emango. Zoritxarrez, berandu gabiltza.
9. Noski kontsumo energetikoa murrizteko bideorri bat behar dugula, datu zehatzekin. Plan hori nola ezartzeaz, botereaz ere, eztabaidatu beharko genuke. Kontua dezente korapilatzen da.
10. Astigarragan Gabonetako argiak izango dituzte, herri kontsultan hala erabakita.
11. "Lurraren defentsa" eta “Desazkunde justua” jendea erakartzeko leloak dira, ez programa politikoak.
12. "Dorre eolikorik ez, plaka fotoboltaikoak bai", eta gure mendietan eguzki plaken osagai diren mineralak baleude... zer esango genuke?
13. Errekaleorreko plaka batek edo Iberdrolaren beste batek txikizio bera eragiten du.
14. Egungo mendizaletasuna metafora ona da; ez dugu inolaz ere eolikorik nahi mendietan, baina ehunka edo milaka kilometro egiten ditugu mendira joateko.
15. Ekologismoan historikoki ikuspegi kontserbazionista gailendu zaio begirada sozialari, baina parke eolikoekin ekonomia deskarbonizatu eta faktura merketzea lortuko bagenu?
16. Maitasun guztiarekin, pentsatu duzue inoiz nondik datorren Goienerrek merkaturatzen duen energia?
17. Dorre eolikoen ikusgarritasunak gure identitate politiko ekologistetan deserosoegi sentiarazten gaitu. Horrek eztabaidaren gainontzeko ertz guztiak biziatu egiten ditu.
18. Alde/kontra eskemek eztabaida gehiegi sinplifikatzen dute.
19. Statkraft ez da GKE bat, baina ez da Repsol ere. Eta haien proposamena itxaron beharrean herri antolatuak egingo balu berea? Arriskuak daude, aukerak ere bai.
20. Sanoa da ekologismoa bloke monolitiko bat ez izatea. Gure desadostasunak modu egokian kudeatzea izango da mugimendu zabal bat eraikitzeko arrakastaren gakoetako bat.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Dagoeneko bost urte pasatxo igaro dira ARGIAn kolaboratzeko proposamena jaso nuenetik. Akordatzen naiz, artean nirea ere bazen gurasoen etxean nintzela e-maila irakurri nuenean. Urduri jarri nintzen. Segundo erdia behar izan nuen erantzuna pentsatzeko, baina denbora hartu nuen... [+]
Autobusean, denak andrak, nirekin batera etorri diren guztiak, andrak eta etorkinak”. Ondo daki nire lagunak, nik bezala, halaxe mugitzen garelako, emakumeok, migranteek eta jende nagusiak erabiltzen dugula, nagusiki, garraio kolektiboa. Orain arte,... [+]
"¡Moreno, baje a notificaciones!". Beherantza noa, azkar ibiltzen, urdaila korapilatuta. Paper mordoa luzatzen didate: "Firme aquí". "Zer da?", mesfidati. "Se decreta libertad inmediata" ("Berehalako askatasuna... [+]
Martxoaren 8an Euskal Herriko Mugimendu Feministak zaintza sistema publikoaren aldeko greba bat iragarri zuen udazkenerako, zaintzak ezin baitu negozioa izaten jarraitu. Orain, kalez kale, auzoetan, herrietan, artikulatu behar da greba horretan burutuko den mugimendua... [+]
