Gure ahizpekin bakarrik

COVID-19aren eraginak eta ondorioak gure gorputz eta bizitzetan egonkortzen ari diren honetan, sindemia gainditu gabe pandemia ostea datorrela esaten digute komunikabideen bitartez. Musukoek era argigarrienean adierazten digute hau ez dela horrela. Gure bizitzek, aldiz, etengabe oihukatzen dute: batetik, gertukoen falta gogoratuz, bestetik, osasun zein zaintza zerbitzu publikoak non dauden galdetuz, eta, zer esanik ez, lan eta bizi baldintzen kaskartzea salatuz.

"Klase sozial baxukoak –parkeko latak– jazarriak, egoera hobea dutenak –tabernako konbinatuak– baimenduak. Soberan daukaguna, polizia. Faltan, musika eta arautu gabeko dantza amaigabea"

Aurre-pandemia egoera nahi duenak, gaueko ordu txikietan parranda batera hurbiltzea besterik ez du. Egoera ekonomikoaren arabera, latak edo konbinatuak, biak ala biak musikaz lagunduak. Klase sozial baxukoak –parkeko latak– jazarriak, egoera hobea dutenak –tabernako konbinatuak– baimenduak. Soberan daukaguna, polizia. Faltan, musika eta arautu gabeko dantza amaigabea.
Parranda girora itzultzea, hori bai plazera! Atzean utzi nahi ditugu aulki eta terrazak, ongi etorriak barrako poteoa, musika eta dantza. Babosoak errekara edo matxete al matxote, hori ez da aldatu, neskak! Kantatu, maitatu eta dantzatu ezin bada, ez da gure iraultza!

Parrandara itzulita, bat bateko galernan hasi da ‘perreoa’ herriko tabernan. Perreoa nahi dut hasi eta buka. Nire ahizpekin bakarrik. Distantzia sozialak nahi ditugunekin eta nahi ditugunean murriztuz. Gure gorputzen jabe izanik, erritmoa deseraikiz, fuera tabu danak dantza lekuetatik. Itzali erakusleihoak mugikor eta sare sozialetatik. Eskatu zure kanta eta gozatu gogotik.
Herrietako tabernetara iritsi da, kaleetara iritsi da; autodefentsa feministaren aldarria iritsi da. Uholde feminista iritsi da. Dantzalekuetan erlazionatzeko beste era bat iritsiko al da? Ahaldundu gaitezen, espazioa hartu, okupatu eta, bereziki, dantzatu. Askatu, gozatu, arauez ahaztu, arauak apurtu.

Pandemia garaian modu batera edo bestera isolatutakoak, harremanak murriztu edota galdu dituztenak, arauek itotakoak, zaintzek lotutakoak, gorputzetan presio estetikoa bizitakoak... Aski da Ño, esan ozenki, gure ordua heldu da, Ño! Egin bat, denok bat, bat zuk eta bat nik. Dantzalekuak zain ditugu, kaleak eta gauak ere bai; geureak dira! Elkar zaindu gaitezen, normaltasun berria ez baita gure bakea.

Libre maite, libre bizi, zure aukerari eutsi!

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude