ARGIA.eus

2021eko azaroaren 28a

Erromantizismotik ihes

Marta Sendiu Zulaika @martasendiu
2021eko urriaren 10a
Argazkia: Marta Sendiu Zulaika

Amaia Arrazolak bazekien alaba bat izango zuela, baina ez zekiena zen alaba horrek ama bat izango zuela eta ama hori bera izango zela. Amatasuna ez da bat eta bakarra, baizik eta ama bezainbeste amatasun mota egon daitezke, eta Arrazolak bere amatasunaz jarduten du El meteorito liburuan. Ilustrazio bidez ama izateak zer nolako gogoetak ekarri dizkion ikus daiteke bertan. Izan ere, Amaia amak Amaia bidaiaria, Amaia ilustratzailea, Amaia irakurlea… ordeztu zituela zirudien alaba jaio berritan.

'El meteorito' erakusketa
Noiz: irailak 25 / azaroak 13
Non: Gasteizko Zuloa liburu denda

Bizitzako garai horretan sentitzen diren sentimendu nahasiak adieraztea izan da gasteiztarraren asmo nagusia. Amatasunak sortzen dituen maitasun absolutuaren eta urduritasunaren arteko dualtasuna azaleratu nahi izan du, beti ere haren esperientzia pertsonaletik abiatuta. Ane izeneko meteorito bat heldu zen Arrazolaren bizitzara duela bi urte eta bizipen berri horrek sorturiko segurtasun eza, ausardia eta eskuzabaltasuna ageri dira marrazkietan.

Amatasunak hankaz gora jartzen ditu gure bizitzak zentzu guztietan eta meteoritoaren metaforak ezin hobeto deskribatzen du aldaketa hori. Liburuaren izenburuan agertzen den meteoritoaren metafora erabiltzen du ilustrazio askotan eta ilargi eta izarrek presentzia handia dute erakusketan.

Izar iheskor batek zeruan haur bat duela irudikatu du, planetaz eta satelitez inguratuta ageri da zuri beltzezko ilustrazioan. Amak umeari titia ematean sortzen duten zirkulu batek ere ilargia irudikatzen du eta harekin batera esaldi bat ageri da: “Ama izatea beti beldurra izatea da, baina baita indarra eta bizitzarekin konexioa eta maitasuna izatea ere. Ziztu bizian taupadak egiten dituen bihotza izatea da.”

Amaiaren liburu eta erakusketa horrek amatasunaren irudizko ideia horretatik aldentzen gaitu eta benetako amatasunaren ikuspegia zabaltzen du, ama izateak dituen argi eta itzalak, beldur eta pozak, neke eta gogo bizia azaleratuz.

Gogoetatik eta bizitzaren askotariko eskarmentuetatik sortutako liburua erakusketara eraman nahi izan du Bartzelonan bizi den gasteiztarrak. Zuloa liburu dendak hartu du Arrazolaren esposizioa eta bertako hormak liburuko ilustrazioez bete dira.

'El Meteorito' liburua du oinarri erakusketa. Argazkia: Amaia Arrazola

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Artea  |  Komikia  |  Gasteiz

Artea kanaletik interesatuko zaizu...
2021-11-28
Oihane Iraguen. Hotsetik sortzen
"Askatasun esparrua da soinua"

Soinu bidez sortzen du. Soinua du ikergai. Soinua, teknologiak, irudia, eta gorputza. Ahotsa eta espazioa. Eta espazioen soinua. Soinuak entzuteko dugun moduak asko omen dio norbere buruaz. Aditu diot. Eta hau da entzun dudana.


Afrika arpilatuaren zati txiki-txiki bat

Frantziako Estatuak Dahomeyko erresumari ostutako 26 artelan itzuli dizkio Beningo errepublikari. Baina hainbat kalkuluren arabera, Frantziako museoetan Saharaz azpiko Afrikako 88.000 artelan daude oraindik.


Nagore Legarreta argazkilaria - Dapa 26
MULTIMEDIA - Dapa

Nagore Legarreta Hernanin jaio zen 1981ean. Ikus-entzunezko Komunikazioan lizentziatu zen. Hernaniko Kronikan lanean jardun zuenean engantxatu zen argazkilaritzarekin. Ikastaroak egin zituen, tailerrak jaso argazkilarien eskutik. 2009an argazkilaritza estenopeikoa ezagutu zuen,... [+]


2021-11-14 | Diana Franco
Teknologia
Sorkuntza digitala

Gaurkoan hiru osagai dituen hausnarketarekin natorkizue. Lehenengo osagaia @hezkuntzanlibre Telegram taldean partaide batek partekatu zuen abestia da: Joseba Irazokiren Galtzen ari da. Bigarren osagaiak harremana du aurtengo Durangoko Azokan Sorkuntza Digitalaren inguruan izan... [+]


2021-11-12 | Leire Artola Arin
‘Lumineszenteak’ lanean emakumeen aurkako indarkeria ikusezinak argitara ekarri dituzte

Irantzu Pastor argazkilariak eta Igone Mariezkurrena kazetariak 63 emakumeren bizitza-historiak bildu dituzte izen bereko erakusketa eta liburuan. Egiturazko indarkeriaz gain beste indarkeria ikusezinak jasaten dituztenen testigantzak bildu dituzte Palestinan, Indian, Lakota... [+]


Irakurrienak
ASTEKARIA
2021eko urriaren 10a
Azken albisteak
Argia buletina
Egunaren laburpena
zure e-postan
Eguneraketa berriak daude