Beste bi eraso homofobo iragan asteburuan, Gasteizen eta Ibarran
Larunbatean eraso homofoboa egin ziotela salatu du Gasteizko gazte batek. Azkenaldian ugari dira ezagutzera ematen diren LGBTI kolektiboaren aurkako erasoak, eta zenbait adituk sektore tradizionalaren erreakziotzat jotzen dute.
aurre egingo dieten hedabide independenteak
Gasteizko gazte batek sare sozialen bidez salatu du larunbatean jasandako eraso homofoboa. Azaldu duenez, taberna batetik atera eta lagunekin bildu asmoz Foru plazara bidea hartutakoan jazo zen erasoa. Kalean barna zioala, gizonezko batek iraindu egin zuen, “marikoi zikina” esanez. Nork iraintzen zuen jakin asmoz biratutakoan, erasotzaileak ukabilkada jo eta lurrera bota zuela azaldu du erasotuak.
Erasoaren ondotik antsietatea pairatzen ari dela jakinarazi du kaltetuak, baina ondoezaren erroak larunbateko erasoaz harago doazela jakinarazi du: “Nazkatuta nago Twitter eta Instagram bidez Gasteizen izandako eraso homofoboen istorioen berri izateaz. Ez dut ulertzen nola eta zergatik, maitatzeko edota izateko era desberdinengatik, pertsona batzuk irainduak sentitzen diren. Ez niri ez inori ez litzaioke halakorik gertatu behar. Larunbatean nire bikotekidearen eta lagunen beldurra, amorrua eta kezka ikusi nituen neure begiekin”.
Ibarran ere bai
Tolosako Atarian irakurri daitekeenez, eta Itaiak azaldu duenez, Ibarrako (Gipuzkoa) erasoa larunbat gauean gertatu zen, gizon talde batek hainbat gizon homosexualen aurka irainak, mehatxuak eta gatazka fisikorako saiakerak egin zituenean.
Tolosaldeko Itaiak sare sozialetan zabaldu duenez, "larunbat gauean zehar, gizon talde batek irain homofoboak, mehatxuak eta gatazka fisikorako saiakerak errepikatu zituen hainbat gizon homosexualen aurka". Emakumeen Antolakunde Sozialistak erasoa gaitzetsi eta babesa adierazi die eraso homofoboa jasan zutenei.
LGBTI kolektiboari erasoak, eskuin muturraren diskurtsoak legitimatzen duen erreakzioa
Ugariak dira azkenaldian ezagutzera emandako eraso homofobo, lesbofobo zein transfoboak. Ez da denbora asko atzera egin behar Araban bertan gertatu eta ezagutzera emandako beste eraso homofobo batekin topo egiteko: abuztuan Amurrion pairatutako erasoa salatu zuen gazte batek.
Espainiako Estatu mailan ere, LGBTI kolektiboaren aurkako erasoei dagokienez, gertaera larriak jazo dira azken hilabeteetan. Erasorik muturrekoena 24 urteko Samuel Luizen hilketa izan da; uztailaren 3ko goizaldez Coruñan (Galizia) gazte talde batek emandako jipoiaren ondorioz hil zen. Erasoek ez dute etenik izan, eta aste honetan bertan jakinarazi da, astelehenez, Madrilgo Malasaña auzoan zortzi kaputxadunek 20 urteko gazte bat zauritu eta labanaz “marikoia” hitza gorputzean markatu diotela.
Ana Requena Aguilar eta Cristina Armunia Berges kazetariek elDiario.es-en argitaratu duten artikulu batean "erreakziotzat" jotzen dituzte LGBTI kolektiboaren aurkako erasoak. Bertan azaltzen denez, artikulua osatzeko erabilitako iturriek ondoko irakurketa egiten dute: jendarteko zati baten borrokak eskuin muturraren diskurtsoaren legitimazioa du orain, eta bataila sozial, kultural eta sinbolikoan dihardu, oharturik aniztasuna eta berdintasuna irabazten ari direla.
LGBTI kolektiboaren aurkako erreakzioaren logika zertan datzan azpimarratu du Laia Serra abokatuak: “Argi dago mugimendu batek espazio publiko gehiago konkistatzen duenean lehia handiagoa dagoela sektore tradizionaletatik. Feminismoaren aurka gertatzen den gauza bera gertatzen da. Inoiz ez da izan feminismorik hain presente, eta horrek jarrera bortitzagoak dakartza”.
Urte hasieran gertatu zen, urtarril eta otsail artean, Donald Trumpen bigarren agintaldia hasi zenean eta DEI politiken kontrako gurutzada hasi zuenean hark. Baina ez zen izan prentsa-ohar edo iragarpenik. Erabilpen baldintzetan, norbaiten "genero identitatearen eta... [+]
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Gezurra badirudi ere, irudia ez dago Tolosako inauterietan eginda. Munduko herrialderik jendetsuenen artean, laugarrenean da, pasa den astean. Kameraz inguratuta, bi gizoni 80 eta 85 zigorrada eman dizkiote bizkarrean. Haien bekatua: gorputzaz elkarrekin gozatzea. Aceh... [+]
Metaren buru den Mark Zuckerberg-ek adierazpen askatasunaren izenean eta erroetara itzultzearen izenean, immigrazioa, generoa eta sexu-orientazioa bezalako gaien aurkako zentsura kentzeko neurriak hartu ditu. Trumpekin elkarlanean arituko dela adierazi du eta... [+]
2022ean auziperatu zuten Nelson David Moreno, Bilbon gutxienez bost gizon homosexual hiltzea eta beste bi erailtzen saiatzea egotzita. Astelehenean, urriaren 21ean, Morenoren aurkako bigarren epaiketa hasi dute. Iruzur delitu batengatik epaituko dute, biktimei lapurreta egitea... [+]
LGTBIQ+ kolektiboaren ikusgarritasuna sustatzen duen Bekat'uros jaialdia antolatzen du Prefosta elkarteak. Salatu dutenez, "lan horren kontrako eraso" izan dira tindaketak. Elkarretaratzea egingo dute astelehenean.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Harrotu zerbitzuak Iruñeko Udaleko LGTBIfobiaren Aurkako Behatokiaren txostena argitaratu du: urtebetean 34 erasoren berri izan duela; iaz baino zortzi gehiago. Behatokiak ustetan du zerbitzua geroz eta ezagunagoa delako izan daitekeela.
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.