Existitzeaz

Balorazio baikorra egin dute Durangoko Azokako zein Euskaraldiko arduradunek. Ez dut nik zalantzan jarriko baikortasuna, ez dut ukatuko egin ahal izatea bera dela poztasunerako arrazoi bat, baina nago exigentzia-maila oso behean genuela jarrita. Eta bada

"Etxea liburuz beteta izanagatik, ez dut liburu bakar bat ere erosi Durangon. Lehen ere, liburu gutxi erosten nituen han, nahiz eta ia egunero joan"

gauza (on) bat pandemiak ekarri duena, alegia lorpenei, txikiak izanagatik, begi zoliagoez begiratzen diegula. Ez naiz ni ezeren adibiderik egokiena. Etxea liburuz beteta izanagatik, ez dut liburu bakar bat ere erosi Durangon. Lehen ere, liburu gutxi erosten nituen han, nahiz eta ia egunero joan, lagun eta ezagunekin elkartzera. Betiko moduan erosi ditut liburuak, herrian, hiriburuan eta argitaletxean zuzenean. Ez naiz streaming bidezko jardueretara konektatu. Restop batean geratu naiz Miren Agur Meaberekin bere liburua oparitu nahi didalako. Bilera batera ekarri didate Mikel Sotorena. Liburuzalea naiz objektuzalea naizen aldetik. Baina non eta norekin eskuratu nituen ez zait erraz ahazten. Aitzakia bat dira, maiz, besteekin elkartzeko. Seguruena horregatik ez dut DAn aurten ezer erosi. Eta arranguraz diot, Harkaitz Canok esaten duen bezala, badelako jendea Durangoko Azokan besterik existitzen ez dena. Eta horiek gabe ni ere ez naiz existitzen, hein batean.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2024-06-19 | Tere Maldonado
Lehiakortasuna hezkuntzan

Saldu eta erosi giza jarduerak dira batik bat. Merkatuak eta azoka txikiak espazio publiko zalapartatsu eta biziz beteak dira, soziabilitate-lekuak, non behar ditugun gauza baliotsuak topatzen ditugun (janaria, arropa, tresneria), bidezko prezio baten truke. Bertan, gizaki... [+]


Eragin esferak eta soberania

Europako Parlamentuko hauteskunde kanpainan geundela, Iñaki Galdosek Berria-n artikulu interesgarria idatzi zuen azalduz EH Bilduk iragarri zuela Hego Euskal Herriak 1986ko erreferendumean NATOri emaniko ezetza defendatuko zuela Europan. Ondoren, Galdosek herrialde... [+]


Eguneraketa berriak daude