ARGIA.eus

2021eko apirilaren 19a

Erregea, kolpez kolpe

Ahoztar Zelaieta @Ahoztar1972
2020ko abenduaren 27a

Hogei urte pasa dira Un rey golpe a golpe (Erregea, kolpez kolpe)liburua argitaratu zenetik Arakatzen SLren eskutik, Ardi Beltza aldizkariaren argitaletxea zena. Servimedia agentziak eta El Mundo egunkariak liburuaren berri eman zuten titular honekin: “Pepe Rei edita un libro que ataca al Rey Juan Carlos”  (Pepe Reik Juan Carlos erregeari eraso egiten dion liburu bat argitaratu du).Aldizkariaren langilea eta argitaletxearen administratzailea izan nintzenez, gogora ekarriko ditut anekdota batzuk.

Aldizkariko lankide batek kotxe istripu larria izan zuen liburua inprimategira eramaten, beste auto bat atzetik jarraika zuela. Istripuaren ardura zuen gidariak ihesari eman zion baina bere matrikula Espainiako armadari lotua zegoela baieztatu genuen Trafiko Zuzendaritzan. Kontuan hartzekoa da, Amadeo Martínez militar ohiak, Estatu Nagusiko Koronel izandakoa eta erregeari buruzko informazio sentsiblea maneiatzen zuenak, Ardi Beltza-n iritzi artikuluak idazten zituela.

"Pepe Reiren azkeneko proiektuetariko bat erregeari buruzko dokumentala burutzea zen, baina dokumentala antolatzen ari ginela gure Madrilgo lankideak CESIDen (gaur CNI) bisita jaso zuen"

Hainbat kazetari, politiko eta epailek erosi zuten liburua, batzuk aldizkariaren harpidedunak ziren. Euskadiko liburutegi publikoak liburua eskuratzean, ABC egunkariak eta hainbat agentziak horren berri eman zuten polemika sortu nahian eta horrela gertatu zen ere liburua Estatu espainoleko hainbat tokitan aurkeztu genuenean.

Liburua argitaratu baino hilabete batzuk lehenago, Tele 5 telebista eta El País egunkaria, Pepe Rei (gure aldizkariaren zuzendaria) kazetariaren inguruan aritu ziren. Hedabide hauen arabera, gure zuzendariak Joaquín Navarro epailearekin (Ardi Beltza aldizkariaren kolaboratzailea) eta Mario Conderen abokatuarekin bilera bat burutu zuen erregeari buruz hitz egiteko.

Hamalau urte pasa behar izan ziren Un rey golpe a golpe lanaren egilearen berri eman ahal izateko. Rebeca Quintans da Patricia Sverlo ezizenarekin mozorrotu zen idazlea. Urte guzti hauetan EITB-k zentsuratua izan du liburua, baita Espainiako medio publiko eta pribatuek ere. Are gehiago, TV3 telebista katalan publikoak ere Monarquía o República dokumentalean Un rey golpe a golpe liburuari egindako aipamenak azken orduan zentsuratzea erabaki zuen 2012 urtean.

Pepe Reiren azkeneko proiektuetariko bat erregeari buruzko dokumentala burutzea zen, baina dokumentala antolatzen ari ginela gure Madrilgo lankideak CESIDen (gaur CNI) bisita jaso zuen eta egitasmoa atzeratzea erabaki genuen.

Paradoxa da erregearen ustelkeria azaleratzeko leihoa Euskal Herriko aldizkari batek ireki nahi izatea eta Zumarragan jaiotako Iñaki Urdangarinen aferak zabal-zabal ikertzeko atea irekitzea.

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Monarkia

Iritzia kanaletik interesatuko zaizu...

ASTEKARIA
2020ko abenduaren 27a
Azkenak EGILEA
Argia buletina
Egunaren laburpena
zure e-postan
Eguneraketa berriak daude