Etxe orratzak sutan
Muinoko tontorretik, landa zabalera. Kale estu eta motzetatik, etorbide zabal eta luzeetara. Etxe zahar eta txikietatik, etxe orratz amaigabeetara. Areto itxi eta gaztetxeetatik, aire zabaleko kirol gunera. 2020ko uztailaren 29a da eta mundu mailako pandemia bat behar izan dugu Gasteizko Salburua auzoan eskaintza kulturalaz gozatu ahal izateko. Batzuentzat COVID-19aren albo-kalteetako bat izango da, baina beste askorentzat aspaldiko amets betea.
Izaki Gardenak taldea da gaurko zitaren protagonista nagusia, baina harekin batera normaltasun berriak ezartzen dituen osasun eta babes neurriek lagunduko dute. Berezia da gaurkoa, tokia ez da ohikoa, formatua ezezaguna eta egoera bitxia. Gasteizko periferiako auzo berrienetako futbol zelai publiko batean gaude, baina olana beltz batek inguratzen gaitu. Gonbidapenak agortuta daude, maskara derrigorrezkoa da eta ikusle bakoitzarentzat aulki bana dago.
Oskolei eta oskoletik ateratzeari zuzendutako diskoa da Gasteizko boskoteak gaurkoan aurkeztuko duena. Dena oskol izenburupean ezkutatzen da autoezagutzaren ideia, norberaren muga ezarriak edo askotan guk geuk geure buruari jartzen dizkiogunak uzteari buruz mintzo da diskoa. Bildumari izena ematen dion izenburu bera duen abestiak argi eta garbi azaltzen du barne bilaketa, abestiaren hasieratik bertatik: “Susmoa da, baina, agian, hanka sartzeek ez dute balio jada ikasteko ere”.
Azken diskoko abestiekin batera konfinamenduko hilabeteetan sorturiko bi abesti berri aurkeztu dituzte. Izan ere, Jon Basagurenen taldeak ekainaren 14an streaming bidezko zuzeneko emanaldia eskaini zuen Gasteizko Jimmy Jazz aretoan, eta kontzertuaren aurreko astean egonaldia egin zuten han bertan. Oskol barruan emandako hilabete gogorretatik ateratako ondorioak eraberritzeko baliatu zituzten, oskola apurtzeko, bertatik ateratzeko, abesti berriei ere irteera emateko; gaurkoa izan da hori guztia plazara atera duten lehen aldia.
Udako ilunabar gorrixkarekin batera eman diote amaiera zuzeneko bereziari. Etxe orratzen artean ezkutatzen diren argi izpiekin batera agurtu dira taldekideak, baina Basagurenek haren gitarra eta ahots indartsuarekin eman dio amaiera gau-jaiari. Inolako tranparik gabe aditu dugu Amaieratik hasi diskoko Eguzki izpiak abestia. Zikoinen hegaldiekin batera heldu da udako iluntzea.
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]