ARGIA.eus

2020ko urriaren 31

'Stakeholder capitalism' edo kapitalismo "berria"

  • Sistema kapitalistaren barruan badira kapitalismo “berri” baten alde egiten dutenak, austeroagoa, gizatiarragoa, sozialagoa, berdeagoa. Gehien sustatzen ari dena Klaus Schwab da, Munduko Ekonomia Foroaren sortzaile eta presidente exekutiboa eta Davosko Foroaren arduraduna. Foro horren goi-bileran biltzen da, urtarrila amaieran, munduko kapitalismoaren elitea. Harena da Stakeholder capitalism ingelesezko terminoa, “alde interesdunen kapitalismoa” bezala itzultzen duena, “akziodunen kapitalismoaren” aurrean.

Juan Mari Arregi
2020ko urtarrilaren 12a

Herritarrek kapitalismoa gero eta gehiago gaitzesten dutela jabetuta, kapitalismo “berriaren” aldekoek uste dute enpresa erakunde sozial bat dela, irabazi-asmoa duen erakunde bat izateaz gain. Onartzen dute enpresek zergen ehuneko ekitatiboa ordaintzea, ustelkeriarekiko zero tolerantzia erakustea eta giza eskubideak errespetatzea beren munduko hornidura-kateetan, baita beren exekutiboen ordainsari-mailak doitzea ere. Munduaren egoera hobetzeko interesa dutenekin lan egitearen alde agertu dira.

Posible al da sistema kapitalista barrutik erreformatzea? Kapitalismo “berri” baten bila dabiltzanek, hura betikotzea nahi dute, aurpegi gizatiarrago, sozialago eta are ekologikoagoa eskainiz, herritarrek, bereziki egungo gazteek, sistemara egokitu eta beren gain har dezaten. Kapitalismo horren alde egiten dutenek, beren ordainsari-mailak ere murriztuz, planeta menperatzen jarraitu nahi dute. Euren ekoizpen eta finantza ereduei eusten jarraitu nahi dute, ahalik eta etekinik handiena izateko. Gobernuak haien eskuetan eduki nahi dituzte, hain zuzen ere, sistema kapitalistari eusteko.

Erreforma sakonak eginagatik ere, inoiz ez dio kapitalismoa izateari utziko. Bere DNA basatia da, beti izango da bera!

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Plataformen kapitalismoa

Iritzia kanaletik interesatuko zaizu...


ASTEKARIA
2020ko urtarrilaren 12a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude