Anabasa eta argia
aurre egingo dieten hedabide independenteak
.jpg)
Koreografia eta musika:Hofesh Shechter.
Eszena-zuzendaritza: Leon Smith.
Bilboko Arriaga Antzokia | Azaroaren 2a.
Oso gutxitan aurki dezakegu dantza garaikideko ikuskizun original bat. Ematen du garaikidea izateagatik zerbait berria izan behar dela, baina etiketa horren atzetik askotan hala moduzko espektakuluak eskaintzen dira, Maurice Béjarten edo Russell Maliphanten estiloa jarraituz (modu traketsean askotan). Horrexegatik, zerbait benetan fresko eta iradokitzaile baten aurrean gaudenean wow bat ateratzen zaigu.
Zur eta lur utzi gintuen Hofesh Shechter koreografo israeldarraren azken lanak. Grand finale koreografian, egilearen hitzetan, komikotasuna, edertasuna eta bere buruarekin desadostasunean dagoen munduaren isla nahasten dira. Ez nago oso ados deskribapen horrekin. Deserosotasuna, goibeltasuna, kaosa, eta momentu batzuetan kaos horretatik atera daitezkeen argi izpi batzuk sentitu ditzakegu, baina komikotasunik ez, barregarritasunik ez, arrastorik ez.
Dantza eta musika zirraragarri baten bidez –koreografoarena da musika ere–, munduaren anabasari buruz, gure zibilizazioaren kolapsoari, lur-jotzeari eta, beharbada, berreraikitzeari buruz hitz egiten du Grand Finale espektakuluak, Shechterren koordenatu estetikoak jarraituz. Oso estilo berezi eta berezkoa du Shechterrek: giro estugarria, argi bizia, soinu estridentea, dantza histerikoa baina milimetrikoki neurtua, perfektua, hauexek dira bere ezaugarriak. Une batzuetan dantza librea ematen du baina segituan urtu egiten dira dantzari guztiak koreografia guztiz konplikatu eta doi-doia egiteko.
Bestalde, berrikuntza interesgarriak dauzka proiektu honek. Dantzariak nahastu egiten dira musikariekin –bost musikarik jotzen dute zuzenean–, haien artean elkarri eraginez, eta, honez gain, ikuskizuna aberastu egiten da taldearen lan korala eginez, dueto eta hirukoteen bidez.
Horri guztiari gehitzen badiogu musikariek atsedenaldian egindako numerotxo komikoa, ba, esan behar da oso saio atsegina izan zela. Ez bakarrik atsegina, bikaina esango nuke. Shechterren artea hipnotikoa da, harrapatzen zaitu hasieratik bukaeraraino eta, dantza bukatu ondoren, pentsatzen uzten zaitu. Gutxitan gertatzen zaigu hori.
Lohi Ensemble
Non: Montehermoso Kulturunean
Noiz: Irailaren 28an
-------------------------------
Igande arrats goibel eta hotz batez izan nuen, lehen aldiz, Lohi Ensembleren berri. Arabako musika eszena autogestionatuaz hitz egiteko Larraitzek jende jator pila bat... [+]
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
