Bihotz gogorrarena
.jpg)
Ilustrazioak: Justine Brax
Itzulpena: Patxi Zubizarreta
Ibaizabal, 2019
Egile hauek lehendik ere argitaratu izan dute album bat euskaraz, Herensugeen semea (Ibaizabal), eta hura bezala hau ere ikusgarria da benetan. Neurri handiko liburu ilustrazioz betea dugu Pirata bihotza hau.
Izenburuak iradoki bezala piraten istorioa kontatzen zaigu liburuan, baina Luis pirataren istorioan bada pisu handiko elementu bat, oinarrizko elementua: bihotza. Luisen aita eta aitona piratak izan ziren eta gazte hau, haiek bezala, itsasoan barrena abiatzen da pirata izateko asmoz. Luis arrantzale batzuk lapurtzen hasten da, ondoren itsasontzi bat eta haren eskifaia eskuratuko du… eta handik aurrera ez da bakerik izango Luisen ontzia dabilen itsasoetan.
Luis pirata lanetan arituko da, “Bere aurretik aitak bezala, eta lehenago aitonak legez… Baina gogor zeukan bihotza”, eta horrela liburuko orrietan aurrera egin ahala ikusi ahal izango dugu nola harrapatzen dituen altxorrak, nola ari den handitzen pirata gaztearen altxorra eta nola lapurtzen dien baita errege-erreginei ere.
Testuak kontakizunaren erritmo bizia islatzen du (“Iparrorratzari begiratu zion. Mendebalderantz zihoan, aitarekin urrunen iritsitako tokietatik aurrerago. Bihotza gogor, gogoa bero”; edo “Harribitxi benetan berezia! Odolaren koloreko errubia. Eguzkia baino distiratsuagoa. Eta bihotzaren formakoa”), esaldi laburrek bizitasun hori islatzeaz gain irakurlearen begiek testutik irudietara eramaten dituzte. Azken hauek baitira, neurri batean, liburuaren parterik erakargarriena. Handiak, batzuetan orrialde biak betez, Luis gaztearen azalean emaniko aldaketak erakusten dizkigute Justine Braxen ilustrazioek, baita haren baitakoak ere.
Kontatzen duen istorioaz gainetik, Pirata bihotza hau liburu ikusgarria da objektu gisa, eta hori eskertu egin behar zaio Ibaizabal etxeari. Baina egia da, baita ere, liburuan zehar pirata gaztearen irudi gogorra islatu arren amaieran badela Luisen bihotza hunkitzen duena, arrantzale gazte pobrea, hezur eta azal, nekatua, begiak ilun zituen gaztea. Amaierak hurrengo istorio baten hasiera irudikatuz: “Luisek arrantzale gazteari eskaini zion bere altxorra. Halaxe sortu zuen, azkenean, bere bihotza arintzea. Eta halaxe sortu zen pirata bihotz zabala-ren elezaharra”.
Antzinako berri-berriak
Kae Tempest
Igela, 2022
-----------------------------------------------------------------
This poem was written to read aloud / Poema hau ozen irakurtzeko idatzi zen.
Horrela hasten da Kae Tempesten Antzinako berri-berriak liburua, lehen... [+]
Txori Gorri. Andre siux baten idazlanak
Zitkala- Sa
Testu zaharrak, 2022
Zitkala-Sa hegoaldeko Dakoten erreserban (AEB) jaio zen 1876an. Eskolan asimilazioan oinarritutako hezkuntza jaso zuen, eta horren... [+]
TARTARO
Testuak: Xantal Barnetxe
Ilustrazioak: Leire Perret
Ikas, 2025
--------------------------------------------------------------------
Tartaro infernuaren antzeko tokia dugu antzinako Grezian, baita pertsonaia mitologikoa ere, Virgiliok aipatua aspaldian eta... [+]
Amaieratik hasi. Euskal feminismoa, aldaketarako paradigma
Naia Torrealdai Mandaluniz
Txalaparta, 2025
-----------------------------------------------------------
Naia Torrealdai Mandalunizek Amaieratik hasi. Euskal feminismoa, aldaketarako paradigma saiakera argitaratu... [+]
hezur berriak
Ane Labaka Mayoz
Susa, 2025
Tapakia
Maite gurrutxaga
Erein, 2025
-----------------------------------------------------------
Tapakia liburu honen azala ikusten badugu, bertan sagu pipertu bat ikus dezakegu lehortzen ari den tapaki zuri-zuri baten ondoan. Gero, normalean kasu gutxi egiten diegun... [+]
Zuzi iraxegia. euskal emakume idazleak eta literatura klasikoa
Amaia Alvarez Uria
Testu zaharrak, 2024
----------------------------------------------------------------
Liburua esku artean izan aurretik ere arnas luze bat atera zitzaidan barru- barrutik: “ze... [+]
Martin Martina eta urrezko orraziaren misterioa
Amancay Gaztañaga
Elkar, 2024
-----------------------------------------------------
Amancay Gaztañagak Martin Martina eta urrezko orraziaren misterioa kaleratu du Alain Martinezen ilustrazioek lagunduta... [+]
Guardasol gorria
Lutxo Egia
Susa, 2024
Asfaltoaren azpian, lorea
Testua: Mónica Rodríguez
Ilustrazioak: Rocío Araya
Itzulpena: Itziar Ultzurrun
A fin de cuentos, 2025
Odolaren matxinadak. Gorputza, politika eta afektuak
Miren Guilló
EHU, 2024
Miren Guilló antropologoaren saiakera berria argitaratu du EHUk. Odolaren matxinada da izenburu... [+]
Zero. Transhumanismoa ate-joka erdi aro berrian
Aitor Zuberogoitia
Jakin, 2024
-----------------------------------------------------------
Hasieran saiakera filosofiko-soziologikoa espero nuen, baina ez da hori liburu honetan aurkitu dudan bakarra. Izan ere, biografia... [+]
Ihes plana
Agustín Ferrer Casas
Itzulpena: Miel A. Elustondo
Harriet, 2024
---------------------------------------------------------
1936ko azaroaren 16an Kondor legioko hegazkinek Madrilgo zenbait museori egin zieten eraso. Eta horixe bera da liburu honetara... [+]
Etxe bat norberarena
Yolanda Arrieta
Alberdania, 2024
Gogotsu heldu diot irakurketari. Yolanda Arrietaren obra aski ezaguna zait eta iragan maiatzean argitaratu zuen proposamen honetan murgiltzeko tartea izan dut,... [+]
Rosvita. Teatro-lanak
Enara San Juan Manso
UEU / EHU, 2024
Enara San Juanek UEUrekin latinetik euskarara ekarri ditu X. mendeko moja alemana zen Rosvitaren teatro-lanak. Gandersheimeko abadian bizi zen idazlea zen... [+]