Pedalak landa eremuko proiektu agroekologikoen bozgorailu
Ekainean sartzearekin batera ekin zioten Ana Santidrián eta Edurne Caballerok Zaragozatik abiatu eta Iberiar penintsulako iparraldea zeharkatuko duen bidaiari. Ez da bidaia soila neskek eginen dutena: bizikletaz eginen dituzten 2.500 kilometroetan landa eremuko bizitza bultzatzeko sortu diren proiektu komunitario eta agroekologikoak bisitatuko dituzte, ondoren ikusten duten hori guztia bildu eta zabaltzeko asmoz. “Landa eremuko proiektu alternatiboak ezagutu nahi ditugu zubi lana eginez proiektu horiek jendarteari ezagutarazteko”, dio Caballerok.
Hiriguneen eta landa eremuaren arteko zubiak sortzen
Zaragozako supermerkatu kooperatibo sortu berritik abiatu ziren bi ziklistak ekainaren lehenean, eta orain arteko bidean Zaragoza, Nafarroa, Errioxa eta Burgosko hamaika proiektu ezagutu dituzte: eztia eta propoleoa edota barazki saskiak egiten dituztenak, okindegiak, jatetxe eta denda ekologikoak, baratze komunitarioak… elikadurarekin lotutako proiektuak ez ezik, bestelako bizi eredu baten alde egiten dutenak dituzte ipar.
Proiektuak baino proiektu horien atzean dauden pertsonen historiak kontatzen saiatzen ari dira. “Gu proiektu ezberdinen bila goaz, baina gero benetan topatzen duguna lurra eta pertsonak dira: askotan hitz egiten digute haiek zergatik eta nola iritsi diren horretara, zerk bultzatu dituen, bidean izan dituzten arazo eta zailtasunak…”. Ekimen bakoitzaren atzean pertsonen historiak daude eta horiek elkarbanatzea interesgarria dela uste dute, beste jende batentzat inspirazio edo eredu izateko.
Tutera aldetik pasatuta, abuztuan itzuliko dira gurera
Nafarroako erriberako zati bat pasatu dute jadanik Biela y Tierra proiektuko kideek: Tuteran egon ziren Mejanako baratze sozialak eta Helianto kolektiboaren Jasangarritasunaren Eskola ezagutzen, Arguedasko Alcaravan enpresa bisitatu zuten, eta handik Lodosa eta Sartagudara mugitu ziren udalek bultzatutako baratze komunitarioa ezagutu eta INTIAren agroekologia finka esperimentala bisitatzen. Proiektu horiek guztiak ongi azalduta dituzte bielaytierra.com webguneko Landa koadernoa atalean.
Orain Palentzia, Leon eta Asturiastik jarraituko dute bidea, baina abuztuan berriro ere Euskal Herrira itzuliko direla esan digute: abuztuaren 8an sartuko dira Karrantzatik eta gure lurretan ditugun hamaika proiektu bisitatuko dituzte: Muturbeltz Elkartea, Maskilu Kontserbak, Pikunieta Baserria, Azpeitiako Elikagunea… Adi egon beharko dugu, beraz!
2024ko irailetik martxan dute Urduñan Belardi hiltegia eta haragi-eraldaketarako gunea. Elikadura burujabetzaren bueltan herrian urte askoan egin duten prozesuaren ondorio da proiektua, Bedarbide abeltzainen elkarteak bultzatu duena. “Sektorean egindako ikerketatik,... [+]
Pirinioetan dago ezpel basatien munduko eremurik handiena, eta hain zuzen Nafarroako Pirinioan, Abaurregainan, sortu zuten 2020an Ezpelzaintza 2050 egitasmoa. Cydalima perspectalis sitsa hondamendi handia eragiten ari da ezpeldietan azken urteotan, eta espeziea babesteko eta... [+]
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]