Greziar mito zaharrak dio Medusa emakume ezinago eder eta erakargarria zela. Poseidonek Medusa bortxatu ostean, Atenea Jainkosak, amorruaren amorruz, Medusa zigortu eta munstro bilakatu zuen. Ilearen partez hamaika sugedun mataza ezarri zion buruan eta begietara begiratzera ausartzen zen edonor harri bihurtzen zuen. Justizia patriarkala ez da gure garaietako asmakizuna.
Kontakizuna erabat misoginoa den arren, gu, emakumeok*, bagara, nola edo hala, gure mendeko Medusak. Eder eta isilik nahi gaituzte, eta, aldiz, mutur-makur eta garrasika gaude. Mindu nahi gaituena harri bihurtzen ikasi behar izan dugu guk ere. Nazkatuta, gure babes sistema propioa garatu dugu, eraikitako gizatasun faltsua harri bihurtzekoa, deseraikitzekoa. Kalte egiten diguna harritu eta ostiko batez gugandik aldentzekoa.
Ulertzen dugu tokiz kanpo sentitzea, hamar argazkitatik hamaikatan ateratzera ohituta baitzaudete. Lasai, desintoxikazioa ez da hain zaila, kontzientzia dosi txiki bat eta bigarren mailara lerratzea baino
ez du behar
Kapitalismoaren eta patriarkatuaren ezkontzak aspaldi finkatu zituen rolak. Zuek Wall Street-eko otsoak, gu etxe-txokoko atsoak. Gizonenak izan dira plaza eta kapitala. Gure lanak balio ekonomiko eta sozial gutxiago ei dauka etxean zein etxetik kanpo. Urrea balio, urria jaso. Baina musu-truk (eta askotan kolpe-truk) egindako lan guztia ere harri bihurtu eta sistemaren kontra jaurtiko dugu, pitzatu arte. Aspaldi erabaki genuen neskame izateari uztea.
Nola portatu, zer jantzi, noiz biluzi, nori negar, norentzat barre, nor maitatu, zer pentsatu, nola maitatu, zer sentitu, nola egin, zer isildu, nola esan, zer bai, nola ez. Zer izan. Nor izan. Nola izan. Gure partez erabaki dute orain arte. Aurrez ezarrita zetorkigun bizitza osoan soinean eraman beharreko soinekoa. Baina zetazko soinekoari ere eman diogu harri forma, eta igarri dugu haren pisu jasanezina, lepoa eta gogoa txikitu dizkigu, erantzi eta biluzik saltoka ibiltzea erabaki dugun arte.
Arzalpena, arzalpena eta arzalpena. Zerk duen lehentasuna, greba nola antolatu eta mugimendu feministak izan beharreko diskurtsoari buruzko iritziak. Arzalpena, arzalpena eta arzalpena. Oraindik ezin dut ulertu, guri arzaltzeko hainbesteko jakituria eta ezagutza edukita, nola daitekeen gizonek gidatutako borroka urte luzeen ostean oraindik desberdintasun egoera honetan egotea. Nola litekeen guretzat, askotan, herria bera harri izatea.
Ulertzen dugu tokiz kanpo sentitzea, hamar argazkitatik hamaikatan ateratzera ohituta baitzaudete. Lasai, desintoxikazioa ez da hain zaila, kontzientzia dosi txiki bat eta bigarren mailara lerratzea baino ez du behar. Hori bai, hausnardolak eta erabakimin pilulek efektua egiten dizuenean, gizonek aulkiak utzi beharko dituzue, zuen ipurdiak populazioaren erdiari berea lapurtzen baitio. Bestela, zuek ere harri bihurtu eta erditik kendu beste erremediorik ez zaigu geratuko.
Senegalgo ahizparen, lehengusina transaren eta amona pentsiodunaren bizitzek merezi dutelako. Bada garaia gure bizitzak erdigunean jartzeko. Martxoaren 8an planto egin dugu, egunerokoan planto egiten segituko dugula aldarrikatzeko. Guztiok izan gara Medusa, martxoaren 8an, eta izango gara apirilaren 9an eta abenduaren 10ean. Zapalkuntza guztien gainetik, emakume* askez osatutako Euskal Herri askean bizi nahi dugulako. Horregatik eta horretarako, gure begiradarekin, gure begirada feministarekin, harritzen jarraituko dugu.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Sendo itxura ematen duten egitura politikoak ere ez dira betiko izaten. Europar Batasuna kilin-kolon dabil. Espainiako Estatua, berriz, zalantza-balantzan. Zer aldatu da, bada? Euskarriak.
Estatu espainiarrari begira, 78ko Erregimena deituak bi operazio nagusi burutu zituen finkatze-bidean. Bata, langile mugimendua integratzera abiatua, ezkerreko alderdiekin eta sindikatuekin itunak egin, haiek estatu zaharberrituaren muga estuetara erakarriz. Bigarrena, aldiz, estatu barruko nazioak... [+]
Atzerapen mental sakona adierazten du idioziak, gaixotasun mentala, alegia. Idiotak ez du gaitasun psikiko edo intelektualik. Gaiztoek badute, ostera, gaitasun psikiko eta mentala. Eta espainiarrek ere bai, salbu eta monarkiaren buru den errege bobolioak. Zitalkeria pertsonen ezaugarri intrintsekoa da eta Espainiako monarkiaren burua zitala eta idiota da, egindako baieztapenen arabera: “Ez da onargarria ustezko demokrazia bat aipatzea Zuzenbidearen gainetik. Izan ere, legeak errespetatu... [+]
Ikusi dugu lehenago. Ekologismoa da adibide paradigmatikoa. Halaber, pink washing-a edo gaypitalismoa. Merkatuak gure borrokak irentsi, digeritu eta gorotz moduan produktu kapitalista bat iraizten digu, salmentarako prest, sistemari funtzionala egiten zaiona.
Hedabideek soldatari, goi-mailako enpresari eta politikariei, emakumezkoen futbol taldeei, zientzialari edota artista famatuei erreparatzen diete. Euskal Herrian greba feministaren antolakuntzan ibili direnek aldiz, migrazioa,... [+]
Ekonomia ikastean ez dut inoiz greba kontzeptua ikusi, nahiz eta hauen arteko lotura erabat zuzena izan. Arrazoia agerikoa da: botere ekonomikoak definitzen du zer den ekonomia. Emakumeek egindako grebatan ikusezintasuna bikoitza da, analisia gizonen eta kapitalaren betaurrekoekin egiten delako. Tarte hau baliatu nahi dut gurean egindako batzuk gogorarazteko.
1889 urtean Bilboko Santutxu auzoan lantegi gutxi batzuk zeuden. Horien artean, txakolindegiren bat eta zigarroak egiteko lantegi bat... [+]
Aurten badakit zer eskatu Olentzerori, baina, martxoan egonda ere, uste dut berandu nabilela. Hauexek, nire eskaerak: aldaketaren aldeko alderdien partetik, erabakiak hartzeko ausardia handiagoa eta paktatzeko milikeria gutiago. Bai, asmatu duzue, eskuin unionistari kopiatu dizkiodan gauzak dira. Hirugarren eskaera bat ere ebatsi diot: Olentzero maitea, gure aldeko think tank bat nahi nuke.
Eragile sozialen eta langile mugimenduaren historia, hala nola herriena eta jendarte osoarena, eztabaidaezina da, hemen eta mundu osoan: presioaren bidez soilik lortu dira eskubide sozial eta politikoak. Hau da, greba, elkarretaratze, manifestazio eta okupazioen bidez lortu dira, baita zenbaitetan borroka armatua tartean zela ere. Kasu horietan, pultsu politiko eta soziala mantendu da sistema kapitalista, patriarkal eta matxistaren aurrean. Honek etekinak baizik ez ditu nahi eta aldian aldiko... [+]
Poesia-errealitatea artifiziorik gabe errealitatera doa. Poetak Estatuaren ekipamenduak idazten ditu. Kaskoa: 800 euro. Defentsa bala jaurtitzailea : 650 euro. Defentsa bala: 30 euro. Gorputzaren babesa: 2.500 euro. Ezkutua: 350 euro. Borra teleskopikoa 70: euro. Granada lakrimogenoen jaurtitzailea: 2.500 euro. Borra Tonfa: 30 euro. Granada lakrimogenoa klasikoa: 15 euro. Granada lakrimogenoa GLI-F4 soinu efektuekin: 25 euro. Granada jaurtitzailea: 900 euro. Granada desinguratzerako: 20 euro.
20 urte bete dira Hugo Rafael Chávez Frías izeneko militar pobre eta mulato bat Gobernura iritsi eta Venezuelan garai berri bat hasi zenetik. Eta berarekin, ordurarte baztertuak zeuden miloika herritar hasi ziren herrialdearen gidaritza hartzen, bigarren independentziaranzko bidea egiten.
Bi urtetik behin gertatu bezala, badator berriz ere Korrika gurera. Herri euskaldun batean amesten dugun gazteoi ezinbesteko zaigu ekimen hau gure buruan kokatzea, bi urterik behin bada ere, zentroan kokatzea. Ez zen nolanahiko apustua izan bere garaian ez. 1980an, aurreko urteetan taberna bateko mahai inguruan ernaltzen hasitako ideiari hasiera eman zitzaion; eta horrela, herri honen euskalduntzearen alde inoiz egindako ekimen handienetariko bat martxan jarri zen. Euskal Herriaren eraikuntzan... [+]
Azken egun hauetan, milaka ikusten dira Korrikaren aldeko antolatzen diren ekitaldiak, iragarkiak, albisteak eta bakoitzaren herrira heltzeko irrikak. Aurten ikus izan dezakegu bereziki, Korrikaren ibilbideak nola islatzen duen euskarak hamarkada gutxi horietan egindako bidea.
